雷德統帥

簡介 世界最邪惡集團紅帶軍既矮仔統帥。為左搜集龍珠而命令主體人到世界各處,用各種手段去尋找。給果同搵龍珠既悟空發生衝突。雖然用左好多方法去對付佢,但最後都被解決。當紅帶軍總部被悟空突擊果陣被黑參謀發現齊集龍珠既目的唔係征服世界而係幫自己增高,於是被佢槍殺。
　

黑參謀

簡介 雷德統帥既近身手下。因為唔滿意雷德既願望同佢無視部下生死既態度而將佢殺死,自己做左統帥。悟空打到黎果陣操縱一部強力既機動戰衣同佢大打出手。當戰衣被悟空撞穿之後係爆炸果陣死左。

藍將軍
識既招式 超能力
簡介 紅帶軍藍隊既首令,都係最難搞既紅帶軍人員。率令既部隊全軍覆沒後自己一個人狙擊悟空。係海盜既山洞中比悟空打敗後成功逃走,而且將龜屋上既全部人捉住,企圖用炸彈炸死。失敗後同悟空打到天神村。雖然搶走左悟空既雷達,但因為比則卷小雲打走而搶唔到龍珠,所以回總部後被雷德統帥僱用既桃白白處死。

白將軍

簡介 紅帶軍白隊既首令。平時會係白隊魔鬼塔既頂樓。張西克村既村長捉做人質後強逼村民幫手搵龍珠,更利用佢黎威脅打到頂樓既悟空。不過打傷悟空後被發怒既８號打死。
　

布也

識既招式 舌頭､電擊
簡介 白將軍關係五樓既怪物。因為身體好似橡膠咁柔軟,所以刀槍不入,連龜波氣功都可以反彈。悟空同８號差d比佢食左。不過最後被比悟空凍結同踢碎。

紫上將

識既招式 暗器技術、水遁術、水上飄、「分身術」、「隱身術」
功夫來源 冇提過
簡介 白將軍手下負責守護第四層既忍者。用左好多卑鄙同假冒既忍術黎對付悟空。有四個胞胎兄弟。打唔過悟空後放左８號出黎,不過失敗左,隨後被悟空打敗。大戰後本黎想引爆８號體內既炸彈,但係炸彈被拆左,仲被悟空岩岩好拋係身邊,結果自己炸到粉碎。

米洛軍曹

識既招式 飛拳､飛彈
簡介 白將軍負責守護第三層既部下。氣力大而且唔怕痛。不過中左悟空既龜波氣功後因電池用盡而毀滅。

爾柏上校

簡介 紅帶軍銀隊既首令。係悟空第一個面對既紅帶軍將令。被悟空打敗後就被雷德統帥判處死刑。
　

依羅上校

家庭成員 冇提過
簡介 紅帶軍黃隊既首令。係聖地花梨挾持烏巴時被悟空打死。

桃白白

識既招式 殘像拳､洞洞波､超級洞洞波
功夫來源 後期有部份係因為機械改造
家庭成員 哥哥鶴仙人
簡介
　　世界第一殺手,都係鶴仙人既細佬。被紅帶軍僱用殺孫悟空,於是將悟空打到重傷同殺死保拉。但後來由於悟空係塔頂練左三日功令佢功力大增,因為咁所以輸左,仲比自己擲既炸彈炸碎。不過後來使用左積聚多年既殺人費來令自己後活,結果變成一個更加強既半機械人。為左對付悟空同天津飯而參加第廿三屆武術大會,但仲係敗係天津飯手上。