笛子魔童
識既招式 舞空術､長臂攻擊､眼光線､手指光線､口發光彈､殘像拳､氣功波､電擊､反魔封波､魔光炮､巨形變身､再生､魔貫光殺炮､心靈通話､分身､激烈光彈､觀察地球
功夫來源 笛子大魔王
家庭成員 父親笛子大魔王､分化天神､天迪､波波
簡介
　　笛子大魔王既分身。出生後為左殺死孫悟空同征服世界不斷修鍊。經過三年既苦鍊後參加第廿三屆武術大會。打倒無限同天神後係總決賽中同悟空展開最後大戰。經過一場激戰後雖將悟空重傷,但自己都被悟空撞出場外而落敗。不過唔單止冇被悟空封住,仲餵佢食仙豆同放走。

　　撒亞人篇－－自從係第廿三屆天下第一武術大會輸左比悟空手上後就一直修鍊,希望有一日可以打敗悟空同征服世界。但當超強既拿迪斯出現果陣同悟空聯手出擊,後來將兩兄弟一齊殺死。為左對付一年後黎襲既撒亞人而鍛鍊悟飯,仲成為左佢既偶像。果陣已經因長期面對良善既一面而變有充滿正義感,因為咁仲願意為悟飯擋左立巴既攻擊而死。

　　娜美星篇－－死後去到界王星修鍊,而後來因娜美星龍珠而復活同番番故鄉,而且同重傷既尼傲合體。雖然將菲利打倒,但最後都因為佢繼續變身而落敗。悟空集合元氣彈果陣幫佢拖延菲利，而且仲為左救悟空而中左菲利致命既一擊﹐幾乎死去。平安後決定係地球後繼續住。

　　加里二世/人造人篇－－加里二世奪取神位果陣扮魔族黎救天神同波波仲同佢大戰。杜拉格斯黎時聽到佢既說話，於是同悟空父子修鍊三年。輸左比人造人後明白需要強大既力量,於是同天神合體,然後用強大既力量同智慧黎對付斯路同令佢講清楚自己既來歷。隨後為左防止斯路變成完全體就同17號大戰,不過後黎比斯路打傷。之後為左準備斯路遊戲而進入精神時光屋鍛鍊。

　　布歐篇－－七年後既武術大會當日同悟空佢地對付巴菲迪，仲差d殺死佢,結果做左通緝犯。呢段時間內留係天界訓練悟天同杜拉格斯。同布歐戰鬥果陣差d比大家封入精神時光屋內。後黎比布歐吸收,跟住比比達救左出黎就死係地球爆炸中,最後因為龍珠復活。

　　baby篇－－長久以來在地球上修鍊,後黎因為悟天被Ｂａｂｙ上身而重出江湖,係Ｂａｂｙ離開佢身體果陣救番佢,不過好快就被Ｂａｂｙ既龜波氣功打倒。當地球因為黑星龍珠而開始粉碎果陣為左消滅果d龍珠而同地球同歸於盡(淚.....)。

　　超17號篇－－悟空被困地獄時就使出強硬手段黎去地獄,然後同天迪一齊打開一個令悟空番地球既出口。之後係地獄逗留黎維護和平。

天神

識既招式 操縱龍珠､觀察地球､舞空術､靈魂附體､衝擊波､氣功波､眼精光線､魔封波､穿越陰陽間
功夫來源 自己(?)
家庭成員 波波先生
簡介
　　細過既故鄉娜美星發生氣象突變時坐左架太空船黎到地球。但係因為撞傷左頭而失憶因為咁只記得製造同操縱龍珠既方法。同笛子大魔王原本係同一體。

　　數百年前仲係一個超強戰士既時候上天界搵上一代既天神,並且打算繼承神位,但因為心中有惡念而被拒。後黎經過一番修鍊,終於成功驅除那股惡念,曾同加里爭神位，因為心境向善而勝出後將動亂既加里封係宇宙。但無法阻止果種惡念化成大魔王而去左地球搗亂,亦因殺左大魔王自己都會死而束手無策。因為悟空係唯一可以打倒大魔王,又有一夥正義心腸既人而將所有既希望寄望係佢身上,仲希望佢可以代自己做天神。好耐以前製造左故事環繞著既七龍珠,都有令神龍復活既能力。

　　加里二世/人造人篇－－悟空死後介紹佢到界王處修鍊。魔童被立巴殺死後都同佢一齊死左，於是指魔童同其他犧牲者去界王星。後來因娜美星龍珠而復活﹐於是將地球上死去既龍珠復活。一年後因加里二世既攻擊而幾乎失去神位，後黎仲為左替世界既人解水霧毒而差d被以前既神靈殺死。對戰人造人時因為發現左斯路既存在而同意同魔童合一，令魔童既戰鬥力同智力大大提昇。

笛子大魔王
識既招式 魔光炮､氣功波､眼精光線､手指光線､口發光彈､心靈通話､產卵
功夫來源 天神(?)
家庭成員 分化天神､分身笛子魔童､手下比安路､手下丹巴林､手下辛巴､手下杜摩
簡介
　　天神既惡念所化成既人物。係龍珠系列中第一個超強敵。數百年前係地球上搗亂時被武泰斗用魔封波封印係電飯煲內。後黎被畢拉夫放左出黎並為左回復青春而搜集龍珠。為左防止再有人用魔封波而派人殺害世界既武術家,仲將悟空打成重傷。殺死左龜仙人同餃子後用龍珠回復青春,仲而且成願望後仲殺死了神龍。隨後攻入國王城奪取王位,打算征服世界令地球變成人間地獄。好彩悟空及時趕到,於是同佢展開一場大決戰。雖然挾持左天津飯做人質,但最後關頭被潛能爆發既悟空貫穿。臨爆炸前產下左自己既分身。

天迪

識既招式 舞空術､醫療､心靈通話､操縱龍珠､觀察地球
功夫來源 冇提過
家庭成員 波波、魔童
簡介
　　原本係娜美星上一個普通既小孩。所住既村莊被菲利攻擊果陣被悟飯救走。潛能被大長老引發後就利用娜美星話同醫療能力幫悟飯們戰菲利。可惜因為咁成為菲利既眼中釘而被佢殺死。

　　人造人篇－－因龍珠復活後許左徹離娜美星既願。係地球過左二百六十日後同其他娜美星人移居到新娜美星。斯路遊戲果陣受悟空既邀請而到地球做下一代天神,於是令龍珠復活同增強到可以許兩個願望。

　　布歐篇－－七年後仲將龍珠變成可以許三個願望。布歐係地球搗亂時請左同伴既家人上天界避難。險被布歐變朱古力同死係地球爆炸後同界王神佢地走到新娜美星再許左拯救宇宙既願望。

　　baby篇－－為左令悟空同歐布修鍊而出讓一個場地比佢地,後黎都幫北界王商量黑星龍珠既事。被Ｂａｂｙ產卵後就將悟空從宇宙搜來既龍珠全部交比佢。被界王神用超神水還原後係大戰既尾聲將超神水化霧,令地球上變成舒夫智人的人還原。

　　超17號篇－－魔童去左地獄後就幫佢既天界上空開一個令悟空逃出地獄既洞口，隨後都幫佢處理龍珠。

大長老
識既招式 超能力､操縱龍珠､心靈通話
家庭成員 所有係娜美星居住既人
簡介
　　娜美星發生氣象突變果陣生存落黎，而且生左108個娜美星人,令娜美星再度繁榮。一次發夢果陣夢見一隻「夢中獸」,於是就造左可以實現願望既龍珠。菲利黎娜美星時被佢既邪氣減短壽命而早一步死去,後黎因地球既龍珠復活。同大家去左地球後終於仙逝。﹐所以大長老之位就交左一個新既人做。
　

尼傲

識既招式 舞空術､心靈通話､氣功波､再生
家庭成員 大長老
簡介 娜美星上最強既戰士。菲利襲擊娜美星時果陣為左保護大長老而一直留係佢身邊。後黎為左拖延搵大長老既菲利而被打到重傷垂危。果陣岩岩好比剛復活既魔童發現,於是就同化成為更強既娜美星人戰士。

史拉古

識既招式 舞空術､氣功波､超能力､巨型變身､口發光彈､長臂攻擊
簡介
　　古時娜美星人既叛徒。為左征服宇宙而帶領手下將宇宙各星球變成魔族既星球係宇宙行走。當攻到地球時用龍珠令自己變成長春不老。後黎出手打前黎既悟空。被悟空打斷手後露出超級娜美星人既真面目﹐將悟空打敗。但由於悟飯既口哨聲太逆耳,所以無法制止魔童傳能量比悟空。被悟空打傷後雖然冇死,但都係被來自太陽既元氣彈打死。

　

カタッツ

識既招式 操縱龍珠
簡介 天神既龍珠天才父親。當娜美星發生氣象突變時係送天神到地球後喪生。

ムーリ

簡介 原本係天迪既村莊既長老。被搵龍珠既杜利安殺死後因龍珠而復活,後黎係大長老死後被命為新既大長老。

カルゴ

簡介 天迪既弟弟。菲利攻擊村莊時被佢殺死,後黎因龍珠而復活。

　

ツーノ

簡介 被比達消滅既村莊既長老。