人造人8號
家庭成員 阿雪，フラッペ博士
簡介 紅帶軍製造既武器。好似科學怪人,而且力大無窮。不過性格善良,而且唔鍾意打架。因為知道白將軍會係搵龍珠後殺掉西克村既村民,所以張搵到既龍珠收起黎。後來寧願被紫上將炸碎都唔去攻擊悟空,好彩最後被悟空救左,於是幫手救村長,仲將白將軍打死。之後就長住係果條村裡。

人造人16號

識既招式

舞空術､眼精激光､飛拳､地獄閃光

簡介

 原本係基洛博士為左消滅悟空而製既強力機械人造人,因為擁有一切有關佢地既資料,而且都係以殺佢為目的。不過因為有一夥正義同喜愛大自然既心而被認為係失敗之作。基洛博士死後被17號同18號解放,於是同佢地追殺悟空。後黎為左保護17號而同斯路打,不過被吸左17號既佢打壞頭部。被莊子修理好後參加斯路遊戲。中途為左消滅斯路企圖自爆,但係因為炸彈比莊子拆左,所以比斯路打到得番個頭。得到撒旦既幫助後終於能夠去到悟飯身邊勸服佢發嬲。可惜最後被斯路踩碎。之後一直留係陰間。

人造人17號

識既招式

舞空術､氣功波､衝擊波､防護罩､圓氣斬
家庭成員 孖生姐姐18號

簡介

 原本係一個普通既地球人,但被基洛博士捉左去改造,結果變成一個有無限能量既生物人造人。不過因為性格自大同高傲因對基洛博士存有強烈既憤恨,所以曾被佢停止過。比達等人追到研究所果陣被佢放左出黎,於是就趁機將停止人造人既遙遠控制破壞。基洛博士想阻止18號放16號果陣將佢殺掉。

　　之後為左玩殺悟空既遊戲,就帶18號同16號開始佢地既旅程。後黎為左問出悟空既所在地而同天神合左體既魔童打起黎,但就係咁張斯路引左黎。雖然魔童同１６號不斷地阻住斯路,但因為太自大而被吸收。隨後同斯路一齊被悟飯消滅,因為龍珠而復活同清除體內既炸彈。之後一個人住係深山裡。

本來一直係深山果度隱居,但繆博士同基洛博士完成地獄17號後就開始被佢既意念操縱,而且都開始同佢交換能量黎提昇戰鬥力同係地球打開陰陽間既門。奉命打傷杜拉格斯黎挑戰悟空後將天空既出口打開,然後同地獄軍一齊搗亂。遇見18號果陣企圖招攬佢,後黎因為無限而失敗並開始脫離控制。可惜仲係輸比地獄１７號既意念,於是就殺死無限。不過攻擊18號果陣一直無法下殺手。後黎就去同地獄17號合體成超17號。

人造人18號

識既招式

舞空術､氣功波､衝擊波､防護罩､圓氣斬
家庭成員 孖生弟弟17號、丈夫無限、女兒馬倫

簡介
　　原本係個可愛既地球女人,後黎比基洛博士捉去改成17號既孿生姐姐。比達等人追到研究所時被放出黎。後黎為左殺悟空而同17號一齊上路,而且係打敗比達後鍚左無限。17號被斯路吸收後同16號係附近既島上躲藏。雖然僥倖冇被無限停止活動,但被斯路吸收。

　　斯路遊戲中因為悟飯既拳令斯路發生異變,所以份子再組成原形被嘔出黎。戰鬥結束後被無限救番天界。療傷後雖然曾拒絕佢,但因為佢請神龍拆掉體內既炸彈,所以後來同佢結左婚而且生左馬倫。

　　七年後為獎金參加天下第一武術大會，而且仲扮輸迫撒旦黎得到左更高既獎金。布歐攻打天界果陣被變成朱古力食左，之後因龍珠復活。

係地球安靜地生活多年後被Ｂａｂｙ產卵,後黎因超神水還原。當地獄軍攻擊地球果陣同無限一齊走,仲再次遇見人造人17號,仲差d被地獄17號既意念控制,幸好被無限及時叫醒。當17號殺死無限後就發狂地攻擊佢,但反而被佢打倒。回復意識後隨超17號既意念去搵佢報仇,而且係攻擊17號果陣意外地令悟空有取勝既機會。

人造人18號

識既招式

舞空術､氣功波､眼精光線､吸收能量

簡介

 基洛博士造既吸能量形人造人。同佢一齊攻擊南都,隨後同悟空打。因為悟空心臟病發作而輕易將佢打倒,仲不斷吸收佢既能量。不過比達出現果陣處於劣勢,而吸能量用既雙手被弄斷後身體被粉碎,只剩番頭部未毀。

人造人20號/基洛博士

識既招式

舞空術､氣功波､眼精光線､吸收能量

簡介

 原本係紅帶軍所僱用既科學家,所以都有征服世界既野心。悟空消滅紅帶軍後為左報仇而製造左蟲形偵察機不斷觀察佢既武功進展,然後發明左可以將佢打敗既人造人。將斯路同其他失敗之作交比藏係研究所地下室既電腦後繼續研究新既人造人。

　　為左得到不死身而叫19號將自己改成吸能量型既人造人,跟住就攻擊南都而且大型破壞黎開始征服世界,然後同一早準備好既悟空佢地戰鬥。19號被消滅後逃番研究所既途中吸左魔童既能量,不過因為咁而被佢打倒。終於番番研究所後將17號同18號放左出黎對付比達佢地,但被17號搵到機會破壞停止佢地既遙遠控制。18號想放16號果陣企圖阻止,但被17號消滅。

　　自從落左地獄後就一直構思點樣番陽間,消滅孫悟空同征服地球。經過長年累月後終於諗出使用17號既方法,於是繆博士去到地獄後就搵佢黎研究同製造新17號。用左數年後就實行左計劃,令兩個17號係地球打開陰陽間之門同操縱地獄既人黎攻擊。當悟空佢地係收拾地獄軍果陣就引佢去地獄,然後去地球果陣封印佢。係地球上派遣地獄軍全面攻擊同命地獄１７號戰比達,係佢開始落下風果陣就叫人造人17號同佢合體。後黎一直指令17號攻擊,不過超17號要殺比達果陣因被阿包挾持而命佢停手,但反被聽繆博士既17號粉碎。

人造人13號

識既招式

舞空術､氣功波､眼精光線､機械吸收

簡介

 原本係基洛博士棄置係研究所地下室既製品。當基洛博士被17號殺死後被電腦完工,於是就帶14號同15號去殺死孫悟空。係北方冰山同超級撒亞人悟空同眾人鬥果陣落下風,但吸收被毀滅既14號15號後就變身成超13號而且打敗眾人。不過後黎被悟空用強大既元氣拳擊倒。

人造人１４號

識既招式

舞空術､氣功波､眼精光線

簡介

 基洛博士留係研究所地下室,係佢死後被電腦完工既人造人。係一個高大但遲鈍既人。為左殺悟空而去城市。後殷 係北方冰山戰杜拉格斯,但最後被變成超級撒亞人既佢用劍一刀兩斷。

人造人１５號

識既招式

舞空術､氣功波､手指光線

簡介

 基洛博士留戚研究所地下室,係佢死後被電腦完工既人造人。係一個精明但矮既人。為左殺悟空而去城市。後黎係北方冰山戰比達,但最後被變成超級撒亞人既佢一拳擊毀。

斯路

識既招式

舞空術､氣功波､魔貫光殺炮､殘像拳､界王拳､龜波氣功､圓氣斬､元氣彈､衝擊波､爆發波､加力炮､手指光線､眼精光線､口發光彈､再生､長臂攻擊､超能力､死亡彈､太陽拳､四身拳､氣功炮､防護罩､人體吸收､製小斯路､瞬間移動地獄火箭炮

簡介
　　基洛博士集合左各種強者細胞而組成的人造人。因為製作時間太長,所以基洛博士將呢份工作交比係研究所地下室既電腦。果部電腦後來將魔童､悟空､比達､菲利､哥魯德既細胞收集係放係呢個新生命體內。係系列中出現既主要版本係黎自另一個未來既另一個未來。

　　當基洛博士被17號殺死果陣係佢接收左成長後要吸收17號同18號既指令。挨過左兩個人造人既攻擊後係廿年之後成長,於是開始尋找兩人,順便將地球人吸收黎增強戰鬥力。搵唔到佢地果陣聽到杜拉格斯有部時光機,因為咁趁佢準備番過去果陣殺死佢,係退化成蛋同坐時光機番到悟空戰菲利果年。

　　係深山降落後爬入泥入面再生長四年黎變番成長狀態,跟住係附近吸人。碰岩天神同魔童既合體果陣雖然唔夠佢地打仲洩漏左來歷,但都成功逃脫。吸左幾日人後因魔童同17號決鬥而搵到佢地。打傷魔童後本黎想將17號吸收,但被16號阻止同打傷。後黎因為17號太大意而搵到機會生吞左佢。變成半全體後打壞16號,因天津飯而被18號們逃走。係炸島嶼果陣比超級比達完成擊到,但後黎利用左比達好戰同自大既性格黎搵機會吸18號變成完全體。以超強力量打倒比達同杜拉格斯後為左戰更強既對手,就係電視上宣佈左決定世界命運既武術大會斯路遊戲。

　　係決賽果陣同悟空進行左一個激烈既決鬥。仲將佢打到投降後同繼承人悟飯打。因為聽到悟飯有強大既憤怒能量,於是一直諗辦法激嬲佢。打佢都唔嬲後就打散16號再派小斯路攻擊大家,最後就踩碎16號個頭,結果將悟飯激到變成超級撒亞人2。小斯路粉碎後被佢打到無能為力,而且仲因為嘔出18號再變番半全體。絕望之際果陣打算自爆黎將所有人連同地球一齊粉碎,但被悟空帶上界王星。爆炸後因留下腦核心而復活成更強既完全體。番地球後殺死杜拉格斯同重傷比達同悟飯,而且要出龜波氣功消滅一切果陣被悟飯同悟空合力出既龜波氣功粉碎。被判落地獄後同菲利一齊造反,不過被拜古汗收拾。

　　住係地獄多年後因為係悟空既大敵而係地獄之門打開果陣成為係地獄挑戰悟空既魔戰士之一。悟空被封地獄後同菲利一齊出擊。雖然唔係悟空既對手,但因為係死人而係充滿陽氣既地獄得到不死身。無法快速打倒悟空後就同菲利將悟空送去地獄既最底層。不過悟空脫離冤魂之雪既束縛後就被佢冰封同打碎。重新組合後被地獄既鬼差擒拿。

小斯路

識既招式

舞空術､氣功波､魔貫光殺炮､殘像拳､界王拳､龜波氣功､圓氣斬､衝擊波､爆發波､加力炮､手指光線､眼精光線､口發光彈､長臂攻擊､死亡彈､太陽拳､氣功炮

簡介

 斯路係自己身體製造既七個複製品。外表同佢好似,只係身形細D。斯路想激嬲悟飯果陣奉佢既命令攻擊悟空們,將佢地一一打倒。不過最後全部被超級撒雅人2既悟飯粉碎。

地獄17號

識既招式

舞空術､氣功波､衝擊波､防護罩､圓氣斬

簡介

 繆博士同基洛博士係地獄偷偷地集合人造人技術､繆達科技､地獄既精神力量同陽間既生命力而製成既全機械形地獄戰士。擁有控制人造人１７號既能力,於是就係同佢以強大力量來互相交接意念時將陰間同陽間拉近,再係互相交換能量黎提昇戰鬥力果陣打開左地獄之門。之後一直用陰陽間既意念能量黎控制來自地獄既軍團去攻擊地球。悟空黎地獄後就同兩個博士去地球,令地獄之門因為失去陰間意念而關閉。後黎同比達戰鬥,隨後仲同人造人１７號合體成超１７號。

超17號

識既招式

舞空術､氣功波､衝擊波､超能力､機關槍､飛拳､眼精光線､圓氣斬､電光轟炸､防護罩､能量吸收､電擊地獄彈

簡介
　　人造人１７號同地獄１７號既合體。戰鬥力因為兩個相同既人既機件同精神合一而達到終極既地步,但基本上仲係以地獄17號既思想為主,因為一直受到繆博士既控制。當合體完畢後就同時挑戰比達､悟飯､悟天､杜拉格斯同歐布。同佢地大戰一場後將大家全部打倒。

　　阿包挾持基洛博士果陣就照繆博士意思將佢消滅,然後連阿包同機露都打倒。不過想殺死比達果陣悟空出現,於是馬上同佢展開大決戰。從地球打到宇宙後將悟空既攻擊完全化解,後黎係佢變成超級撒亞人4後將佢一切氣功同拳力,甚至十倍龜波氣功都完全吸收。挨過左悟空既能量解放後企圖殺死佢,但因為18號出現而唔敢出手。抗拒左繆博士既操縱後就將佢粉碎,然後就開始吸收18號的氣功波。

　　不過係吸收同時令悟空睇出自己既破綻,因為咁就被佢既龍拳貫穿,隨後被十倍龜波氣功徹底毀滅。