又過左几日，大家定必覺得我又懶惰起來啦。
冇錯！我確係懶。
又簡單地禪述下我做過d乜啦。

晌25/05/02，一個風和日麗既下午，發生左一件好浪漫而有趣既事。
我~同 Patti~ 去左行沙灘。
基于大家都認為日日自閉在家就快真係自閉既時候，係時候出去行下。
去感受下大自然既氣息，呼吸下自由既空氣，探索自然生態既奧祕。
（哈，廢話~）
就係咁，兩個柴娃娃就去左搭扒屎。
目的地 -> Henley Beach
原來車程都唔係好遠，廿几個站度啦。
嘩~ 海邊真係几凍下，真係‘為你我受冷風吹’。
不過又真係好靚，又几多人釣魚，我地都有映到相，如下：

我地一直沿住海邊行，諗住搵番 Patti 上次去過果條橋？碼頭？
行行下，見到有個公園仔呀，仲有韆鞦添呀！
真係几大都鞦番夠本先呀，咪講笑，嘿
之后一直行，行行下入左人地 d Camp 入面 d 範圍 ，走唔番出去啊！
周圍都比 d 欄杆圍住哂，見到扒屎晌出面閃過都搭唔到，撞鬼~
但事實又‘再一次’証明，呢個地球係圓既！
行行下又比我地出番去，仲要~ 仲要一出就有一個有直接扒屎返我屋企既扒屎站，哈~
Well，時運好就係咁好彩架啦，哈哈
但個經典係 ->
全日消費：一程扒屎飛，價值九十九仙！
勁呀~ 強呀~ 
呢 d 咁有益身心既活動，真係要多 d 參與！

方力申話齋：
‘日日運動身体好，男女老幼做得到’