給我的朋友

呢個部份係比我D朋友睇既，有D話好想比你地聽，就寫o係呢道囉!希望你地得間中黎睇啦!

給波波源的話：

波波源呀，真係好開心識到你呢個好兄弟，好哥哥。亦都好多謝你好耐心咁聽我講咁多心

事，要向你說一聲多謝。呢年同你一齊經歷過好多野，好開心既，都有傷心既。之不過就正

因為呢D事，令我地既友誼一日一日咁深厚。新既一年，希望可以一齊再經過一個又一個既

風浪，更加認識對方，希望我地比而家更加老友。

5/5/03 7:40pm

自我地鬧交直到而家，我真係學左好多野，都認識多左我自己同你地。有時

我知我做錯左好多野，有時講野唔為人諗過先講出口，成日發人脾氣。少少

事又妒忌又嬲，好差架有時覺得自己。

之但係，明白左我做呢D野既原因，係重視緊張你地囉。我學識左一樣野，

一段關係，唔可拉得太緊，咁樣只會呢人有窒息既感覺。所以我而家會話比

自己聽，要放手更多，唔再執著咁多。或者我未必真係做得好，仲令你感得

相處得好辛苦，之但係，我有盡過力架。

我知道，倫越好快要離開香港去外國升學。佢作為你既best friend，真係會緊

張過我地好多，所以會忽略左我。其實我之前真係唔知倫越咁快就要走架，

如果我一早知，我唔會怪你。因為比著走果個係你，我都會只係理你，會忽

略好多人，我明白你既心情。

或者你忽略左我，我真係覺得辛苦，但係我會盡量忍受囉，盡量去理解你既

諗法囉。我知道你為我改變左好多囉，所以我會努力，祝福你同倫越友誼永

固。

給宜姐姐同Daisy的話：

呢一年多得有你地陪住我度過好多開心同唔開心既時刻，對你地我也開始了解。我知道你地

一直都當我好似細佬又好似老友咁關心我照顧我。雖然，你兩個有時都幾寸，但係我知只係

玩o下o者，冇相干冇相干。知道你地做咁多事奉好辛苦，所以你地唔做伴唱都係好既，但係

你地差唔多要做晒Mission Teens D野，真係唔係話咁易。之不過你地仲可以成日都笑容滿面

真係難得。加油唷！我永遠支持你地。

5/5/03 8:35pm

宜：我呢排發現，其實你都算幾了解我架，可能你唔覺，之但係我咁覺囉。

阿宜你好多時都係會用我最鍾意既方法去安慰我，你會成日問我有冇事，我

會覺得有你呢個老友真係不枉此生。多謝你送黎既信，你既安慰，多謝你令

我覺得我仲有一個知心友。

　

Daisy：以前我會覺得你好靜，成日都唔多出聲，乜都不聞不問，比較阿

宜，我會覺得阿宜friend D。但係識你耐左，又唔係咁諗喎，因為你都有好

多次打電話開解我，支持我。見我有事，你一兩句既問候，我都已經好開心

，明白你好重視我架。

給GiGi妹的話：

5/5/03 8:44pm

GiGi，開一個地方寫野比你，係咪好開心呢？講真呀，以前真係同你唔係好

friend，前排仲鬧過交添，仲因為係我以為我地位太高而引起。果排我真係

以為你好憎我，真係以為你一D都唔覺得我有幾重要。但係件事過左，同你

既關係好過以前呀反而我覺得。係呀，我知我講野呢冇波波源同倫越咁搞

笑，甚至可以話係個好悶既人。但係你冇介意過囉，你同我都有講有笑，但

係我都唔知點解呀，以前覺得自己個人都風趣，而家覺得個人好悶，講乜D

人都會勉強咁笑。唉，完全唔再似Tony"笑"啦，而家真係做左Mission Teens

D細路改既花名，Tony"喊"。但係多謝你仲打電話問候我啦，仲叫我阿哥

啦，仲話錫我囉。^^

給倫越的話：

5/5/03 8:52pm

倫兄呀，聽到你話會好快就離開香港，我真係好心痛呀。你唔好睇我好似成

日都冇乜同你講野，但係你o係我心目中，真係好重要架。無錯，我係冇你

同波波源維奶咁老友，你地三個係唔會當我係你地既best friend，從來唔會有

人覺得係四兄弟，只係你地三個兄弟。以前既我，好介意呢樣野，但係學識

左接受事實，同埋知道呢D迫唔黎，唔覺得就係唔覺得。但點都好，你走，

我係超唔捨得同超唔想囉。多謝你上次食飯，你有開解我囉，你有叫我自己

諗D野講，呢句野雖然果刻我唔係好同意，但係唔知點解好入心。當我又再

覺得冇人理我時，我會諗番起你果句，跟住我會主動講野。而家只係想珍惜

見到你既時間，我諗我比佢地見你既機會少好多，所以真係要珍惜。好唔捨

得你呀，我會諗送你機果日，會好傷心，睇住一個死黨走，有排都會見唔到

面，真係唔知點好。I will miss u always.