忘記妳,想見妳

曲:Woody Man 詞:Tony少/Woody Man

 是那天 目光總會怕妳離開

 想妳彷彿等候晨光

 妳的心 若果憂傷了 我都驚怕 我深知獨是愛妳

# 她一切掛心上 很想知她心儀對象

 可否愛上我一次 若我孤單怕寂寥

 不想計分秒 阻止我對她牽掛

 若我看見妳笑臉能令我痴 #

@ 如回憶並未忘記 共她一起歡樂相處

 如能讓我仍然可抓住那無窮愉快 捉緊這空間

 (如能讓我成為知音密友 能陪著妳築起這空間)

 從人海認定和妳 沒法一分鐘沒想到妳

 從頭視察原來這麼完美

 如若沒有學懂戀愛有用嗎?(容讓是我共她好友繼續嗎?)@

 Repeat #@ with ( )

 如何能讓妳知道總欠力氣 無人搖動我心意 別放棄

 但若是自問未配得一世伴妳 同諧直到地極再分享樂與悲

 人潮中盡力忘記 白天漆黑不斷想妳

 唯求讓我仍然可抓住妳 惶惶是我害怕一天別離

 從茫茫人海認定和妳 讓每一分鐘亦淒美

 原本沒法遺忘心中是妳 無奈是我未懂戀愛那神秘

 我只想共她於天國永沒愁哀 跟妳天天等候晨光

 沒患難疾風跟飛雪雨點飄降 只相愛共對

 

關於此歌:

  呢隻歌呢係我第一次為一隻原創歌填詞,好多謝思源比個咁既機會我去創作,

由於之前都是把己有既流行曲改歌詞,仲係講埋D無聊野。暑假前幾天,我替我地

Super Youth改左五星級的家為五星級教會,大收好評,我諗因為咁,思源曾找我

替他的新歌填詞,也因為一次和佢傾左陣大家的戀愛經驗,令我諗番起同我曾經好

鍾意的人一段好痛苦的時間,這事也對我人生有好大的改變,又想起現在不太肯定

係唔係鍾意既人(唔係Edith呀,我知你諗咩架)的關係,感到好有feel,便憑歌寄意

抒發自己既情感。

  歌曲主要分開兩部份,一部份係忘記妳,另一部份係想見妳。我作的詞係講"想

見妳",而思源作的是"忘記妳"。歌名真正意思並不能以字面直解,應解作:

      忘記妳...但忘不了,想見妳...又見唔到

歌曲真正的內容,也不是如字面的解法一樣,有些句子係送給我曾心愛的人,有些

則描寫我對這個不太肯定愛還是不愛的人那種細微的感覺。如果以呢個睇法去聽D

歌詞,get到既野又唔同架喎,可以話別有另一番風味。至於成隻歌講D乜?我唔話

過你聽,因為我要留有空間給聽者想和領悟。

  我最鍾意既歌詞係"若我看見妳笑臉能令我痴"同埋"如能讓我仍然可抓住那無窮

愉快,捉緊這空間"呢兩句。因為第一句係勁中我以前見到佢既感覺,不是嗎?當你

看見自己喜歡的人笑,自己就算幾唔開心,都會會心微笑,而且個人自然飄飄然,

用個"痴"字去形容就最好不過,至於第二句,意思係如果能夠可以回到從前並珍惜同佢

歡喜快樂的日子。捉緊這空間,空間係指咩野呢?空間係指只有我同佢的回憶同所有

有關佢的一切,全句意指好希望能辨清這些感覺。我覺得係好講中單愛過,或者單戀

中的人那種唔知點既感覺。

  最後呢隻歌"我"想講既係:不要怕,只要愛。雖然愛令你受傷害,之不過盡情的去

愛吧!我覺得呢隻歌都幾警世架,哈哈。

  如果大家對呢隻歌或者我的見解有意見,都係o個句E-mail比我啦!

tony_upload@yahoo.com.hk 我一定會覆你!