30/08/2004(mon)                                                                         晴天(下面有相呀~!)

                 
                 今日訓到鬼死咁晏喎∼（２：００ｐｍ）起身沖涼之後就諗住拎Ｄ

　　校裙去改啦∼因為新個Ｄ又長得濟∼舊個Ｄ又短得濟喎．．．但唔知點解

　　我無啦啦唔知點解又俾個電視吸引住∼（睇騙中傳奇）又睇左陣∼睇完先

　　走∼落左街冇耐∼我手提出現左一個好罕有既來電顯示＋＋＋余婷婷＋＋＋

　　佢講既仲出奇∼都成４點鐘架啦∼佢竟然叫我陪佢出旺角喎∼咁我都冇咩所

　　謂既∼（魔女中我都算唔話得喇∼有求必應呀∼哈）咁我就拿拿淋拎埋Ｄ野

　　去改就番屋企換衫就走喇∼咁我搭６９ｘ啦∼我心諗我咁遲出去∼睇怕又會

　　遲到架喇．．．點知搭搭下車∼望望其他野見到有架巴士上面個層有個傻婆

　　好鬼似余婷∼而個架車係６８ｘ．．．ｈｅｈｅ∼原來個個係余婷∼我即刻

　　打俾佢啦∼佢懶係出奇咁∼哈哈∼！我心裏面個惡魔又諗（哈哈∼今之唔會

　　遲到喇掛∼）因為佢架車係我後面∼如無意外∼我會早過佢落車∼點知意外

　　就黎左喇∼去左大欖之前我架車個司機竟然讓６８ｘ上客先喎．．．咁一下

　　子我就吊左係余婷後面喇∼！我個心係咁叫個司機開快Ｄ∼又鬧佢冇鬼用∼

　　輸俾６８ｘ個司機∼唔知佢係咪聽到啦∼開快左喎∼∼哈哈而冇幾耐６８ｘ

　　原來比６９ｘ多個站∼哈∼天都幫我∼咁我又快番過余婷喇∼之後一直都好

　　順利早過余婷落車∼余婷都頂我唔順呀∼！之後就同佢行街啦∼去左兆萬行∼

　　影埋貼紙相∼等佢姐姐姐打黎一齊去買”貼身用品”∼哈∼呢Ｄ都係ｋｉｌｕｎ

　　做唔到架波∼ｈｅ∼買完必須品之後∼婷姐姐就番宿舍∼我就同余婷番元朗∼

　　因為余媽媽叫我上佢屋企食飯∼ｈｅ∼又係ｋｉｌｕｎ恨唔到既事∼∼去到

　　我就變得好鬼死斯文∼哈，我就跟住婷婷尾入房啦∼經過個廳∼遇見左余爸

　　爸∼余婷突然用男仔聲同佢亞先講：”我女朋友呀∼！”哈∼真頂佢唔順∼入

　　房後余婷就俾好多野我睇正呀∼∼真希勁超可愛∼！之後食飯啦∼我又變得

　　好怕醜波∼ｈｅｈｅ∼我好快食完飯∼不過余婷出名飯桶∼碗飯天大過人∼

　　食又魔過人我就一邊愎慢慢飲湯等佢啦∼點知我飲完一碗喇．．．佢先食完

　　仲要飲湯波∼！余媽媽又叫我飲多碗∼我又飲多碗囉∼最尾真係成肚水囉∼！

　　不過真係幾正架波∼可∼ｋｉｌｕｎ∼！哈哈∼跟住再入房睇左少少野亞德

　　就黎到∼咁我就走啦∼走時余媽媽俾一大個梨我做飯後果∼哈∼正呀∼！

　　ｋｉｌｕｎ∼落到去同亞德走啦∼我老豆就打黎鬧鬼我∼話我唔聽佢電話喎．．

　　咁我電話入係房又點會聽到電話響呢？？之後佢叫我打俾亞媽∼亞媽係扒王

　　之王到叫我去搵佢∼咁亞德就陪我去搵佢啦∼之後坐係到好悶咁聽我亞媽同

　　姑姐傾計∼之後十一點幾先搭的士走∼番到屋企都就死就走去訓覺ｌｕ∼

　　聽日仲要同亞德去食早餐．．．所以又要早起身喇．．．＞＜”


　　　　　　　　　　　　　　　　　　　　　　ＢＹ　傻ＴＵＮＧ∼！

有野講???

 

兩個靚靚∼! 黎多張∼! 掂哂∼! 懵婆兩個∼!