完了就完了 只有歷史

三月十九日

放假後既第一日, 多野做到呢~~~ 做左成朝, 好似咩都無做過就要食晏,

而Y一朝就嗌哂救命, 話我d野勁煩又多, 唔知我當時係點接手 haha...

我走左之後又會邊個接手呢 :p

頭好痛 >.<

三月十八日

一連三日既台灣之旅完左lu~~ 呢個行程十分健康...郊遊團一樣,

上陽明山睇櫻花, 上九分...但我地既體力就差左d, 累死左 :p

不過無睇d明勝 (故宮, 101大樓...)

另外就係食野, 試過好多種小食, haha~~ 但都無咩真係好想再食多次囉.

不斷行同食...

好好咁休息一日先~~~

三月十一日

約左好幾次, 終於都同到Sophy食飯, 其實都有年幾無見, 而家佢返黎

香港做野, 應該可以見多d ~~

又係講下以前既同學而家做緊咩, 變成點. 但最令人意外既係, 今期

"CEO"雜誌封面係我小學同學--最年輕女主席 :o 係咪有d做戲feel 呢?

三月八日

公司部電腦又中毒...頂~~~ 今次我咩都無做過, 無亂開email, 無上網,

做做下野就中招...自動倒數restart, 一隻陳年病毒.

今日成朝又坐左係度...d版又係咁入黎 -_-"

點解今年新年後無上年咁閒架? 想hae下都唔得, 但又無咩心機做野 :p

三月四日

又大一歲lu~~ 可能到左某個階段, 真係唔再覺得生日有咩值得高興慶祝,

普通一日咁過, 都唔覺得有咩問題. 但都要多謝各朋友同事既sms/電話 :)

對於一個廿幾歲既人黎講, 我實在太頹, 咩都唔想做, 心想要積極進修,

但到左開班日期都未去報名... 咩都係得個諗字 :p

星期一至五就返工放工, 期望星期六日既來臨, 原因唔係可以去邊度玩,

只係希望可以攤係屋企, 呢種無意思既日子, 要到幾時先會完?

而我係呢間公司又會做幾多年呢? 到左幾時我先覺得應該轉工, 或者

我呢一世都係咁驚interview所以唔轉工呢?

當身邊既朋友都有另一半既時候, 都會想有個人有時陪下自己行街食飯,

但會唔會到左某個階段又會覺得自己一個都無問題, 唔會寂寞呢? 要搵到

Mr. Right 談何容易? 唔搵得唔得呀~~

好多疑問...