決定左三次, 終於都去到意大利, 唔知係咪希望越大, 失望越大, haha~其實都唔係失望,

只是無預期咁正, 不過整體上都ok啦~~今次旅行幾好, 每到一個新城市, 搵完酒店仲係

天光, 可以遊多半日先天黑, 所以d時間見洗好多呢~~朝早又唔駛太早起身, hehe~都訓得幾夠.

haha~去完意大利, 我想做o既就係研究下米高安哲勞呢個人, 成個意大利都有佢d傑作!!

米蘭

下畫五點就開始搭火車, 九點到巴黎, 轉metro, 十點再上車, 架車一點到Dijon, 我就落車迎接

Tiff佢地, 之後就再訓過~~第二朝九點終於都到...大約十點開始搵酒店, 搵極都搵唔到...其實有

o既, 不過每人六十歐一晚~~原來我地去時撞正個唔知咩fashion show, 所以d酒店full 哂, 到左

十二點都未搵到, 累到死...此時, 見到個台灣阿姨, 佢見我地咁慘, 就同我地一齊去搵, 仲比我地

放d行李係佢房, 仲話如果搵唔到, 我地可以訓o係佢間房 :> 最初我地都有d擔心佢係咩人, 不過

最後都無事, 佢係由台灣去法國, 意大利睇新款時裝, 但見到我地, 佢就好熱心咁幫我地, 仲成日

叫我地做"babies",haha~~話我地似佢d仔女, 所以要照顧我地, 佢同我地去左間中國餐廳食野, 仲叫

個待應幫我地搵間平靚正酒店...攪左好耐, 搵到一間o係唐人街o既屋, 應該係間餐廳o既員工宿舍, 

六十歐四個人~~抵!

之後我地就陪阿姨去行名店街, 不過有d鋪頭已經關門, 攪到佢睇唔哂, 真係有d唔好意思呢~~之後

夜晚同佢食完飯就搭車返「酒店」, 本來要打電話同佢報平安, 不過無人聽...之後寫左張post card

比佢~~本來我地一人有一張佢o既卡片, 但唔知點解唔見哂... ~.~"

第二日就同Tiff o既意大利pen freind見面, 佢係一個學中文o既人, 可以用國語溝通~~haha, 幾攪笑, 

佢仲帶多個同學出黎, 係一個美女~~佢地兩個都好好, 不斷咁同我地介紹景點, 講歷史, 仲要考記性~

haha~不過我地就好呆...可能係因為之前個日實在太辛苦...佢地帶我地周圍走, 其實都唔錯, 唔驚

再迷路 :p(之前o個日行左實在太多太多o既冤枉路...)

第三日下畫都係同pen freind一齊, 佢地放學就帶左我地去附近一個鎮仔(Cosmo)度行, 個度好靜, 

好舒服, 不過又有問題答...haha~~伏特係邊個發明o既呢? 唔識...(答案係伏特...)

佢地有時會問下我地中文, haha~有時都幾難答...我個名點解?? haha~~就係"indirect poem" 唔知做咩

佢一叫我"poem", 我應得勁快 :p

佛羅倫斯

一到步就有人問我地係咪要酒店, haha~~實在太好, 唔駛自己搵. 放好d野之後就開始周圍行. 唔...

d人話佢好靚,但我覺得只是一般, 係有間教堂出面比較特別~~周圍行...其實都唔知有咩睇, Tiff 

同Forrie食左杯十歐o既雪糕!!食到佢兩個好飽呢~~ :p

另一日就過左河o既另一面, 上左米高安哲勞廣場, 見到Florence全景, 叫做係我見到最靚o既一景啦~~

仲有究竟邊個大衛像先係真架? 兩本旅遊書講d野相反o既?!

兩晚Tiff同Forrie都係一到酒店就訓...(七點幾八點啦~~)話一陣會起身...點知一訓就第二朝~~

haha~真係睡眠充足!!

羅馬

都係等人問我地係咪搵酒店, hehe~太好喇...

由於Tiff本旅遊書不斷介紹麥當勞, 所以我地就去左試下~~唔知點解一去旅行就會食, o係法國

真係無諗過入去...

去到羅馬, 真係見到好多「閒人」, 佢地企o係條街度唔知做咩架喎, 所以有d恐怖, 第一日就去左

鬥獸場同廢墟同許願池~

到左第二日, 搭地鐵去「人骨教堂」點知...我遇到個變態佬, 好核突呀!!!!>.<

去到個教堂又裝修...撞鬼佢~之後去左邊呢...唔記得添 :p

haha~下畫就去梵蒂岡, 行完聖彼得大教堂, 寄完post card就走lu, 之後又漫無目的咁周圍行, 去埋最後

一個景點,影完幾張相, 坐左係「吹水噴水池」隔離休息一陣, 就諗住返酒店, 點知迷路...真係~~

於是見到有車去火車站就上~~

返到去, Tiff佢地竟然撞到d台灣同學, 真係橋呢~~寒暄左一陣, 就話食完飯去搵佢地再傾. 但去到

佢地酒店, 竟然唔比我地上去, 所以佢地就黎我地個間度坐, 順便睇下我地個間有無位, 叫佢地租

呢邊平d~但租房個人又唔知去左邊, 所以佢地就留低傾計...由於我係一個閒人, 所以就走上樓沖涼,

沖完就執野...當我想落去時, 佢地已經要走, 即係唔駛落~

威尼斯

又要同Tiff同Forrie分手喇...預計下次見面係返到香港之後 (如果我地都唔探大家的話)

仲有四五個月, 好耐呀~  

為左買水, 同唔到佢地講bye bye (佢兩個再南下多一星期先走) 有d可惜 :p

本來話唔去威尼斯, 但我個pass多左日, Victor就多左兩日, 咁就去下啦~~搭車最耐就係呢程(唔計來回個程),

朝早十點幾搭到下畫四點幾先到...好遠 ~.~

去到又係有人問我地係咪搵酒店...不過佢竟然玩「字」, 一張大d o既床就叫大床!!頂佢~~~結果要左

間貴d o既雙人房...奸商!! 不過算啦, 之前驚佢有個嘉連華會搵唔到酒店, 總算搵到~算!

行左一陣, 天黑, 又去搵中國餐館食野, d指示真係...亂指o既.

旅遊書講得arm, 去到個度唔需要睇地圖, 條條街差不多, 周圍都有指示 (雖然係亂指), 不過不易迷路...

左轉右轉, 又返到大街, haha~~感覺唔錯. 但就唔知睇左d咩明勝, 

第二日又係不斷周圍行...行到夜晚就攞行李搭火車返法國, 又係最上格o既couchette...頂~~

大約六點到Dijon, Victor就落車, 到左八點幾終於到巴黎...架metro迫到嘔...企到我腰都斜埋...勁辛苦,

去到Montparnasse, 再買飛返Brest, 個售票員話五分鐘後有車, 問我要唔要, 咁緊係要啦...雖然又係貴,

但佢仲慢慢咁做野, 攪到我要跑上車, 唉~~~

到左大約二點, 我終於都返到入屋~~