新加坡

突如其來的旅行, 由決定到出發大約只有三四日, 我要做既...就只係

出去拎機票, 之後既事都唔駛我操心. 新加坡...唔知有咩好睇/買/行~~

就跟表姐去左差三個禮拜. 佢係返屋企, 而我就「被迫」去旅行.

頭兩個星期, 我咩地方都無觀光過, 除左夜晚出街食飯. 佢d野食真係

唔錯, 每次都食都好飽~~ (所以我應該肥左d) 食飯時我咩都唔理, 而

表姐同佢老公都掛住照顧個無時停既bb, 唔得閒食, 到佢地開始食既

時候, 我都食飽lu, 不過佢地仍然叫我食多d...

haha~不過唔好問我去過邊度食, 我係唔知架...只知係d熟食檔之類既

地方 (差不多每次都係去唔同地區既熟食檔), d野食都唔貴, 不過啤酒

就貴喇...一jar差不多等於一餐飯既價錢 (一百蚊度...)

講完食, 就講下人. 住係表姐屋企, 有自己一間房. 都算唔錯, 而表姐同佢老公

都好好人, 所以都住得唔錯...除左有個bb時不時就喊下噪下...(頭個星期真係

比佢煩到想即刻返香港!!) 我自問都係一個鍾意同小朋友玩既人, 但見到佢咁

野蠻任性, 真係想好好咁教訓佢, 但佢父母唔打唔鬧, 我邊好意思成日話人個女~.~

(但我都鬧佢唔少...) 個bb先得個歲半, 就識只聽d佢鍾意既說話 (例如比糖佢食

即刻問你拎), 唔arm聽既就理都唔理你 (叫佢唔好食手指, 佢用手遮住對眼就

扮無事發生...) 真係比佢攪到你唔知好嬲定好笑...有時佢噪得太耐, 靜左之後

我仲會好似聽到佢噪緊...心理壓力都唔少~~~ :p

而新加坡人都好樸素, 通常都係著頭褲加人字拖就出街食飯. 仲有, 初初去到我

聽唔明佢地d「新加坡文」, 隔左一個星期度先開始聽得明...(估到)

唔...去左三星期都有見過表姐既親戚朋友, 不過都已經係「晏哥」「晏T」, 所以

都無咩野講, 不過佢地都好好人同好客氣 (有利是同禮物收 :)). 係見過一個 auntie

個女, 三十歲, 不過睇落同我差不多 (人地以為我係高中 :p), 佢之前去過法國旅行,

所以講多幾句 (只係幾句, 因為我d國語越講越不濟...)

到了最後一個星期, 我終於都有出去走走...不過我無行明勝, 只係行商場 :p 一個

話係全新加坡最大既商場, 可以行一日...結果我行左只係兩個鐘, 於是就行埋隔離

個個... 另一次, 又係行左兩個商場 (要再搭地下鐵先), 係香港我一定唔會咁做囉.

其實所行所買既香港都有, 所以都無手信好買 :p

結果我買左衫, 袋, 鞋, 耳環, 仲有隻cd (新加坡女仔一個, 蔡淳佳...感覺有d似孫燕姿)

另外我都有去過兩個沙灘...陪個bb玩沙, 國慶日係聖陶沙既沙灘坐左好幾個鐘...

我真係只係坐...無咩走動過都好累 -_-" 回程時大窒車, 係公路上睇到煙花表演

(其實塞車係因為d人唔開車, 掛住睇煙花...)

唔...今次新加坡之旅, 無睇過獅身魚尾像, 唔知有無去牛車水, 無飲過肉骨茶...

下次再去是度蜜月? 真係唔知要等到幾時 :p