我今年最後一次歐洲既旅行就係瑞士, 一個由細到大都好想去既國家 :> 點解? 唔知bor~~
所以期望好大架~~好彩佢都無令我失望, 一去到我就好開心, haha~~ 可能又離開左
法國, 心情特別愉快 :p
快樂不知時日過...一星期轉眼就過, 星期一又要返工, 真係慘...
Besancon
去瑞士之前, 去左Besancon探Tiff佢地. 星期六朝八點幾出門, 下晝五點幾先到...好遠~~~
o個晚佢地煮飯比我同Helium食, 好多野食呀. haha~~佢地真係有心機煮野食, 可惜我
搭完車無咩胃口...蝕左~~
之後睇左個沒完沒了既無聊歌唱比賽, 悶到嘔, 又長氣, 所以大家都放棄, 各自返房訓覺.
第二日食完晏, 就去左動物園, 呢個星期實在太好天, 熱到好似夏天一樣, 但由於我地出發前
都未熱, 所以我係無帶短袖衫架...Forrie就借衫比我, 仲要係新衫, 真係唔好意思...
Besancon真係比Brest靚好多, 起碼「歐洲」d丫~~Brest都唔知似咩...唉~~
講番動物園, 都好耐無去過喇~~ 都幾好玩. haha~~但最攪笑都係d小朋友, 佢地係咁追住隻羊仔,
圍住佢黎摸, 好得意, 結果隻羊要求救, 另一隻羊就出左黎喇, haha~~~佢真係可憐, 但我地睇得
好開心 :p
之後就沿河邊行...行左好耐~~~係幾靚既, 不過好累囉~~ 返到去佢地屋企, 佢地又開始預備晚餐,
我都係等食, 食完飯就傾計, (因為電視真係無野好睇...) 好耐無試過圍住張檯咁有講有笑喇~~ :D
到左十二點幾, 就返房喇, 但Forrie由於第二朝要交功課同present, 所以未有得訓, 真係慘...為左
陪我地, 攪到做唔到野, 又無得訓...
Forrie好似為左我而洗乾淨左個浴缸, 所以我就接受佢既好意, 去左浸浴, haha~~講真, 好多年
都無浸過, 因為嫌煩, 之後又要再沖身, 又o徙水...
叫左Victor上黎洗碗, 我覺得更加阻住Forrie做野, haha~~ 叫佢幫手做功課, 都無咩用 :p
到左三點幾, 我就訓左喇, 唔知幾時, Forrie都訓左~
朝早六點, 我要起身預備走, 問Forrie幾點要起身, 佢話唔返學...因為做唔哂個present,
唔...咁我就由佢繼續訓. 隔左一陣, Victor上左黎, 佢聽到Forrie話唔返學, 就不斷「勸」佢
(嚇佢 :p)返學, 結果Forrie都起左身, 好忙咁執佢個present...唔知佢點呢?
Tiff同Victor送我地車, 七點半到我地就到左火車站, 真係好「安全」(我地搭八點四車),
企左差不多夠鐘, 架車先黎. 下次見面, 應該真係o係香港喇~~ 差不多一個月後...
haha~~不過估唔到今年都可以同佢地見三次面, 已經比預期好 :>
瑞士
Interlaken
今次搭火車去瑞士, 我無咩訓, 因為出面真係有d野睇, haha~~所以累d :p 去「煙勒力根」
(我覺得佢釋得好攪笑)要轉兩次車, 第二次係瑞士既首都--柏恩, 我地就趁有差不多半個鐘,
出左去影相行左個圈, 再番去搭車, 到左下晝二點幾終於都到喇~~ 佢比我第一個印象就係
旅遊區,之後就係小鎮feel~~
唔駛太耐, 我地就搵到間酒店, 幾靚架~~無論係間房定個景 :> 擺低左d野, 我地就去搵旅遊局,
見到d風景好靚, 就去左影相, 完全唔記者要換法郎, hahaha~~攪左好耐, 終於都去左銀行換,
好大疊...令到我地覺得有好多錢, 有排洗... :p
之後又再周圍行影相, 周圍都可以見到好高好大既雪山, 感覺好好~~ 不過好似好快就行完咁,
半日就夠 :p o個晚買完野食, 六點幾就返酒店, haha~~~好早就訓左lu (九點幾) 所以我地有充足
既睡眠 :>
Jungfrau
第二朝九點幾食完早餐, 就預備上雪山, 到左車站, 仲有十分鐘上車時, Helium發現相機電留左
係酒店, 要跑返去攞, 好彩趕到返黎...haha~~跑完之後, 真係熱死佢. 好喇~~之後我地就好順利
咁出發 :)
上山既景色又係勁正~~不斷咁左望右望, 好興奮 :p 到左一點, 終於都到~~ 第一件事就係去著衫,
我地為左佢而帶左d禦寒衣物, 真係除左o係山上, 其餘時間都唔駛用~~ 當初諗住我地會好凍,
唔夠一兩個鐘就會落山, 但點知我地到上左三個鐘, 因為佢無咩室外, 好多都係室內, 所以都唔係太凍.
haha~~由於天氣十分之好, 雲都唔多舊, 顯得座山更白, 好反光, d相影出黎好光呢~~
haha, 行完之後我地一人食左一個五歐(差不多五十蚊)既杯麵, (一樣只係for日本人, 韓國人同
中國人既食品, 因為佢只有呢三種文) 一件係香港絕對唔會做既事~~~
之後再去買下手信,寄postcard, 就落山喇~~ 但我地搭錯車, 所以就沿番舊路落去, 錯過左第二條路
既景色, 可惜...
落到去, 差不多七點, 搵到間仲未關門既超市, 買左晚餐, 但之後又想食雪糕, 所以再買過, 結果...食完
個雪糕就飽~~ 份三文治變左早餐.
Luzern
七點幾就要出門口搭車, 十點就到琉森, 一個人人都話靚既城市~~我覺得ok啦, 係靚既, 不過唔係
「好」囉, (就好似對Florence咁 :p) 攞完個city map都無咩點睇, 周圍咁行, 由於佢唔係太大, 所以
都好快行完, 之後睇番個地圖, 我地已經差不多行完同影完d景點. 到左二點幾, Claudia (一個o係CIEL
識既瑞士同學)就黎搵我地, 同佢坐低飲杯野, 傾下計之後, 就上埋個圍牆, 雖然好快就到, 但由於係
斜路同路梯...都好辛苦 :p 係高處見到成個琉森, 同遠處既鐵力士峰...就係咁, 就參觀完呢個城市.
Claudia就車我地去佢屋企喇~
佢住係附近一個鎮仔, 間屋好大呀~~ 而我同Helium就訓係頂樓間房, 一人一張床 :> 間房就好似d
故事書入面個d頂樓咁...尖既屋頂, 有個窗係中間, haha~~明唔明? 好難解釋, 但總之就係舒服啦~
我地都係傾計, 睇下我地影左d咩相, 同佢o係法國時影既相. 不過其實都係Helium同佢熟d, 所以
Helium沖涼時, 我去左check e-mail同icq :p 因為我真係唔知講咩好, 下下都係佢諗野講唔係幾好
意思嘛~haha, 仲有係要講法文, 累就好難講. (藉口咁... :p)
朝早六點開始, 附近間教堂就隔十五分鐘敲鐘一次, 真係無鬧鐘都唔驚遲到... ~.~"
我地十點幾走, 佢車我地出火車站搭火車返琉森 (因為我地要係o個度搭車去Gevene)
雖然好短時間, 但都好多謝Claudia既招待 :) 之後應該都唔會再有機會見到佢lu...
Geneve
話咁快就到左最後一站--日內瓦, 呢一站見到Yvonne, 佢而家係瑞士實習, 因為放假,
所以就出黎搵我地, haha~~終於都見到個德文組既同學, 係車上面, 我地又係無訓, 講下
今年發生過d咩事, 交換左d德法情報, haha~~ 聽到有人打算係德國長住...估唔到人可以
變得咁厲害 :p 短短幾個月, 就完全變左另一個人咁, 難以想像...
下晝三點幾到, 去搵青年旅舍, 都唔難搵既...只係直行轉彎再直行就到~~ check in時個
阿叔勁多野講, 做野又慢, 十足法國人一樣...知道我地識法文, 係咁講野...haha~但佢對住
Yvonne講, Yvonne都唔知佢做咩, 跟住知道yvonne識德文又, 講下德文...其實d瑞士人知
唔知自己講緊咩架?! 佢好似好好玩咁囉...check in check 左半個鐘...
之後我地就去左睇個噴泉, 睇完就好似已經無野睇咁 :p 但湖邊真係勁多人, 好難想像
外國地方會有咁多人...佢地係度曬太陽~~ 行行下見到一度要俾錢先入到既地方, 入面
仲多人...佢地入去游水, 但我見到個湖都幾污糟下囉...好核突 -_-
日內瓦個地圖比琉森o個個大好多...我地諗住行去聯合國既總部...行左好耐好耐...
終於都到, 但佢已經關門, 只好影幾張相就走~~走, 就去左搭車, 本來想買飛, 但個機壞左,
車上又無得買, 結果...就無買到喇.
之後去左搵野食, haha~~呢晚係第一晚出街食, 我地食左芝士火鍋, 味道...初初食覺得有d怪,
之後都ok~~不過酒味都幾勁, 佢初初比得勁少麵包我地, 我地問佢仲有無, 佢話食完再俾,
我地添左一次. haha~~聽Yvonne介紹, 最好食係煲最後個層芝士, 所以飽都試下. 我食到
一陣燒魷魚味 :p 好好食~~hahahaha
食完就返旅舍, 係o個度有得買軍刀喎, 又有特價, 我地睇左好耐, 研究左好耐先買, 其實
之前已經買左, 但見錢多 :p 就再買多把, haha~~Yvonne就由當初話買一把...到最後好似五把...
買完返上房, 沖完涼, 講左一陣野就訓lu, 因為真係行到好累, 雖然只有半日...
第二朝, Yvonne陪我地六點幾起身食早餐, 之後我地就分手喇~~ 下次見...應該係九月開學~
聽佢講個日下畫落大雨, haha~我地真係好彩, 撞正一星期好天 :>
返巴黎時, 對面坐左個中東人, 個小朋友勁驚我同Helium, 好煩, 但見佢咁樣, 我又要玩下佢,
見佢唔鍾意我望佢, 我就望實佢. 攪到佢想喊 :p 佢勁無禮貌呀~, 指住我話唔鍾意, 又問佢阿媽
我係咩?!! 佢係講法文 "j'aime pas", "quoi ca?", 作死佢~~ 跟住我同Helium又賴, 法國d野都係衰d :p
Paris
haha~見出到巴黎, 唔好o徙, 行半日先再搭車返Brest. 本來諗住放低d行李o係車站, 點知d locker唔用得...
頂~~好彩個袋唔太重姐...
跟住就去左幫阿媽買手信, 再同Helium去食crepe, haha~~竟然撞到Dotty!! 佢出左去搵Petro, 又咁arm去個間野
買crepe. 係巴黎撞到, 我地真係有緣 :> 為左唔阻佢地拍拖, 我地都係分道揚鑣~~
之後去買朱古力, 但間野三點先開, 我地就搵間cafe坐低飲野, haha~我飲左杯香片 :p 買完就去睇水晶...之後
就夠鐘搭車. 好辛苦既一程火車...四個鐘, 過得好慢好慢, 諗起走時仲要坐多次就辛苦...
到左夜晚八點幾, 終於都返到黎...