英國其實我對佢興趣不大, 亦都無期望過有d咩特別野睇到. 但見到佢就諗起香港, 因為有
好多野都好似 :>
haha~今次完全無睇過博物館或教堂之類o既野. 今次係一個飲食行街團 :> 不過最大收穫係
見到阿魚 :D 如果唔係要過法國一年, 我應該無咩可能會o係英國見到佢, hehe~總之就係開心!
佢地話如果我唔係去嗡幾日咁少, 可以同我去埋蘇格蘭, 尼斯湖同愛丁堡...haha~~我都想, 可惜
下星期要返工 ~.~"
不過我真係要好好咁多謝佢地o既熱情招待 :D
倫敦
夜晚搭十點幾機出發, 到左都係十點幾 (因為英國慢法國一個鐘~), 初頭都好順利咁搭地鐵
到市區, 出到去睇巴士站個地圖, 唔明點解佢係一百八十度調轉架囉...點睇呀?! 跟住就行錯
路...問人之後搵到條大街, 但酒店條細街就搵緊都搵唔到...只見到好多類似o既名...
Collingham Garden, Collingham Street....但就係唔見Collingham Place. 搵搵下見到有兩個女仔
又係搵唔到酒店, d地圖又係無佢地o個街~~唉...好辛苦, 之後見到個好心伯伯, 一問佢, 佢就
話「我今朝見過條街, 你地好近架喇, 不過我唔記得exactly係邊, 我唔想點你地...」跟住就幫我
地問的士司機, 個人點左我地去後面...(係錯架~~)隔一陣個司機又出現, 話點錯左我地, 就叫我地
上車, 車我地去, haha~咁就免費咁搭左一程的士 (其實只係一條好短o既直路), 架車十分之大, 幾好
坐架 :>
到左點幾, 終於都到酒店, 但個reception出左去, 等左一陣佢地先返黎, 返到黎...仲掛住吹水, 好心佢
地攪掂先傾啦~~間四號房竟然o係頂樓...行到呢~~~~~入到去, 見到間房就唔開胃, 不過算, 平野就預
左唔會太好 (雖然佢真係好差下 :p) 另外一見到個廁所, 就即刻決定唔會沖涼...訓覺時唔記得開暖爐,
成晚都好凍...只係想佢快d天光 ~.~
仲有佢所謂o既包早餐...就係自助式玉米片, 真係...
第二日同Helium去左白金漢宮睇換班儀式, haha~~去到企左個幾兩個鐘, 都唔知睇哂未就
走左lu. 等緊o既時候, 我隔離個死o靚妹勁撞我...成日郁黎郁佢, 佢阿媽又唔話佢, 真係頂佢唔順 :p
影完相同video就去Big Ben 快速影相, 再去唐人街食野, 中式o既味道. 之後就去Convert Garden
行街睇野~~Helium就買到佢o既Peter Rabbit, 我都係得個睇字~去埋超市就返酒店, 傾左一陣就訓lu.
雖然開左暖爐, 但都有d凍...(不過已經好左好多!)
第三日早上我地就去左Greenwich, hehe~其實我都唔知有咩睇, 不過Helium話去咪去下囉. (因為係佢編行程)
haha~去到見到好多人, 原來條線就係面前, 影左幾張相, 就入去參觀舊天文台. 走時阿魚就打電話黎, 時間
arm arm好~~出去join佢地之後就去食印度野, haha~~是但入左一間, 賢仔(魚男友)勁話佢係黑店...d野勁唔掂,
但我同Helium都覺得ok, haha~所以無理佢, 我地繼續食 :p
食完就行Camden Town, 類似女人街咁啦~
haha~~之後就返佢地酒店攞車去London Eye, 本來諗住唔上, 但都係上左, 好貴...11.5pound :p 不過真係
幾靚~~
上完去就食日本野, 我叫左個天婦羅雜菜拉面, d天婦羅浸到好核突, 攪到我又被賢仔話...食完佢就車
我地去影景點~~之後我地仲去佢地酒店沖涼, 之後再車我地返酒店, 真係麻煩哂佢地 :> 但返到房...
Helium搵唔到條key, 諗住搵reception, 佢地又唔知死左去邊...haha~但隔一陣, 又搵番喇喎 :p
第四日魚叫我打電話叫醒佢地, 但結果佢地都係叫我地自己去Notting Hill先~~ hahaha~咁我地諗住好多時間,
hae下hae下, 寫下postcard, 發下呆先出門, 結果未開始行佢地就打黎, haha~~我地快速地行左一陣, 其實都無咩
野睇, 出到街口就見到佢地~~就去「茶餐廳」食晏, 食左個乾炒牛河, 正~~佢地就食車仔面, 好香港呀!!
之後去行Harrods, 一間d野貴到死o既高檔百貨公司, 行完又去唐人街食野 :p 不過Helium唔太舒服, 所以就
快d食完走, 車佢返酒店, 我就拎行李去曼城~~
係車上面我地吹下水, 到左點幾就返到佢地屋企, 個天有勁多勁多星星~~好靚呀!!
去到佢地間屋, 覺得好正呀~好有家o既感覺 :>
曼城 (仲有Chester同Liverpool)
第二日訓到十一點起身, 佢地就訓到十二點幾~~(已經算早 :p)去左飲茶, 間茶樓勁香港!!
d點心都ok, 食完就行街, haha~又係行街, 因為賢仔要返工, 所以佢車我地出去之後就走左,
我地就周圍行, d野都幾貴下 :p 所以都係得睇字, 但佢地叫我一定要揀一樣作為我o既生日
禮物, 咁都得... :p 行到十點, 我地就o係food court食左d野, 等十一點賢仔放工黎接我地, 之後
就去超市買送, 返屋企煮飯~~haha~晚飯...到左兩點幾終於有得食, 食飯時睇無線劇集
「3D無名天使」, 套野真係超級難頂~~ :p 四點幾頂唔順先去訓...個黑眼圈好恐怖呢-_-"
第三日去左Chester o既一個outlet, 又係行街...hehe~~買左條抵到難o既牛仔, 但買唔到頂
cap帽. 行完街就去賢仔媽咪屋企, haha~~佢阿妹好攪笑, 佢地叫我唔好同佢玩, 如果唔係
就有排煩 :> 十四歲...我仲以為佢十歲添.
之後去食鐵板燒~~食完車完佢媽咪同阿妹, 我地去左利物浦一個賭場, 玩左一陣輪盤...其實我都
唔知做緊咩~haha, 最後賺左百五磅 :>
之後就去市中心影相, 當時我諗大約兩點 :p 影完相就返屋企~~
第四日係最後一日, 本來話去一個「粉紅色古堡」, 但佢地訓到幾晏下, 所以無去到, 結果又係飲茶
行街, 我揀到生日禮物, 到左六點就搭車返屋企, 再等賢仔放工, 十二點幾就出去打邊爐~~~好多野食,
根本就食唔哂~好飽呢 :>
走時見到d鬼打交...恐怖, 又凍, 所以我同阿魚就衝左上車先~返到去...睇下vcd, 吹下水, 睇下佢地d相,
到六點先去訓...但佢地為燒碟比我...七點幾先訓...真係唔好意思 :p
第五日開始起程返Brest...朝早十點出發, 九點要起身...對眼勁痛 >.< 又要佢地車我去車站, 真係辛苦佢
地. 上到火車我就訓...到左點幾轉車, 轉完再訓...四點到機場呆坐到六點幾上機再訓...到左九點幾終於到
Brest. 佢竟然落雪?! Brest唔係唔落架咩? 好彩出機場之後就停左, 如果唔係我要行條斜路上返屋企就死...
過關時又被個人留難, 撞鬼佢, 大大張carte de sejour都睇唔到, 係咁問我有無visa! 睇左好耐先話原來我住係
Brest...比佢激死! 出到去, 以為架巴士走左...嚇死, 好彩唔係~~
返到屋企之後, 又係唔願訓, 上網到三點幾...haha~~