笑話「八」則

(一)

豐澤電器

話說某某在豐澤電器欲購電視機,向售貨員詢問︰「請問呢部電視機有冇電視框呀 ? 」
售貨員莫明奇妙但仍恭恭敬敬地答:︰「有。」
咁電視框幾多錢呀 ?
「太太，唔好意思，要成架買，冇電視框。」
某某無奈地離去了。
原來電視框=DISCOUNT

(二)

McDonald's蛋=等

話說N年之前有朝早我去麥當勞買早餐食，我好有禮貌咁同個賣包o既女人講︰
「唔該，豬柳漢堡丫。」
個女o既同我講︰「要蛋呀 ? 」
因為o個時我身上無乜錢，我又唔係太鐘意食豬柳蛋漢堡，于是乎我就好有
禮貌回答︰「唔要蛋喇，唔該。」
個女人好勞氣咁講︰「你要蛋喎﹖」
我開始無乜耐性，我答佢︰「我唔要蛋喇，我只係要豬柳漢堡咋。」
個女人更 加 勞氣咁話︰「要蛋一蛋呀，要蛋十分鐘呀……」

(三)

美心快餐

當年去食美心個姐姐話
~ 歡迎來「米心廢親」

(四)

麥旋風

話說有一日有個呀伯想去Mc記買新產品麥旋風，呀伯就去排隊啦，
到佢個陣，佢就同Mc當當位姐姐話想要果種食品，點知呀伯諗極都諗唔起果種
食品叫乜名，最後佢終於記得，佢就大大聲同Mc當當姐姐話︰「唔該俾杯黑旋風丫! 」
　

(五)

語音撥號

話說係前個排呢，手提電話好興有「語音撥號」呢樣野，即係你向住個電話
叫：「小明」，咁個電話就自動撥去小明個度，方便好多咁話。
咁有日我如常咁搭地鐵，咁橋聽到係前面個西裝友向住部電話叫：「八婆」。
跟住個電話就自動撥去亞「八婆」度啦，到條線通左，西裝友就對住個電
話，用無比客氣o既口吻話：「亞外母呀，我今晚唔返黎食飯啦……」

(六)

冰雕城

三年前，當call機還是蠻流行的時候，秘書台服務人員的英文水平卻不太好。
我的朋友有一天收到一個message：「亞娟叫你在冰雕城等。」我的朋友看
後非常搔曬頭。
『冰雕城』？？？香港哪有冰雕城？？
『阿娟』？？究竟又是誰呢？？
他後來才知道，他的同學︰阿焦…叫佢去…Main Building；而不是︰阿娟…
叫佢去…冰雕城。

(七)
　

Receipt簿

講開Call台，大學時期攪的大學學會，學期初時要擺counter招收新會員，
我call學會的男主席：「唔該叫佢帶埋receipt簿來開檔丫！」
最後，佢氣沖沖走到counter，指住部call機問我：「你做乜叫我帶埋『護舒寶』
來開檔啊？？」

(八)

來電顯示

有日在手提電話店內買新電話，店員說：「先生，這款是最新的手提電話，
有雷電顯示ga。」我問：「是天文台發出的嗎？」她說：「是電訊公司提供的。」

原來----來電顯示
說成：雷電顯示。