Dear 峰峰,

喂喂，你就係峰峰喇？我諗你一定唔知我係邊個的了，我就係你女朋友的契阿哥，不過你唔好睇小我呀，我對佢比對任何人都要好的，我已經當佢係我親生妹咁喇，所以起初佢話要同你一起，我都有少少唔放心的，不過見係阿妹佢咁鐘意你喎，我冇辦法之嘛。

其實我真係唔係咁認識你，不過係我阿妹口中，講到你對佢好似好好咁，而且你又好似比到幸福佢，所以我而家都比以前放心好多，不過你要一定咁樣對佢咁好呀，唔好令到佢唔開心，如果唔係我會唔放過你呀。其實講真呀，我都唔明白你鐘意我阿妹乜野，雖然佢真係幾好，不過點解咁多女仔唔要係要我阿妹呢？佢有咩咁吸引你呢？有機會的話，你話我知呀，我真係好想知道呀。

時間係唔會等人的，同樣地，機會都時不會等人，所以你要好好珍惜同我阿妹一齊的時間同機會，唔好係將來的日子大家都後悔呀，到時先後悔已經太遲了，記住喇！你同我阿妹有咩事都好，都唔緊要的，話我知喇，我都會幫你地兩個的。

Love

Alan