第七話

好唔容易先等到放學，小龍一一見倒媽媽，即刻好開心咁一路叫媽媽，一路走去媽媽度，跑o下跑o下，突然「卜」一聲跌o左落地下，原來係百厭o既慶太推佢呀！小龍一喊得好犀利，好可憐。涼平好乖咁走埋去扶佢起身，而慶太媽亦走過去捉住慶太隻手仔「啪！」一聲打落去，於是慶太一路摸住隻手仔，一路喊起上o來。
慶太媽︰「你做咩咁百厭呀o下？快D同人地道歉！」
慶太一路喊住咁走埋去龍一身邊話︰
「嗚…………對唔住呀！嗚…………」
走o既時候，龍一淚眼盈盈咁拖住涼平手牽手咁返屋企。
第二日，返到學校，先生教o左佢地一首歌仔︰
「小寶寶，微微笑，背著書包上學去。」
D小朋友跟住唱，仲做埋動作tim！當中，慶太唱得最大聲。而唱到「微微笑」o既時候，龍一用兩隻又肥又短o既小手指督一督塊小面面。(哇！好得意呀！)
又到o左「屙噓噓時間」喇I佢地去到廁所，慶太洗手手，龍一亦o係度洗手手，慶太又貪玩，將D水撥落龍一度，龍一唔份氣，又將D水撥落慶太度，其他人見倒，覺得咁樣好好玩，於是又學佢地咁周圍撥水，大家都玩得好開心，好耐都唔出o來，攪到出面D女仔同先生都等o左好耐，先生發覺有D唔對路，就入去睇睇。
入到去，見倒成地都係水，仲見倒男同學D頭髮同埋D衫仔濕哂，所以就叫佢地扭住耳仔返課室。返到課室，每個曳曳豬本手冊都比人印o左個豬仔印。
又到o左放學o既時候喇！佢地三個小豆釘又手牽手咁，一路唱住歌仔一路行返屋企，三個媽媽都o係後面笑佢地。


第8回