我的暗戀日記

9月17日 晴天
返學真係好悶呀...
無聊到極點啦!!
不過第二堂之後,老師帶左個新同學入黎。
佢叫做千葉涼平,係一個好...點形容好呢...嗯..好陽光既男仔。
第一眼見到佢既時候,令人感到好溫暖。
雖然我地無交談既機會,但係我對佢...
好似有點好感啦..唔通呢種係一見鍾情?!
嘻...好期待明天既來臨呢!

9月21日 雨天
好倒楣呀...
唔記得帶雨傘返學啦...成身都濕晒喇!!
不過,嘻嘻...
係途中,比我撞到涼平呀!
佢仲過黎遮埋我哦~~
雖然我同佢之前無傾過計,但係我地一齊返學個陣好似有傾唔完既話題咁。
就好似識左好耐咁呢。
到了放學,雨仲未停過...
所以呢~~涼平就送埋我回家喇。
雖然今日係雨天,不過我個心就好似晴天咁丫,仲有彩虹呢!!
呵呵呵~~好開心呀~~

9月23日 晴天
成日心情都好低落呀...
涼平佢...今日請左病假呀。
唔知係咪因為個日佢遮我所以整濕左呀...
都係我唔好啦...搞到佢病左...
好擔心佢...好想去探佢...但係...
咁樣無緣無故上去...好似...
主!您要保佑佢早日康復呀!!
我好想見到涼平佢開心咁對住我笑呀...
求求您。

9月29日 陰天
今日上家政課係教我地整蛋糕,
我好俾心機咁整,因為...
嘻~我要將整好既愛心蛋糕送比涼平。
當然難我唔到啦!我係天才小廚師嘛。
不過..最後都無送比涼平,
因為我真係好驚丫。都唔知點送好...
失敗!失敗..真失敗啦...

第一回就係咁喇~
想知我對涼平既暗戀之後會發生成點?!
留意下回喇!!
多謝捧場唷~~~
P.S.唔知大家睇唔睇得慣白話文呢~
　　我第一次作架咋..多多關照咯!!嘻~

ICQ 148657499
希望各位w-inds. fans都會@我啦~
比d意見嘛^^


第2回