＊＊＊＊＊＊＊＊＊＊＊＊＊＊＊＊＊＊＊＊＊

校園..

「龍一..你唔好跑得咁屎快啦...唔係我追唔到你架...」靜子好大聲咁嗌...

「你都傻既...我再唔跑快D...陣間咪有排煩...」龍一跑緊講..

咁岩慶太同涼平行緊過黎..

“嘩...今次救星到啦...有救啦..”龍一心諗...

「慶太..涼平..救命呀...」龍一氣喘咁跑過去...

「嘩...你發生左D咩事呀...」涼平好驚奇咁問...

「睇佢咁既死款...實係靜子又黎纏住佢啦...」慶太好得戚咁講...

「係呀...唔該你地救下我啦...佢真係好屎煩呀...弊...佢依家跑緊過黎呀...等間佢問你

見唔見到我..你地話冇喎..唔該...」龍一講完就"呢"左係草叢入面...

「涼平..不如我地唔好幫龍一佢囉...好冇呀...」慶太好奸咁講...

「下...唔好咁啦...話曬大家一場兄弟...唔幫佢...佢會好慘架喎...」涼平講..

「哎呀..你唔好咁啦...玩下之嘛..佢會點慘姐...」慶太講...

「咁......」涼平猶豫緊...

「唔好咁啦...一於咁講啦...(指住靜子黎緊既方向)睇下..佢黎緊啦...」慶太講..

「hihi...慶太...涼平..唔知你地...有冇見過...龍...龍...一咁呀...」靜子氣喘咁講...

「佢"呢"左係草叢入面呀..」慶太講...

而同一時間..涼平又講...「佢行左去果邊呀...」

「咁即係....ok..我知佢去左邊架啦...唔該...」靜子講完就朝住草叢既方向跑走左...

「Yeah...得左...靜子佢信我講..唔信你講喎..呵呵..(拍拍涼平膊頭)黎啦...我地仲有

野做架...」慶太講...

＊＊＊＊＊＊＊＊＊＊＊＊＊＊＊＊＊＊＊＊＊

草叢...

「嘻嘻..."泥"係度靜子佢實搵唔到我啦...哈哈...我實在太醒啦..」正當龍一讚緊自己

既時候...靜子係佢後面靜靜雞用樹葉整佢條頸...仲發出D笑聲tim...

「咦...點解條頸咁痕既...仲有人係度笑tim...」龍一覺得唔對路..拎轉頭..見到靜子..

即刻嚇到成個人彈左起身...

「嘩...做咩...你...你...知我...我...係度架...」龍一嚇到講野都講到口窒窒...

「呵呵..係慶太佢講我知架...所以我咪黎搵你囉...」靜子笑騎騎咁講...

「哎呀..你個死慶太呀...咁對我呀..返去你就知死...」龍一激氣細聲講...

「龍一...你冇野呀嘛...你講咩返去就死呀...」靜子唔明龍一佢講咩...

「冇..冇..冇野呀...」龍一講...

「呀...係丫...龍一..我整左你最鍾意食既朱古力黎呀...快D試下啦...」靜子講...

“咩話...朱古力...咪係我既至愛...我要食呀...”龍一聽到有野食..即刻成個人醒曬..

「拿...龍一..等我黎餵你呀...」靜子好嗲咁講...

龍一聽到靜子佢咁講野..即時成個人打左個冷震..

「唔使咁麻煩啦...我自己黎得啦...」

「唔好啦..等我黎餵你啦...拿...呀...」靜子未等龍一回應...就將舊朱古力擺左係龍一

個口度啦..而且當時好多人睇住佢地...龍一惟由死忍...

“唉...真係修家囉..咁多人睇住tim..不過算啦..為左食我既至愛朱古力...我死頂...”龍

一心諗...

＊＊＊＊＊＊＊＊＊＊＊＊＊＊＊＊＊＊＊＊＊

龍一一返到屋企...即刻大嗌...

「你兩個死人野..同我出黎..」龍一好激氣大嗌...

慶太同涼平被龍一依一聲大嗌...嚇左嚇...仲停埋做緊既野...

「龍一...做咩事大嗌呀...嘈到隔離屋就弊架啦...」涼平講..

「咪係囉...一返黎就大嗌...傻左呀...」慶太講...

「如果唔係你地兩個..我使返黎大嗌...」龍一激氣講..

「此話何解呀..龍一..」涼平問..

「今日係咪你地話俾靜子聽我"呢"埋係草叢架...」龍一問...

「呵呵..咁就唔關我事啦..你慶太佢講咋...」涼平講...

龍一聽到之後...怒啤慶太...

「哦...原來就係你害我係咁多人面前出醜...你好野啦...橘慶太...」龍一激氣講...

「..........你唔使咁呀..玩下姐..唔好嬲啦...」慶太俾龍一咁啤法..感到有D壓力...

「唔嬲就假啦..個女仔仲要係咁多人面前餵我食野喎..

你話係咪好瘀啦..」龍一激氣講...

「咁咋話..有咩唔妥姐..如果我唔同靜子講你"呢"埋係草叢度..你會有野食..仲係度嘈..

你要多謝我先岩呀..」慶太講...

「...咁又係..今日靜子D朱古力又真係整得幾好味..咁sorry囉..岩先咁話你..」龍一講..

「呵呵...唔緊要啦...至緊要你今晚肯幫我洗碗就得架啦...」慶太好奸咁講...

「睬你都傻既..涼平...我地入去玩PS2囉..唔好睬個傻佬姐..」龍一好得戚咁講...

「哦...好呀...」涼平答..

客廳淨返慶太一個...

「鳴...冇天理呀..有野玩都唔預埋我..你地唔好開始住呀..等埋我呀..」慶太扮可憐講..

「係你就快D入黎啦..等埋你呀..」涼平講..

「嘻嘻..都係涼平你最好..」慶太回復笑容..

＊＊＊＊＊＊＊＊＊＊＊＊＊＊＊＊＊＊＊＊＊

某日既Lunch Time..

「Yeah..今日終於可以靜靜地食飯囉...」龍一開心咁講...

「呵呵..你唔好咁開心住先啦..你睇下邊個黎左...」慶太指住靜子黎緊既方向講...

「唔會係靜子呀...」龍一個心有少少驚...

「哈..你估岩左喎...」涼平講...

「唉...今次有排煩囉..」龍一冇曬心機講...

「龍一...我靜子又黎啦...有冇掛住我咁呀..」靜子好開心咁講..

「冇喎..」龍一好冷漠咁講..

「....唔好講咁多啦..龍一..今日我又整左你最鍾意食既野呀..」

靜子冇理會龍一既冷漠對待...依然好有笑容咁同龍一講野...

「你唔好咁煩好唔好呀...成日做埋D無聊既野啦...人地又冇嗌你煮野食...你又走黎懶

好心咁煮喎......」龍一一口氣講曬佢想講既野...而佢自己都覺得驚訝..

點解會咁樣講野...在旁既慶太同涼平俾龍一既說話嚇左嚇...

「....龍一..我知你覺得我好煩..但你知唔知我好愛你架..就算你唔愛我都好..我都會一

直為你做你所鍾意既野...」靜子佢雖然冇喊..但眼泛淚光...講完之後行開左..(靜子佢

之前成日同龍一講自己好愛佢..但龍一都好少理..所以靜子佢咁講話自己愛龍一..都冇

咩出奇..)

「龍一..你有冇搞錯呀...咁樣同靜子講野都有既..人地都係一番好意先咁幫你咋..」慶

太係度責怪龍一...

「係囉...龍一..靜子女仔黎架..你咁同佢講野..會好傷佢心架..快D同人地去道歉啦..」

涼平都係度責怪龍一...

「唔..我知道點做架啦..」由龍一開始講同靜子講野既時候..已經知自己係做錯左...

＊＊＊＊＊＊＊＊＊＊＊＊＊＊＊＊＊＊＊＊＊

放學後..龍一一早係靜子既課室門口等佢...

等左好耐..靜子出黎..

「靜子..今日lunch同你講D野..請你唔好嬲我好冇呀..我唔係有心架..」龍一道歉..

靜子冇理到龍一..仲要啤住佢..

「靜...靜...靜子...唔好咁嬲啦..我真係冇心咁講野架..最多你以後做咩我都會接受...

好冇姐..」龍一俾靜子佢咁樣啤法..感到有D恐怖...

靜子聽到龍一講『最多你以後做咩我都會接受..』即刻諗埋一邊...

“龍一佢咁講..係咪即係話佢接受我對佢既愛呀...係就太好啦..”

靜子一路諗一路係度傻笑..

「靜子...你冇野呀...做咩冇端端係度傻笑呀...你笑係咪即係肯原諒我呀...」龍一講..

「係就係..你岩先話我以後做咩你都會接受..咁係咪即係你肯接受我既愛呢..」靜子收

返啤龍一既眼神..仲笑騎騎咁講...

「唔係呀..我都唔係咁既意思..你唔好諗埋一邊啦..」龍一講...

靜子聽到龍一佢咁講..即刻成個人down曬...

「靜子呀...你唔好咁啦..最多我下星期日同你去行街街囉...好冇姐..」龍一講..

“雖然龍一佢依家唔接受我既愛..但可以同佢一齊去行街街..都可以好幸福啦..依D就

係愛人既表現啦...”靜子心諗...

「好呀...就咁話啦...」靜子好開心咁應承左龍一...

「唔..咁果日我2:00係車站等你..記住準時到呀..」龍一講...

「好..係喎..龍一你肚唔肚餓呀...岩先我lunch冇食到野呀..」靜子講...

「咁不如我地去新開果間甜品屋度食野呀..聽講好好食架..」龍一講..

「ok..咁我地行囉..」靜子好開心咁同龍一行..

以上種種既行為..都被"泥"埋係牆角既一個人見到...

而果個人正計劃緊佢既計劃...

＊＊＊＊＊＊＊＊＊＊＊＊＊＊＊＊＊＊＊＊＊

好快就快到左龍一同靜子去行街街既日子..

果日靜子一早就扮好靚靚..仲早左10分鐘出門口tim...

當靜子行到半路既時候...後面有兩個人出現...

「喂...係咪依個女仔呀...」衰人A問..

「係呀..」衰人B講..

「咁我地開始行動..」衰人A講..

果兩個衰人講完野之後...衰人B從褲袋拎左條毛巾出黎...

走向靜子既方向...靜子係毫無防備既情況下...就俾衰人B用毛巾焗暈左....

「唉...咁快就暈左喎..都唔好玩既..」衰人B講...

「喂..邊個話出黎玩架..我地要做野架..(指住靜子)唔好講咁多啦..快D

抬佢返去好過啦...」衰人A講...

「嘩....睇佢瘦瘦地..估唔到咁屎重..」衰人B講...

「唉..你咪將就下囉...好快就到架啦...」衰人A講...

就係咁..靜子就唔知俾佢地抬左去邊...

而龍一就係車站度呆等左半個鐘...

“唉..個靜子搞咩野架...等左佢成半個鐘啦..仲未見人既..唔得..我要打多次電話俾佢

先..”龍一有D不耐煩咁諗...

「唔好意思...你所打既電話未能接通...請遲D再打過黎啦...」電話錄音...

“唉..有冇搞錯呀..又打唔通..會唔會有咩事咁呢..

等我打去靜子屋企問下先..”龍一諗..

「喂..你好..平田家..(即靜子屋企)請問搵邊位呢...」靜子媽問...

「伯母..唔好意思呀..我係龍一呀...打電話黎打擾你..係呀..

你知唔知靜子佢去左邊呀..」龍一問..

「靜子佢一早就出左去啦...唔係有D咩事咁呀..」靜子媽緊張問...

「唔..唔..唔係..之不過我係車站等左佢成半個鍾..未見佢..有D擔心佢..係咁啦..伯母我

依家去搵佢..bye..」龍一講..

「咁...唔該你啦..龍一..bye..」靜子媽講...

“弊啦..靜子佢唔係屋企..唔通真係有事...唔得..搵慶太同涼平幫手先...”龍一諗下諗

下..突然間個心好唔尋常咁跳左下..

「你好..請問搵邊位...」涼平問..

「喂..涼平呀..我係龍一呀..我有事搵你同慶太幫手呀...」龍一好緊張咁講...

「你唔好咁緊張啦..你慢慢講發生左D咩事..」涼平講..

「我岩先係車站等左成半個鐘..靜子佢仲未黎呀...佢好少遲到架..我驚佢發生左D咩事

呀..」龍一講..

「可能佢有D事要做呢..你唔好咁緊張啦..」涼平講..

「唔係呀..岩先我搵你地幫手既時候..個心突然好唔尋常咁跳左下..好奇怪..好似靜子

會有事發生咁..」龍一緊張講...

「好唔尋常咁跳左下...你上次個心又係好唔尋常咁跳左下..

之後你爸爸就入左醫院啦..你今次又係咁..睇黎靜子佢真係會有事..」涼平扮曬專家咁

講野..

「唔會咁嚴重呀..(龍一個心開始有D驚)哎呀..唔好理咁多啦..你同慶太快D出黎幫我

搵靜子佢好過啦...」龍一講..

「好..等我地..」涼平講...

15分鐘後..涼平同慶太趕到..

「涼平..慶太..你地到左啦..咁依家我地分頭去搵靜子啦..」龍一緊張講..

「好..咁我同涼平就去果邊搵..龍一你就去果邊啦..有冇異議...」慶太講...

「OK...有咩事電聯..」龍一講..

＊＊＊＊＊＊＊＊＊＊＊＊＊＊＊＊＊＊＊＊＊

搵左一個鐘..大家都未搵到靜子..

「死啦...搵左成個鐘啦...去過曬靜子平時去既地方..都未搵到佢..唔知佢依家點架..」

龍一好擔心..

「龍一..你唔好咁擔心啦..靜子佢平時咁鍾意幫人..又咁好人..

個天係唔會俾佢有事既..一定唔會有咩事既..」涼平安慰緊龍一...

「係囉..龍一..慢慢黎..我地一定會搵靜子既..」慶太都一齊安慰龍一...

「係呀..唔好急..我地都搵左成個鐘啦...不如坐低休息下啦..」涼平講...

「係囉..休息下啦...」慶太講...

龍一拒絕涼平同慶太既好意...

「我唔休息啦..我一定要搵到靜子為止..」講完就走左...

淨返涼平同慶太兩枝公..

「真係唔明龍一佢點架..平時話靜子好煩...依家人地唔見左..就鬼咁緊張..都唔知係

咪鍾意左靜子...」慶太講...

「可能依D叫做不知不覺受上佢..」涼平講...

「唉..唔知佢地點啦...口渴買野飲..涼平你要咩呀..」慶太問..

「綠茶呀..唔該...」涼平答..

「好..馬上到..」慶太講...

＊＊＊＊＊＊＊＊＊＊＊＊＊＊＊＊＊＊＊＊＊

正當涼平同慶太休息緊既時候..龍一黎到左學校..

佢行下行下..見到體育館開左燈...

“咦..點解體育館會有燈著左既..乜唔係星期日唔開架咩..唔好理啦..入去睇下靜子係

唔係度先...”龍一諗到依度..果D不安感增加左好多..

＊＊＊＊＊＊＊＊＊＊＊＊＊＊＊＊＊＊＊＊＊

體育館內..

「喂..你地快D同我用水整醒佢呀...」麗子命令...

「係既..大家姐...」衰人A同B服從..

冇幾耐靜子醒左..

「咦..依度咪係體育館..做咩我會係度架..(望住麗子佢地)你地帶我黎你度做咩呀..」

靜子好驚咁問...

「呵呵..想知..好易姐..」衰人A好奸咁講..之後聯同衰人B對靜子拳打腳踢...靜子佢根

本冇能力反抗..因為佢被人縛住左..在旁既麗子一路睇一路係度發出D好難聽既笑聲..

「哎呀..你地好停手啦..點可以咁對我既客人架..」麗子懶好心咁講...

「你唔使懶好心啦..快D講你抬我黎依度做乜叉..」靜子怒啤住麗子..

「我係想你離開龍一..因為龍一佢係屬於我既..冇人可以埋到佢身..

如果你再纏住佢既..唔好怪我對你唔客氣呀下..」麗子用D恐嚇既語氣對靜子講..

「超..如果你真係咁勁..你唔使理我都可以同龍一係埋一齊啦..我先至唔驚你呀..」靜

子反串麗子...

「哎呀..你個死妹釘咁屎串呀..信唔信我打你呀啦...」麗子好嬲咁講...

「我好驚呀..我都俾果兩個人打左啦..唔爭在俾你打埋..」靜子好勇咁講..

麗子佢聽到靜子咁講..真係火都黎埋..拎起張木�_準備打落去靜子度..

而依一切俾"泥"係門外既龍一見到...

龍一見到將木�_快要打落靜子到..即刻跑入黎推開靜子..但靜子又見到張木�_快要打

落龍一度..又推開左龍一...

『啪..』既一聲巨響..木�_打落左靜子個身度..張木�_仲要打到爛埋..

而靜子就成個人訓左係度...麗子果班衰人見到咁..驚搞出人命..即刻雞咁腳走左..

龍一攬住訓係度既靜子..摸住佢既秀髮..心有種痛..而果種痛唔係普通既痛...係愛人既

痛..

「靜子..你唔可以有事架..」龍一好緊張咁講...

「龍一..我係唔會..有事架..但有一樣野..就係永遠唔會變..我愛你..」靜子講完吐出左

一口鮮血...意圖就頂唔住..

「靜子...我都好愛你架..所以你要支持住呀..」龍一好緊張咁講..

「我..我..會..會...會...」靜子講完..雙眼漸漸閉上..因為佢實在太��...好想靜靜咁

休息下...

龍一見到靜子漸漸閉上眼睛...係咁搖佢隻手..好似咁樣靜子就會醒...可惜係唔會...

＊＊＊＊＊＊＊＊＊＊＊＊＊＊＊＊＊＊＊＊＊

過左12個鐘頭...靜子醒左...

醫院病房...

「靜子..你醒啦..」龍一好開心咁講..

「唔通你想我唔醒呀..」靜子講...

「唔係..你覺得邊度痛或者唔舒服咁呀..我叫醫生黎呀..」龍一關心問..

「好..」靜子講..

醫生檢查完..

「點呀..醫生話我幾時可以出院呀...」靜子問..

「下過星期一就可以架啦..」龍一答..

「哦..」靜子講...

隨後病房陷入一片靜默..兩人都冇野講...

「龍一...」靜子打破靜默...

「唔..靜子咩事呀..」龍一引導靜子想講既野...

「你之前係體育館所講既野..係咪真架...」靜子問...

龍一考慮左一陣...

「係..係真架..我愛你..靜子..」龍一好認真咁答..

「我都愛你..龍一...」靜子講...

兩個人表白左心跡..接住落去係一個深情既吻..

＊＊＊＊＊＊＊＊＊＊＊＊＊＊＊＊＊＊＊＊＊
各位..依篇係一篇無聊之作黎架..
唔知你地係咪覺得無聊呢...
如果對依篇小說有任何意見..
歡迎add我ICQ:159693690