摘星の情緣 part 12

   “咁啦，我地一個鐘之後係番呢個入口度見!”慶太提議。

  “好!阿澄我地行啦~”涼平拉住我行。慶太同龍一就行左去相反方向。

  “呢到好靚呀可？……..”我都未講完，涼平已經攬住左我。

  “涼平？你做嘜呀？”我反抗，但係完全郁唔到，只見涼平已經想錫落黎咁既樣。

  “呀!你…!唔得呀!”我奮力反抗，都無用!我感覺到佢既氣息愈黎愈近…..

  “涼平呀!放開我啦!”我忍住眼淚大叫。係呢一個moment，我聽到涼平既笑聲。

  ”哈哈……..你唔係真係以為我咁變態呀話？試下你咋!”涼平放開我。

  “下？”我受驚過度，都唔知點反應先好。淨係見到涼平個樣由笑臉變成悲傷…

  ”我仲諗住賭一賭，但係都係無法子令你放棄慶太。”涼平一面痛苦。

  見到佢咁，我忍唔住流下眼淚。”你做嘜野呀？我都未喊呀！“涼平攬住我。

“你真正鍾意既係慶太，係咪？”涼平攬住我，佢既身體都係度震緊。

“我唔知呀．．我唔知點解會拒絕你錫我．．我對慶太．．”我語無倫次。

“因為你鍾意慶太！所以你拒絕我！你做得好正確！”涼平眼有淚光。

  “對唔住呀．．涼平．．”我倚靠係涼平既肩膀度啜泣．．

     係呢個咁悲傷既情況之下．．都唔知係邊個喊先岩喇！

     幾個字靜默之後，涼平同我講：“阿澄．．雖然我地無相愛過．．但係我到死果 日都一定記得你．．記得你好似陽光既笑臉，好   

     似細雨既喊樣！一切一切，都係

     我心中銘記！你同慶太一定要幸福呀！唔好辜負我既讓愛！”

“我明白喇！我都唔會唔記得你！”我重新振作，對涼平微笑。

  涼平見到我笑，忍唔住流下眼淚，但係佢都係支撐住苦笑。

  我鼓起勇氣錫左涼平一淡，之後話：“呢個ｋｉｓｓ，係告別同感謝你既！

  我諗我地由果日起既感情，今日應該都完啦！仲有，你同我既回憶係唯一既！我

一定一定銘記在心！多謝你呀，涼平，仲有，對唔住！“我真情告白。

“阿澄，真係好多謝你呀！但係，估唔到，你第一次真心主動錫我，已經係臨尾 一次！”涼平面紅紅咁話。

“番去啦！”我拉住佢飛奔到入口。

  “慶∼太！”我大叫。

   ”阿澄！係∼呢∼度∼呀！”慶太＆龍一回應。

  “咦？涼平你對眼紅到爆喎!阿澄又係~!你地做嘜黎呀？”龍一問。

  “無，我地對花粉敏感架!”我同涼平掩飾我地真正”眼紅”既原因。

  “唔，咁行得啦!”慶太明知係嘜原因，但係費事講出黎令大家唔好意思。

  涼平行行下，無啦啦”喱”埋一二邊。”做嘜事呀？涼平？”我問。

  “有難呀!”涼平一邊話，就有個生面口既女仔行緊黎….打量緊涼平…

  “千葉涼平!!!真係你~~我好掛住你呀~~!”個女仔---羽雪大叫，仲攬住涼平。

  ”喂~羽雪，咪咁啦!攬身攬勢!好難睇呀!”涼平大叫，想”thing”開佢。

  “有嘜所謂je!!” 羽雪痴住涼平唔放。睇清楚，個女仔都幾得意!同涼平…都ok架!

  搵左間café坐低………

  “咁多位，我叫須藤羽雪!係涼平既未婚妻!!”羽雪滿面笑容咁話。

  “你up緊嘜野呀？講得正經d得唔得既je？”涼平塊面勁紅。

  “涼平唔使怕羞喎!大家咁friend，人少少，認有個未來老婆幾咁閒je？”慶太大笑。

  “幾時有怕羞呀!你地唔好誤會呀!”涼平塊面仍然係咁紅。

  “怕羞又點會講出口丫!可？我要番去喇!涼平!我今晚call你呀!”羽雪行出café。

  “ok啦涼平!有個咁可愛既未婚妻都唔話比我地d friend聽~”龍一話。

  “唔係!”涼平未解釋，我同慶太已經異口同聲咁話：”唔使講!記得請飲就ok啦!”

  番到別墅，我地就去左男女同浴既浴池到~一齊浸溫泉~…..

呢個故事都差唔多到尾聲啦!仲有幾part架咋~

我會休息一排，之後打多個故事再post!

  Call me：134583910