sweet chritmas

人物介紹:

Fanny: 一個普通既中六學生,滿腦幻想

米米:  Fanny同班同學兼死黨,性格開朗

緒方龍一: 一個普通既中六學生,愛開玩笑

千葉涼平: 龍一青梅竹馬既朋友,性格爽朗

<< 第一集 >>

Fanny(一朝早起身,對住塊鏡):今日對我黎講好重要,因為係我升上中六既開學日,雖然學校唔同左,不過我諗都係差唔多咋嘛!好在唔係得我一個去新學校!仲有我老友,佢就係米米!!(望望隻錶)哎呀!夠晒鐘添!(衣衫不整咁衝出門口)媽咪我出門口啦!掰掰……

出到門口,Fanny就梗係邊用最快速度行去輕鐵站邊整理下自己d衣著啦!好辛苦先行到去車站!咁岩有架輕鐵到站…

Fanny(心諗):好在個天對我都不薄,明知我趕時間唔駛我等咁耐!

架輕鐵度門慢慢山埋既時候Fanny仲諗得好入神個陣,突然有個男仔強行衝上車,嚇左Fanny跳!

Fanny(心諗):我諗佢都係好似我咁第一日番新學校架啦!如果我遲少少出門口,結果可能同佢一樣添!

落左車之後,Fanny仲見到新學校既學校好慢條斯理咁行,再睇睇隻錶,原來時間都仲有剩!早知就唔駛趕到死咁滯啦!!踏入新學校第一步,佢個心諗:又係一個可怕既開始啦!!(突然間有人拍Fanny,轉身睇原來係米米)

米米(好慌張咁):我仲以為你會遲到添呀!!嚇死我啦!我幾驚得番我一個面對新環境呀?

Fanny(笑住咁講):我仲驚呀!今日趕到我死死下呀!幾驚第一日番學遲到呀!!好瘀架嘛!!仲有呀!我今日搭輕鐵果陣,度門就黎山埋個一刻突然有個男仔衝上車喎!真係心血少d你而家都見唔到我啦!不過佢個樣好狼狽咁!個樣好鬼好笑架!!諗番當時個情形都想笑呀!哈哈!!

米米(打Fanny):你咪咁衰笑人地啦!咁人地都唔想咁趕架嘛!不過話時話呀!個男仔個樣如何呢?

Fanny(扮諗):唔…….(過左一陣)當時佢走得咁快?我點見到佢個樣靚唔靚仔喎!傻人!!

米米(好無奈):你個衰妹呀!(聽到鐘聲)打鐘啦!上左課室先啦!唔知我地既新同學會點架呢?

Fanny(笑唔停):可能全部都係怪物,好似你咁既樣!哈哈!!

米米(串番Fanny):怪物應該似你架嘛!你放心啦!我唔會歧視你架!唔駛咁擔心喎!

上到課室佢地兩個搵左個唔係咁起眼既位坐,跟住係度細聲講大聲笑,Fanny望左出窗,見到自己間學校貼住隔離間學校…

Fanny(拍下米米):米米呀!隔離個間咩學校黎架?好似好恐怖咁既?

米米(望下間學校):哦!果間係男校黎架!聽講d男仔個樣都唔差架!!!(奸笑)

Fanny:我地呢間又唔係女校!隔離又會有間男校咁攪笑既?聽講d男仔唔錯?聽講好啦!!

米米(好懷疑):你又知人地學校d男仔唔靚仔?你見過啦咩?

Fanny(扮有見識):通常聽講果d都唔係真架啦!如果唔係駛乜聽講喎?你唔好信添呀!

米米(唔信):我又唔覺得係咁喎!梗係有人証實過先會傳出黎架啦!!(見到老師黎)新班主任黎啦!

Fanny(見到個新班主任):點解個班主任…….光頭既?哈哈…

米米(忍唔住笑):你咪笑得咁大聲啦!因住比人聽到呀!哈哈…

可能因為第一日番學既緣故,所以簡單處理下班務就放得學,佢地兩個見仲咁早,出左個主意….

米米(好有部署咁):橫掂仲咁早,不如我地匿埋睇下隔離男校d人如何囉?我諗佢地都早放架啦!

Fanny(扮晒野咁):我先冇你做d咁無聊既野呀!早d番屋企訓覺唔好!!

過左一陣…..

Fanny(好唔耐煩):又話會早放既?等左咁耐都未見有人行出黎既?