上集講到:Fanny同米米見放得早就諗等隔離男校既男仔睇下傳言係真唔係… 

sweet chritmas

<< 第二集 >>

佢地兩個等左好耐都等唔到有人影既出現,Fanny已經好唔耐煩啦!!

Fanny(好炆咁):唔等啦!呢間都唔知係咪學校黎架!冇學生既?

米米(好攰咁):我都覺得係呀!不如唔好等啦!我地去食野啦!我個肚打晒鼓啦!!

佢地兩個去到學校附近既商場某間食肆度落腳….

Fanny(仲好嬲):好明顯個傳言唔係真架啦!唔好話靚仔啦!鬼影都冇個,都唔知係咪學校黎架!

米米(安慰):你冷靜少少先啦!你食咩野呀?我買比你食啦!好冇??

Fanny(冇咩心情):你食咩我食咩啦!!!我唔想諗呀!!

米米:咁我去買啦!你唔好咁嬲啦!不如你諗下我地陣間去邊度行街仲好啦!(出左去買野食)

Fanny(冇野做就四周圍咁望,見到個男仔個樣好熟,好似係邊度見過咁,但係又點都諗唔起係邊度見過呢個男仔,望住個男仔定左…)

米米(見到Fanny諗野諗到入晒神):Fanny? Fanny? (好大力咁拍Fanny)喂呀!!!

Fanny(嚇左嚇):嘩!!我比你嚇死我啦!嗌我咪得囉!駛唔駛拍得咁大力呀?

米米(好無奈咁):我真係比你嚇死我啦!我仲以為你撞鬼添呀!坐係度郁都唔郁!

Fanny(傻笑):傻架咩?我係度諗野咋嘛!!你望下果個男仔(指住果個男仔)我地係咪識架?

米米(望一望,奸笑):哦!你曳曳啦!原來係度望男仔,個樣都唔差喎!有眼光呀!

Fanny(突然間諗起):佢….佢係我今日見到果個男仔呀!!!係佢呀!!!

米米(好疑惑):咩呀?你講咩呀?我地今日有係男校都見唔到男仔!!!你有見到咩?

Fanny(好緊張):唔係呀!我今日咪講過有個男仔衝上輕鐵既?就係佢囉!!!!

米米(望住個男仔):就係佢呀?個樣都唔差呀!睇佢個樣又唔似會衝上車個d人喎!!!!

Fanny(好無奈):你係咪傻架?衝上車有樣睇架咩?趕時間係人都衝上車啦!!

朋友甲(望望Fanny同米米):龍一呀!果邊個兩個女仔望左你好耐啦喎!

龍一(望左望):成間餐廳咁大,雖然我幾靚仔,不過唔一定係望我既!可能係望你呢!

Fanny(好驚咁):米米呀!比佢地發現左我望住佢地啦!不如我同你調位坐啦!!!

米米(起左身):冇問題!!!我屋企附近咪有間屋冇人住好耐既?

Fanny(平伏番心情):係呀!成間鬼屋咁架嘛!離遠見到都驚驚地呀!!

米米(好驚訝):咪就係囉!咁恐怖都有家人搬左黎住呀!不過就仲未搬晒!

Fanny:我諗呢家人梗係冇屋住啦!如果唔係都唔會咁恐怖既屋都搬入去住啦!

米米:哈哈!我都係咁話呀!祝佢地好運啦!!聽日就正式番學呀!!!我驚會好悶呀……

話咁快就第二日,亦都係米米同Fanny正式上堂既日子,Fanny都如常咁搭輕鐵番學…

Fanny(心諗):唔知今日會唔會撞到個男仔呢?(突然間好大風)原來係果個男仔岩岩衝左上車,佢衣衫不整咁,睇黎佢好趕喎!

龍一(傾住電話):喂?涼平呀?我係龍一囉!你出門口未呀?快啦!遲到架啦!!學校見啦!掰掰!

Fanny(心諗):原來佢叫龍一!!個名都幾好聽喎!仲好襯個樣添呀!!哈哈!!(突然間自己電話響)喂?

米米?我出左門口搭緊車添啦!!

米米(係電話既另一邊):我仲以前你好似琴日咁趕頭趕命添呀!係喎!見唔見到果個男仔呀?

Fanny(忍唔住笑):乜野呀?唔講啦!我到站啦!有咩番到學先至講啦!!係咁啦!!

番到學校,見到米米離遠對住自己奸笑,心知不妙…..

米米(搭晒膊頭咁):做咩我一問果個男仔係唔係度你就趕收線咁呀?唔駛問佢梗係係你隔離啦?

Fanny(怕羞):你知就好啦!唔通我話”係呀!果個上次衝上車既男仔係度”咁咩?

米米(好奸咁):扮晒野咁啦!你就咁話”係”咪得既囉!唔駛咁多解釋啦!!

Fanny(聽到鐘聲):打鐘啦!快d排隊啦!如果唔係比人罰架啦!!!(推米米行)