上集講到:Fanny再次係輕鐵度撞到龍一,開始每日都希望撞到龍一….

 sweet chritmas

<< 第三集 >>

好快又到左小息啦…..

Fanny(好奇):係呢!你隔離果家人搬左入黎未呀?有冇發生咩怪事咁呀????

米米:佢地搬就搬左入黎啦!仲同過我地打招呼添!不過聽唔到有咩怪事發生喎!!

Fanny:希望佢地唔會撞到d唔應該撞到既野啦!!個家人有冇小朋友架?

米米:小朋友就冇啦!不過有個同我地差唔多大既男仔喎!!!好似叫咩…涼?唔記得啦!

Fanny(奸笑):差唔多大呀?你小心自己會愛上人地個仔呀!做埋襯家添呀!!!哈哈!

米米(冇Fanny咁好氣):我真係服左你啦!咁都比你諗到!你咁得閒呀!不如諗下果個男仔啦!

Fanny(突然諗起):佢有名比你叫架!!人地個名叫龍一呀!唔好再<果個男仔>啦!

米米(好諤然):嘩!你連人地個名都知埋呀?你行過去問佢架?幾時學到咁勇呀?

Fanny:你第一日識我呀?我點會夠擔去問佢喎?我今日聽到佢講電話個陣話自己係龍一!

米米:乜得你偷聽人地講電話咁曳曳架??真係唔要得呀!下次唔好啦!!

Fanny:乜野呀?佢講電話咁大聲!成車d人都聽到架啦!咁唔通過成車d人偷聽佢講電話咩?

又到左lunch啦…..

米米(攬住個肚):我地去邊度食野呀?好鬼肚餓呀!!(見到前面間食肆)不如就個間啦!

Fanny:冇所謂呀!!(坐低左)睇下有咩食先!!!我要個B餐啦!!米米你食咩呀?

米米(睇都唔睇):同你一樣食B餐啦!最緊要係快!我餓到就黎暈咁滯啦!!!

Fanny:有冇餓得咁誇張呀??你今朝冇食早餐咩?

米米(好理直氣壯咁):話明早餐就梗係朝早食架啦!而家係食午餐呀嘛!我肚餓好出奇咩??

Fanny:因住今日番到屋企整爆個磅呀!!又要買過個呀!我唔陪你去買架!

米米:你同我放心都得啦!我大把本錢!個磅有排都未磅得到!!d野食咁耐都未黎既?我就黎餓死啦!!唔得啦~叫人睇睇有冇落單先!!(正想叫人之際,見到…..)都係唔叫啦!

Fanny(好奇怪):做咩冇那那又唔嗌人呀?你唔肚餓啦咩??

米米:我想你食慢d呀嘛!如果唔係會錯過同人地相處既時間架!!

Fanny(望到龍一行入黎,嚇左跳):又係佢???點解成日都見到佢架?佢讀邊間架??

米米(奸笑):想知人地讀邊間咪問下囉!如果唔係點知喎?係咪??

龍一(好唔耐煩咁):仲諗住轉左間新既學校會冇咁辛苦添!點知仲慘過以前!又悶到死喎!

涼平(安慰龍一):你咪咁樣啦!如果上堂唔悶就唔係上緊堂啦!你中六架啦!唔好再咁細路仔啦!

龍一(好無奈):唔好再講學校啦!講完飯都食唔落呀!!係呢!你搬屋搬成點呀?

涼平:搬晒架啦!住埋入去添囉!!你幾時上黎我間新屋度睇睇先??

龍一(好開心):咁就不如今日放學啦!我都好耐冇試過你媽咪d炒飯啦!歡唔歡迎先?

涼平:我幾驚你話唔得閒呀!我媽咪成日都話掛住你呀!都唔知邊個係佢個仔添呀!

米米(食晒野):好味道呀!!下次又黎呢間再食過囉!!

Fanny(好飽):嘩!真係太抵食啦!20蚊碟飯成個湯碗咁大!我而家好似有左5個月咁呀!

米米(笑到傻左):何止5個月呀?直情生得咁滯啦!!哈哈!!

Fanny:咁我咪要報警囉?如果唔係你而家當眾生仔唔得架喎!我會死架!!!笑死呀!!

涼平(聽到好嘈):果邊個兩個女仔食飯都咁開心既??梗係好耐冇食飯啦!哈哈!

龍一(成日野食咁望左望):你理得人地呀!快d食啦!陣仲要陪我睇結他呀!!

涼平(扮嘔):好心你慢慢食啦!時間我地大把!!!而家睇唔切咪放學睇囉!!!!你睇下你自己!

龍一:我放學要去你屋企呀嘛!!何況我食野不嬲都係咁架啦!你又唔會第一日識我!!

涼平(好無奈):我真係服左你啦!!細個見到你食野係咁!大個左又係咁!都唔改既!!