上集講到:米米仲未知隔離新搬黎個家人就係涼平一家人….

 sweet chritmas

<< 第四集 >>

好快又到左放學啦,龍一上左涼平屋企,而家米米同Fanny就各自番屋企….

Fanny(番到屋企):媽咪,我番黎啦!!(講完就番左房)最悶既時間終於都過去啦!!而家係時候做番d唔悶既野舒緩下我呢個咁悶既心情啦!做咩好呢???(諗左一陣)上下網睇下有冇人online都好喎!

(係呢個時候,電話響)喂?米米!你做咩咁激動呀?(好大聲)咩話?龍一黎左你屋企?????

米米(係電話另一邊):你有冇聽清楚架?龍一唔係上左我屋企呀!係上左新搬入黎個家人度呀!

Fanny(好緊張):咁即係龍一同新搬入黎個家人識架??咁你見唔見到佢而家做緊咩呀??

米米:我而家點見到呀?你而家快d黎我屋企咪見到囉!!係屋企等你呀!快d啦!

Fanny(收左線之後):著番校服好冇呢?但係套校服又唔係靚!!算啦!上到米米屋企先借衫著啦!(邊出門口邊講)媽咪!我去米米屋企呀!有咩打我手提啦!!掰掰!(極速跑去米米屋企)好在我同米米住得近咋!如果唔係都唔知點樣死到過去呀!(手提響,冇氣咁滯)米米?我黎到你屋企留下啦!快d開門比我啦!!我冇氣啦!!

米米(一開門,見到Fanny離遠跑緊黎):快d啦!!就到架啦!!!(細細聲)龍一(大大聲)走架啦!!!

Fanny(身水身汗):仲諗住陸運會就到,搵日約你去練下跑添!而家唔駛啦…..

而另一邊既龍一同涼平,就梗係完全唔知Fanny同米米既事啦…..

龍一(好有禮貌咁):伯母呀!你煮d野真係特別好味架!

涼平媽咪(好仁慈咁):好味就多d上黎食啦!!慢慢食啦喎!我入廚房做埋d野先!!!

涼平(好衰咁):你恨到我媽咪講呢句啦!以後可以成日上黎我屋企痴餐啦!!

龍一(扮正經):乜得你咁講呀?我今次專誠上黎探下伯母架!!!唔好講到痴痴聲咁難聽啦!

涼平(催龍一):你快d食啦!上黎我房有野比你睇呀!!

龍一(勁快食完):完成晒啦!比咩我睇呀?好似好重要咁喎!咁就要快d上去睇下啦!(推涼平上房)

米米(好大力拍Fanny):佢地番左房呀!!!快d過黎睇下你個龍一啦!!

Fanny(好緊張咁):邊度呀?我見唔到既?我陣係見到佢個friend咋喎!!

米米(指住龍一):你係咪鬥雞架?係個衣櫃個邊囉!!!見到未呀??

Fanny(好大聲咁):我見到龍一啦!!!!!!!

涼平(定左定):我聽到有人嗌你呀!你聽唔聽到呀???

龍一(睇電視睇到入晒神):有人嗌我咩?成間房得你同我咋嘛!日光日白!唔好亂諗野啦!!

涼平(好懷疑):我幾時有講過話係房到聽到呀?我聽到係出面架!!!望出面又冇人喎!

龍一(望下出面):你窗口得隔離屋間房咋嘛!間房都冇人係度!你咪好似精神分裂咁啦!睇電視啦!

米米(同Fanny匿埋左):(細細聲)作死你咩!叫得咁大聲,慌死龍一聽唔到呀??

Fanny(好內疚):咁我一時大聲左少少咋嘛!我點知佢地隻耳仔咁勁喎!!一聽就聽到!!!

米米:你咁大聲係人都知啦!你估佢地聾架咩?好在我地匿埋得夠快咋!如果唔係真係瘀死囉!

Fanny:最多下次細聲d囉!不過話時話龍一個friend都唔錯喎!米米,有得諗!!

米米(好無奈):你今日食左藥未呀??點諗呀?好似拍戲咁係窗日到談情呀??傻傻地架!

Fanny:唔得咩?咁如果你都識埋佢!我地兩個同佢地兩個一齊出街都得呀嘛!諗起都開心呀!!

涼平(唔覺意望左去隔離):龍一!隔離屋有人返黎啦!!原來個係兩個女仔黎喎!!!

龍一(望下對面):點解你成日都咁留意隔離屋架呢?莫非你….對人家有意思???

涼平(面都紅埋):咁..咁我之前聽到有人嗌你呀嘛!留意d有咩出奇喎!你睇電視啦!!

天開始慢慢暗,Fanny都係時要走啦!!

Fanny(好唔捨得):都夜啦!我要留屋企食飯啦!!番到屋企打電話比你啦!幫我睇實龍一幾時走喎!

米米:得啦!有咩新進展我第一時間報告比你聽啦!!你自己小心d呀!