上集講到:Fanny正想番屋企之際係留下撞到龍一,兩個對望都唔知講咩好…

 sweet chritmas

<< 第五集 >>

Fanny望到龍一唔知點算好,呆左一陣之後清醒番,即刻調頭走…

龍一(想講又好似講唔出咁,心諗):點解個女仔好似識我咁既?但係又好熟面口喎!係邊度見過呢?

Fanny(個心就黎跳左出黎,心諗):乜攪d咁既野呀?陣間龍一仲以為我扮偶遇添呀!!(番到屋企)媽咪我番黎啦!(訓係張床度)死啦!如果我聽日見到佢應該講咩好呢??冇理由唔出聲架!唉!點算呢??

好快到左第二日,Fanny臨出門口之前仲好擔心唔知點樣面對龍一….

Fanny(邊出門口邊諗):佢唔會記得我既!琴日望一望咋嘛!!佢又唔識我!又唔知我係邊個!冇野掛!!(慢慢行到去輕鐵站,咁岩又有車)好唔好等下班車呢??不過我唔駛專登避開佢呀!!佢都唔識我!!好!上車啦!

(手提響,原來係米米)喂?我而家上左車啦!你出門口未呀?

米米(電話令一邊):我駛乜快出門口喎!我講d野比你聽呀!!琴日識龍一果個男仔黎左我屋企食飯呀!

Fanny(咁記得晒自己驚):點解佢會上左你屋企食飯既?你知左人地叫咩名未呢??

米米:佢媽咪話係新鄰居想了解下喎!個男仔叫做涼平呀!!睇真d都幾好喎!d皮膚仲靚過我呀!

Fanny:叫做涼平呀?佢個家人咁攪笑既?了解下?皮膚靚過你?咪成個女仔咁囉?

係呢個時候原來龍一早左一個站上車,又聽到Fanny嗌涼平個名所以過去睇下…

龍一(拍一拍Fanny):你識涼平架??

Fanny(令過去見到係龍一,嚇左跳):龍一???

龍一(好奇怪):點解你會知我叫咩名既?你識我架咩?我都覺得你好熟口面呀!!

米米(聽到龍一把聲):做咩呀?點解龍一會同你講野既?喂???

Fanny(好驚咁):有咩番學校同你講呀!我就到架啦!學校等啦!!掰掰!

龍一(見到Fanny好驚咁):你唔駛咁驚喎!我冇惡意架!我想問下你點解識我同涼平架咋!!

Fanny(口都震埋):不如聽日見到面講啦!因為我到站啦!係咁啦!(極速落左車)

龍一(好攪笑咁):我想話比你聽,我都係呢個站落架!!我好恐怖咩?呢個女仔咁驚我既?

Fanny(跑到番學校,見到米米):米米呀!頭先嚇死我呀!我係輕鐵見到龍一呀!

米米(冇咩反應):你平時番學都見到龍一架啦!有咩咁驚嚇呀?

Fanny就將琴晚撞到龍一講起至到比龍一發現左自己識佢……

米米:哦!咁咪仲好!而家比佢知道左你識佢!唔駛成日鬼鬼祟祟咁啦!!

Fanny:比著你如果有個唔識既人無那那識嗌你個同你個friend個名,你會點呀?

米米(好似平時咁答):我會覺得呢個人好奇怪囉!我又唔識呢個人!

Fanny(好激動):咁咪係囉!比我都驚啦!最慘既係,我頭先見到佢個陣好似撞鬼咁既樣呢!瘀爆啦!

而涼平同龍一個邊….

涼平(見到龍一傻下傻下咁):龍一!龍一!!(超大聲)喂!!!!!!你聾左呀???

龍一(嚇親):我而家就真係聾左啦!你駛唔駛咁大聲呀??

涼平(好無奈):你聽唔聽到我講咩呀??我話我琴晚去左隔離屋食飯呀!!隔離屋個女仔叫米米呀!

龍一(好似醒晒咁):米米呀?個名咁攪野既?佢屋企驚佢養唔大咩?

涼平(好擔心龍一):你今日做咩呀?成日好似撞鬼咁既?你唔舒服呀??

龍一(好正經咁):涼平,你老老實實咁話比我聽,我個樣係咪好恐怖??

涼平:你個樣就唔恐怖!不過你今日整體都好唔掂!你做咩無那那問d咁既野呀??

龍一:我今日係輕鐵聽到有個女仔嗌你個名喎!咁我咪行過去睇下囉!點知果個女仔識嗌我個名喎!

涼平(好奇):你係咪善忘咋!可能你識人地不過一時間唔記得咋嘛???

龍一:唔係喎!個女仔直情見到我好似見到怪物咁!走都走唔切呀!!如果係識我既,駛咩咁驚我喎?

涼平(好衰):慌死你唔係又用埋晒個d”令人地頂唔順既深情眼神”黎望住人咩?所以呼嚇親人地囉!

龍一:我幾時有呀?琴日你咪聽到話有人嗌我既?唔通係果個女仔????