上集講到:龍一知道左有個不知名既女仔識自己同埋涼平覺得好怪!而Fanny怕龍一會驚左自己….

 sweet chritmas

<< 第六集 >>
好快又到左lunch啦…….

米米(見到Fanny冇晒心機):Fanny你唔好咁啦!你又唔係龍一!你點知佢點諗喎!可能佢開始會注意到你既存在呢?咁你咪唔駛扮唔識佢囉!!

Fanny(成個謝晒):你都識講我唔知龍一點諗啦!可能佢以後會驚左我,平時上到車見到我會行埋一邊扮見唔到我!又可能行街見到我會調頭走都唔定啦!總之呢舖就死啦!

米米(好無奈):你咪鬼成日諗到咁灰啦!!!你今日想去邊度食野我地就去邊度啦?好冇??

Fanny(唔會令米米失望,周圍望求其指左間食店):就個間啦!!好唔好呀?

米米(安慰左少少):好!梗係好啦!你睇下你成個人謝晒啦!陣間要食多d野先得架!知冇???

佢地兩個行到入間食店坐低左,正想叫野食之際…..

龍一(見到今日叫自己果個女仔,想問清楚):唔好意思呀!你認唔認得我呀???

Fanny(見到係龍一,呆左…..):我…….認得你掛….!搵我咩事呀??

涼平(行到過黎,見到原來係米米):米米!原來係你呀!唔怪之得你識我啦!龍一誤會黎架!!

龍一(指住Fanny):但係識我果個係呢個女仔喎!!!我都未見過佢既!!係呢!點解你識我既?

米米(見到Fanny好尷尬):佢點解識你呀….因為佢係我個friend!咁我識你個friend咪識你囉!跟住我又同左我個friend講過下咁囉!!就係咁簡單!!大家都肚餓架啦!不如叫野食囉?

龍一(好模糊):咩你個friend我個friend呀??點解你識我個friend又會識我既?涼平你講過比佢聽咩?

Fanny(想扯開話題):係呢!你叫涼平係咪呀?聽講你搬左去米米隔離屋喎!!好唔好住呀??

涼平(開始唔記得左龍一):都幾好呀!!仲識到個新鄰居添!係喎!講左咁耐都未知你叫咩名添!

Fanny(仲好驚):我…我叫Fanny呀!!你讀邊間學校架?點解我地好似成日都見到你地咁既??

龍一(好無奈):你地有冇理下我呀???我好鬼肚餓呀!捨得嗌野食未呀??

涼平(好唔好意思):真係失禮晒啦!佢個腦成日得個”食”字架咋!嗌野食啦!!

Fanny(望住龍一):龍一呀!!你唔介意我咁樣叫你呀嘛??

龍一(唔記得左個件事):我唔介意呀!你係咪叫Fanny呀?你外國出世架?點解用英文名既?

Fanny(好無奈):我係香港出世架!我用英文名係因為唔想下下叫中文名咁煩呀嘛!!

龍一(好奇):咁你個中文名係咩呀??好難聽架??

米米(忍唔住笑):哈哈!龍一呀!你都幾幽默喎!!你地讀邊間架??

涼平(指住米米讀個間隔離):我地讀隔離個間男校囉!!你地呢??

Fanny(細細聲):唔係呀?係唔係咁岩呀??以後咪成日都撞口撞面??

龍一(聽唔到): Fanny!!你講咩話?我聽得唔係好清楚呀?

Fanny(嚇左嚇):冇野呀!你唔係理我架啦!你又話好肚餓既?快d食野啦!唔駛客氣喎!

佢地呢個lunch好似過得特別漫長咁!!好辛苦終於食完…..

米米(想快d走):我地幾夠鐘架啦!我諗我地要走先啦!有機會見啦!!掰掰!

涼平(見到佢地兩個走左):又會走得咁快既?龍一!(唔見到龍一)龍一呢???

龍一(見到個結他):好靚呀!!!肯定好貴啦!!如果我有錢實會買架!!結他!你等我呀!

涼平(比龍一激死):如果你食少d野,唔好下下有錢用到盡,而家都有得買啦!唔好望啦!走啦!

龍一(好唔捨得):比我望多陣先啦!!咁我係咁大食都冇計架!!怪就怪我個肚啦!!

涼平(扯龍一走):走啦!愈望得耐咪愈唔捨得!再唔行就遲到架啦!!行啦!!!

米米同Fanny番到學校…

米米(好驚咁):頭先差d嚇死呀!無那那又會撞佢地兩個既!!

Fanny:真係大鑊呀!而家搭車又見到食lunch又見到!再咁攪法!見佢地仲多過見我阿媽呀!

米米:咁咪益左你囉!係囉,點解你唔用中文名呀?你個中文名好難聽架?