上集講到:涼平,龍一,米米,Fanny四個終於認識到對方,而龍一仲攪到好多笑料出黎添…..

 sweet chritmas

<< 第七集 >>

時間過得好快,佢地好快就熟落左,好多時候都會約埋一齊食lunch! Fanny對龍一既好感一日比一日加深.唔駛講米米對涼平都有好感啦!佢地兩個女仔無論傾咩都會講起龍一同涼平,聖誕節又就黎到啦,一個正常既女仔都想有個人陪下架啦!而佢地兩個既理想對象都離唔開佢地兩個...

米米(好開心咁):就黎聖誕節啦喎!諗住點樣慶祝先??睇你個勢都係龍一架啦!!

Fanny(怕晒羞咁):咩呀?你夠實會搵涼平陪你啦!!有口話人冇口話自己呀!!衰妹!

米米:橫掂陣間lunch約左佢地兩個,不如順便問埋佢地聖誕有咩攪作囉???

Fanny:好主意喎!!好想快d到lunch啦!!!(聽到打鐘)上堂先啦!!

佢地兩個期待以久既lunch終於到啦!佢地兩個好趕咁行去約左龍一同涼平既地方等佢地…..

米米(好期待):陣間佢地黎到之後,我地唔好咁快問住,等坐低晒嗌埋野食之後先至講!!

Fanny:好呀!好呀!仲要扮到好唔在意咁樣,如果唔係比佢地知我地仲緊張過佢地就唔得掂啦!

點知過左一陣,終於見到涼平同龍一黎到,佢地兩個都扮晒野唔在意咁….

涼平:你地等左好耐呀??我地去食咩好呀??

龍一(攬住個肚):不如就上次個間啦!好唔好呀??我而家又餓又凍呀!!

Fanny(諗緊陣間點講):好!!!我冇所謂既….咁行啦!!

米米(細細聲):咁我地陣間點講好呀??定係唔好講住番屋企諗家晒先好呢?

Fanny:不如我地留屋企諗好晒先講啦!如果唔係講得唔清楚呀!!!

涼平(見到兩個女仔愈行愈慢):喂!!!你地兩個做咩行得咁慢呀??行快d啦!!

米米(離好遠咁講):得啦!你地行先啦!唔駛理我地兩個架啦!!

龍一(愈行愈快):唔好等佢地兩個啦!我地行先佢地會跟住黎架啦!行快d啦!我好肚餓呀!

涼平同龍一好快就行到去食店坐低左仲幫米米同Fanny嗌埋野食添…

Fanny(行到入黎坐低左):嘩!你地都幾快喎!連野食都幫我地叫埋啦!

米米:你地又知我地想食咩?你唔驚嗌左d我地唔食既野呀?如果唔岩食係咪幫我地食埋先?

涼平(搭住龍一膊頭):幫你地食埋果個唔會係我既!我地仲有龍一哥呀嘛!放心啦!

龍一(好無奈):你咪講到我好似食物焚化爐咁先得架!!其實我都好細食架咋!

Fanny同米米(好齊咁講):你細食??我地有冇聽錯呀?(對望)哈哈!!!!

涼平:呢句唔係我講架!認住你對面果兩個啦!想報仇就搵佢地啦!我實會支持你架!

龍一(怒睥涼平):你唔咁講佢地點會有咁既反應喎?你先係罪魁禍首呀!!

米米(指住涼平):係啦!一睇佢個樣就知係罪魁禍首個d人啦!呢d咪叫<奸>囉!

Fanny(笑到講唔到野):米米,我支持你!哈哈!!!龍一你都係算把啦!!

龍一(比人話都冇聲出):我唔會同你地呢類人一般見識架!我原諒你地!

時間過得好快,呢個充滿笑聲既lunch就結束左啦!佢地各自番學校,而米米同Fanny就梗係講番聖誕節既事啦!佢地仲諗緊點樣同到涼平,龍一講!又未諗到有咩地方去喎!兩個諗左好耐….

Fanny(諗到好煩):諗左成堂都未諗到聖誕節去邊度好!煩死人啦!!!!

米米:係啦!年年都出尖沙咀睇燈飾!咁鬼悶!都冇咩特別!!!點算好呢??

好快又到左放學囉…..

米米(仲好煩):咁即係點呀??雖然話仲有兩個禮拜咋!但係我而地家諗都攪成咁囉!!

Fanny:不如今晚上網睇下有咩聖誕好去處啦!!我已經諗唔到其他提議啦!!

米米:咁好啦!番到屋企上網見啦!(突然電話響)喂?涼平呀??我地等埋你地?好啦!掰掰!(向Fanny)涼平話佢地而家補緊課叫我地等佢地一陣喎!話有d好重要既野同我地講呀!!!

Fanny(好疑惑):有d咩咁重要要番屋企先講得呀???而家仲鬼死咁凍添架!都唔知得到佢地幾時!