上集講到:米米同Fanny諗唔到聖誕約涼平同龍一去邊,諗住番屋企上網睇下之際,涼平打電話黎話有緊要事,叫佢地兩個等下喎…..

 sweet chritmas

<< 第八集 >>

等左好耐…….

Fanny(好炆):佢地補咩補咁耐呀?中英數隨補課附送補埋聖經呀?我就黎凍死啦!!

米米(和應):咪係囉!!都唔知邊個話女仔要著校裙番學架!話明冬季!唔係凍季呀!!!

Fanny(望望錶):我地由4.00等到5.00啦!!我地等左成個鐘啦!仲要你條街度呀!!佢地講咩呀?

米米:不如打多次電話比佢地啦!!(打電話,好快收左線)電話又未能接通!出部電話用黎接通架嘛!連用電話真正意義都唔識!咁我諗陣間講d野都唔慌重要得去邊啦!講重要野!我講粗口就有!

Fanny(愈講愈嬲):何止講粗口呀!直情要起手打添啦!!我先唔會同佢地客氣呀!

米米(離遠見到好似龍一咁既物體):Fanny呀!果個係咪龍一黎架?

Fanny(望左望):係啦!!死仔包仲要慢慢行呀嘛??家陣叫佢行catwalk呀?做埋model呀笨!

米米(好奸):我諗佢地好少冬天出汗架啦!不如我地幫下佢地囉!!廢事佢地d脂肪消耗唔到呀!

Fanny:咁又係!都係米米你好心地!唔同佢地計較,咁我地而家就幫下佢啦!!

佢地兩個講完轉身就走,仲行得好快,而龍一同涼平見到唔係咁對路….

龍一(望左望):涼平呀!Fanny同米米係行緊過黎我地個邊呀?定係走緊呀??

涼平(捉住龍一跑):梗係走緊啦!肯定係等我地等得太耐嬲左我地啦!追啦!!!

龍一(愈跑愈快):唔係呀???(好大聲)Fanny,米米!你地唔好走啦!!!喂!!

涼平:嗌佢地都唔聽架啦!跑快d仲好啦!!!

Fanny(扮聽唔到):米米呀!你聽唔聽到好鬼嘈呀??佢地真係幾勁喎!跑住都有氣大叫既?

米米(有奸計):唔係啦!我就覺得佢地兩個脂肪太多啦!幫佢地再減下好嗎?

Fanny:我梗聽你話架啦!不如咁啦!為左唔駛我地辛苦,不如我地……哈哈(奸笑)

涼平(追追下唔見左佢地):點解唔見佢地既?我明明見到佢地行左入黎架!

龍一(上氣唔接下氣):佢..佢地會唔會搭車走左呀??不如打….打電話比佢地啦!!!

涼平(打電話比米米,聽到遠處有電話聲響起):點解電話響聲咁熟既??好似係邊度聽過!!

米米(行番出黎):你地竟然用打電話呢招黎搵我地???咁都比你地諗到!!

Fanny(怒睥涼平同龍一):點呀?有咩重要野講!重要到我地要等足你地成個鐘咁呢?

龍一(有點內疚):唔好意思囉!我地都唔想架嘛!鬼叫個阿sir咁煩咩?我地都唔想架!

涼平:對唔住呀!!!我地下次唔會咁架啦!下次叫個阿sir快d比我地走啦!

米米(好唔客氣):唔好講咁多野啦!究竟叫我地等你有咩事快d講!我地仲有好緊要野做呀!

Fanny(諗到要留屋企上網):咪就係囉!!快d講啦!!趕時間呀!

涼平(吸左啖氣):我地想問下你地聖誕節得唔得閒呀???

龍一:係呀!我地想叫你地上黎我屋企攪番個party玩下咁囉!!唔知你地點呢?

米米同Fanny聽完佢地講完之後呆左,本身仲諗住番屋企上網搵聖誕好去處添……..

龍一(見到佢地兩個冇晒反應):你地兩個冇事呀嘛?做咩郁都唔郁既???

涼平(好大聲):喂!!!!!你地做咩呀????????

米米(嚇親):咩做咩呀?我講左d咩呀?你地話咩呀???

龍一(見Fanny仲未有反應):Fanny!!!!!!!你冇野呀嘛!係咪唔舒服呀??

Fanny(唔知想講咩):係呀!!唔係呀!!!我唔知呀!!!

涼平:咁即係點呀?去唔去龍一屋企開party呀??

米米(望望Fanny):冇所謂呀!!!!你地鍾意啦!我同Fanny有d事想走先呀!!掰掰!

Fanny(清醒番):咁我地聽日見啦!係咁啦!!!!