上集講到:龍一同涼平竟然問Fanny,米米聖誕節去唔去龍一屋企開party!令到Fanny同米米好諤然!

 sweet chritmas

<< 第九集 >>

Fanny(好興奮):我都估唔到佢地兩個會問我地先架!攪到我地仲諗住番屋企上網添!!

米米:我地仲攪到佢地兩個追餐死架添!諗番起都有少少內疚添!!不過鬼叫佢地要我地等咁耐咩?

Fanny(睇睇隻錶):咁好啦!我地番到屋企就打電話比對方啦!!我走啦!掰掰!!

米米:好啦!我都係時候番屋企啦!掰掰!(突然捉住Fanny)唔係喎!!

Fanny(嚇親):你做咩呀?唔好嚇我呀!!我唔嚇得架!!

米米(好疑惑):涼平間房對正我間房架嘛!咁咪比佢知道我而家咁興奮心情囉?

Fanny:係喎!!你間閨房又冇窗簾布冇得遮住添!!不過唔係喎!你興奮咋嘛!佢又唔知你為咩!

米米:咁又係喎!自己無那那驚d咁既野都有!真係傻呀!咁好啦!掰掰!

佢地兩個講完就各自番屋企,米米番到屋企望到對面屋既涼平係度,立即扮晒冇野咁…..

米米(望望涼平,但涼平冇望到自己,心諗):我要冷靜d!好似平時咁樣!唔好咁興奮!!!

涼平(見到米米番左屋企):米米!你同Fanny諗成點呀?去唔去龍一屋企開party呀??

米米(扮晒野):冇所謂啦!係呢!你地諗住叫邊d人呀?

涼平:我地諗住我地4個架咋!因為我地d friend你地又唔識!你地d friend我地又唔熟!!

米米:咁又係!(心諗:得我地4個咪仲好!唔駛有咁多無謂人阻住晒!哈哈!!)

涼平(見到米米係度傻笑):米米!你做咩無那那自己係度傻笑呀?諗緊d咩呀??

米米(嚇左跳):冇笑呀!你又見到我笑咩??肯定係你睇錯啦!!

而Fanny係屋企又開始自己係度幻想啦……

Fanny(幻想中…):聖誕節個日….Fanny同米米預先問左龍一令鎖匙上左龍一屋企整野食!

米米(好忙咁):咁我將呢野切晒粒先啦!你就做洗乾淨d野啦!好冇?

Fanny:冇問題啦!咁我地而家開始各自做野啦!係係佢地兩個番黎之前整好呀!

過左一陣,Fanny同米米整好晒d野食…..

米米(好開心):好野!終於整好晒啦!(食左啖)好好味呀!

Fanny(食左啖):梗係啦!話晒都係我地辛辛苦苦整出黎架喎!就算唔好食都要話好食呀!(突然聽到門鐘聲)梗係佢地番黎啦!我地開d去開門啦!

米米(見到涼平):你地快d睇下我地整左d咩比你地!!

涼平(見到d野食,食左啖):好好味喎!咁少時間都可以整到d咁好味既野!突然間覺得自己好幸福添!

龍一(望住Fanny):Fanny呀!我有d野放左係個心度好耐架啦!而家想將佢講左出黎…..

Fanny(好怕羞):有咩咪講囉!鬱係個心度唔好架!!(突然間聽到有人嗌自己)

Fanny媽咪(嗌左好耐):Fanny!起身聽電話呀!喂!!!你捨得起身未呀???

Fanny(矇矇矓矓):做咩呀?我發緊個好夢架!邊個咁唔岩時候打電話黎呀???(邊行去聽電話邊埋怨)真係麻鬼煩,都仲未聽到龍一講最重要個句!比我知邊個阻住晒佢就知死!(聽電話,好惡)喂!邊個呀?

龍一(係電話令一邊):Fanny?我係龍一呀!邊個激親你呀?做咩咁惡既??

Fanny(聽到係龍一,即刻變晒聲):龍一呀?冇野呀!我岩岩訓緊覺咋嘛!搵我咩事呀??

龍一(唔好意思咁):係咪我嘈醒左你呀?唔好意思呀!我諗住問下你聖火個日黎我屋企有咩玩咋嘛!

Fanny(清醒晒):玩咩呀?不過我想問下聖誕節個日你爸爸媽媽呢?怕唔怕阻住佢地呀?

龍一:我爸爸佢地聖誕節前幾日就去左旅行架啦!佢地要去成個月!唔駛阻住晒!哈哈!

Fanny:咁不如我地玩….

而係米米個邊,同涼平傾party既野講得好開心….

涼平(笑到收唔到聲):等龍一訓著左之後我地就劃到佢變花面貓!當時一定好好笑呀!!

米米:係呀!而家諗起都笑到傻左啦!我怕到時自己都唔知笑到咩樣呀!!哈哈!

涼平(好期待):我真係好想快d到個日呀!而家就12月5號!仲有20日就係啦!