上集講到:佢地4個都係度傾緊聖誕party既細節!佢地4個都會得好開心…..

 sweet chritmas

<< 第十集 >>

好快到左第二日,Fanny好似平時咁搭輕鐵番學…..

龍一(上左車見到Fanny個樣好殘):Fanny你琴晚訓得唔好咩?做咩今日咁殘既?

Fanny(好似傻左咁笑):可能琴晚掛住諗party既野太開心啦!攪到成晚都訓下醒下咁囉!

龍一(笑左笑):我都係呀!琴晚成腦都開緊party咁!我聽我阿媽講,佢話我訓訓下突然間係度笑!咁夜聽到我d笑聲!差d嚇死佢喎!

Fanny(狂笑):咁攪笑?咁你名媽今朝早有冇打呀?因為你嚇親佢呀!哈哈!

番到學校….

涼平(笑到眼水都流埋出黎):如果我係你阿媽!我實以為你撞鬼添呀!!哈哈!!!

龍一(好無奈咁):咁我都唔想架嘛!鬼叫自己開心得滯咩??好難得係自己屋企開party架嘛!

涼平(好衰咁):我都知你好開心!最大原因係有Fanny陪陪呀嘛!哈哈!

龍一(面都紅埋):咩…咩陪陪呀?你敢話自己唔鍾意米米?扮晒野咁!!!

涼平(扮晒冇事):我又冇話係鍾意!我話陪陪咋喎!你比自己出賣左啦!呵呵!

龍一(口都震埋):我…我都唔知….你係度講咩!唔同你講呀!我專心上堂!

涼平(唔比龍一扯開話題):你專咩心上堂呀?你知唔知而定講緊咩呀?專心!

龍一(好激動咁):你阻住我點專心到喎!你唔好再嘈住我啦!我唔識你就死比我睇呀!

而米米同Fanny個邊…..

Fanny(好衰咁):人地同涼平哥倒埋數添啦!睇下仲有幾耐一齊墮入愛河囉!!!呵呵!

米米(好怕羞):咩幾時墮入愛河呀?咁都比你諗到!果然係勁喎!!!

Fanny(搭晒膊頭):你唔好扮晒野啦!而家人少少咪認左佢囉!!!

米米(推左Fanny隻手):唔好係度同我扮晒熟咁呀!!有口話我冇口話自己!你個龍一呢?

Fanny(扮唔知咩事):係呢!我地今日lunch去邊度食好呀?唔知點解我今日特別肚餓!

好快又到左lunch啦今日佢地4個好似平時咁約埋一齊食……..

龍一(邊食邊講):咁你地想食d咩呀?等我同涼平買呀!!!你地係我屋企等我呀!

涼平(好識做咁):不如咁啦!我同米米負責買野食! 龍一同Fanny就屋企幫手執下屋啦!

龍一(怒睥涼平):唔好講到我間屋好似好亂咁先得架!!!我屋企都不知幾整齊呀!

涼平(串龍一):你間屋咪就係”不知”幾咁整齊囉!上去執執去啦!!

Fanny(想平息呢場風波):你地兩個唔好再係咁啦!我同龍一上去執屋啦!你地買野食啦!!

米米(幫Fanny):係啦!一於咁話啦!個日就分頭行事啦!!不如而家講下買咩食仲好啦!

好快又過左個lunch啦……..

涼平(扮聰明):我知你岩岩lunch怒睥我個陣唔係因為話你間屋亂既!!我幫緊你咋!

龍一(好無奈):我頂你唔順啦!你咁樣講呀!係人都知啦!!!比人激死啦!

涼平(安撫龍一):邊個話係人都知呀?最起碼你個Fanny唔知咪得囉!人地都出埋聲幫你執屋啦!

龍一(好激動):你咁樣講到佢有得話唔制咩?(奸笑)我諗有人想同米米獨處咋嘛?借我過橋!!

涼平(口都震埋):咩..咩呀?我幾時有搵你過橋呀?獨處??你唔好講到我好似變態咁啦!

而Fanny同米米個邊講party既野,講到好開心…….

米米(好開心):而家我地諗得咁開心啦!唔知真係到左個日會點呢???

Fanny(笑住咁):你知唔知岩岩涼平叫我同龍一去執屋個陣,我幾想大笑呀!又要忍住喎!

米米:我又係呀!涼平話我同佢一齊去買野個日真係開心死我啦!!唔知到時會點呢!呵呵!!

Fanny(妄想中):可能涼平同你去買野個陣會拖住你隻手呀!!到時開心死你囉!!!!

米米(陪埋Fanny癲):可能龍一同你執執下屋攬住左你唔放添呀!!!你要小心d啦!!

Fanny(笑到傻左):哈哈!你要放過d隻手!如果唔係涼平唔夠手長拖唔到呀!!!