上集講到:佢地4個都好期待聖誕節既party,而Fanny同米米鍾意涼平同龍一既心情有增無減….

 sweet chritmas

<< 第十一集 >>

時間過得超快,聽日就係佢地期待已久既聖誕party啦…..

米米(見到Fanny成日望住個錶):Fanny隻錶鑲金架??做乜鬼野成日望住隻錶呀?

Fanny(好興奮):咁我望住隻錶一分鐘一分鐘咁過去!我個心就會愈黎愈興奮架啦!!!!

米米(好唔明):咁d時間過得咁快又點呢?你唔怕自己老咩?老左好醜樣架喎!冇人要你啦!

Fanny(打米米):我作死你咩!咒我冇人要!你唔記得聽日係咩日子啦??

米米(諗左諗,好激動咁):聽日係聖誕party呀!!!死啦!我仲未買野比涼平添!點算呀?

全班本來好專心上堂,但係眼神都轉向晒米米度….

Fanny(好無奈,向全班講):冇事發生呀!!!大家繼續上堂啦!(同番米米講)你冷靜d啦!

米米(雖然細聲左,但係都好大聲):你叫我點冷靜呀?聽日就係啦!我咩都未買呀!

Fanny(比之前仲無奈):你細聲d啦!好冇呀?我都未買呀!我地放學去買呀!咁而家冷靜得未呀??

米米(平伏番):咁我地放學咩都唔好理即刻去啦喎!!記住啦!

而龍一同涼平個邊仲激動….

涼平(行黎行去,冷靜唔到):死啦!死啦!聽日就係啦!我仲未諗到買咩比米米呀!!!

龍一(仲激動過涼平):咪係囉!我琴日諗左成晚啦!都唔知究竟Fanny鍾意d咩!!!

涼平(諗左陣):不如問下呢同學佢地會買咩比自己女朋友呀?

龍一(好認同):唯有咁啦!!(拍同學甲)你平時送咩比女朋友多呀?

同學甲(喊晒咁):我岩岩先同我女朋友散左呀!你而家係咪黎贈慶呀??

涼平(拉開龍一):唔好意思呀!我地唔知你岩岩……唔阻你啦!!(同龍一講)你又係既!問個散左既!

龍一(有少少內疚):我點知佢岩岩同佢女朋友散左喎!如果我知都唔會行過去問啦!

涼平(好煩惱):咁點呀?我地問邊個好呀??就黎放學架啦!

龍一(見到個岩岩傾完電話,個樣好甜咁,同涼平講):涼平,果邊有個岩岩傾完電話,個樣甜到暈喎!

涼平(個樣好惡,搭住同學乙膊頭):得唔得閒呀?有少少野想問下你!

同學乙(好驚咁):咩…..咩事呀?兩位大佬我冇錢架!唔好打我呀!就算打都唔好打面呀!

龍一(突然好好人):冇!其實我地想問下…….你平時會送咩比女朋友多架?

同學乙(放鬆晒):哦!原來想送野比女朋友,你地鬼馬啦!有女朋友都唔話我知!!

涼平(好趕時間):唔該你可唔可以正番正題先呢?我地都幾趕架!!!

同學乙(分析晒):其實送咩比自己女朋友在於個女仔本身鍾意d乜架!咁你女朋友鍾意d乜呀?

龍一(火滾):我地知佢地鍾意d咩駛唔駛問你呀?問你送咩比你女朋友多呀!講啦!

涼平(安撫龍一):你又衰既!學咩人分析呀!講就講啦嘛!激到我地龍一咁嬲!

同學乙(又驚番):對唔住呀!龍一哥!我平時通常送公仔比我女朋友囉!仲有咩可以幫到兩位呢?

涼平(好平和):冇呀!冇啦!你行埋一邊啦!下次唔好學人分析啦!走啦!

龍一(好炆):送公仔咁老土!何況Fanny個鼻敏感架!唔可以攬公仔架!!

涼平(好煩):咁點樣好呢?不如試下問過第二個啦!!

好快又到左放學,佢地4個都各自去周圍商場搵聖誕禮物….

龍一(行行下突然間停左係度):好靚呀!!!我諗Fanny實會好鍾意架!!涼平你話呢?

涼平(望左望):靚又真係幾靚既!不過你諗清楚架啦?如果送呢樣可能好大影響架喎!!

龍一(好正經):我梗係諗清楚晒先做呢個決定架啦!!咁你又點呀?

而Fanny同米米個邊…..

米米(行左好耐):死啦!我地睇左咁多間都揀唔岩!點算好呀?聽日就係啦!你又唔早d提我喎!

Fanny(好無奈):係你自己話同涼平一齊倒數既!我以為你知咪唔提你囉!!