上集講到:聖誕party聽日就係,而佢地4個都為對方既聖誕禮物頭痛…..

 sweet chritmas

 << 第十二集 >>

今日就係佢地4個望到頸都長埋既聖誕party啦,佢地就照原定計劃,涼平同米米就去買野食,而龍一同Fanny就做執屋……

涼平同米米個邊……

米米(揀揀下野食):唔知Fanny同龍一執屋執成點呢?乜龍一間屋真係好亂架咩?

涼平(邊睇野食邊講):唔係好亂咋!而係你想像唔到咁亂咋嘛!!龍一好污糟架!!

米米(有少少懷疑):睇龍一平時又唔似你講得咁污糟喎!!係咪你誤會左佢呀??

龍一同Fanny個邊…..

Fanny(好輕鬆):龍一呀!估唔到得你媽咪唔係度間屋都咁整齊喎!!我就唔得啦!!

龍一(心諗):梗係整齊啦!我琴晚執左成晚冇訓到喎!你話整唔整齊啦?

Fanny(見龍一冇答自己):龍一?你聽唔聽到我同你講野呀??

龍一(嚇左跳):我聽….聽到!其實平時係屋企冇野做又會執下,執下執下咪好似好整齊咁囉!!

Fanny:話咁快又執晒啦!我諗涼平同米米有排都未買完野食架啦!你屋企有冇咩玩呀??

過左一陣,涼平同米米買完晒d野食準備番龍一屋企…

涼平(好衰咁):我諗Fanny同龍一到而家仲執緊屋,Fanny實攰到暈咁滯呀!!

米米(仲好懷疑):我諗唔會掛!!可能佢地兩個而家係度玩緊呢!!話唔定仲好開心添!

門鐘響起…..

Fanny(玩得開心得滯,聽唔到門鐘聲):哈哈!!你輸左啦!!笑到眼水都流埋啦!好辛苦!!

龍一(笑到停唔到):明明唔會輸架!點解無那那會失手咁架?無奈之中既無奈呀!!!

而仲企係門口拎到成手野係涼平同米米就仲無奈,因為按左好耐門鐘都冇人應門…..

涼平(好唔耐煩):佢地唔係執得攰得滯訓左呀??咁耐都唔開門既???

米米(有少少擔心):佢地兩個會唔會有咩事呀?不如打電話番龍一屋企啦!

龍一(聽到電話響):聽電話先啦!!!喂,涼平呀?你地企左係門口好耐? (跑去門口)我即刻黎開門呀!

Fanny(跟埋去門口,一開門見到米米):米米?你地到左好耐啦?做咩唔按鐘呀?

涼平(邊入門口邊講):我地係出面按到個門鐘都爛埋都冇人黎開門比我地呀!!

米米(拉Fanny埋一邊):龍一間屋係咪真係好亂呀?因為我聽涼平講….

Fanny(打斷左米米):梗係唔亂啦!仲整齊過我同你間屋呀!我地執完屋仲可以有時間玩添呀!

龍一(行左過黎):Fanny,米米!整好晒d野食架啦!快d過黎食啦!!

涼平(等齊人黎):好啦!而家齊晒d人!我宣佈聖誕party正式開始!!!!(4個拍晒手掌咁)

佢地個個都邊食野邊有講有笑,氣氛好融洽,過左一陣,大家都食飽晒…

龍一(企左起身):好啦!而家到左最緊張既環節啦!就係送聖誕禮物時間啦!!!!!

米米(又拉Fanny埋邊):唔知涼平同龍一送咩比我地兩個呢?好緊張呀!!

Fanny(自己仲緊張):我地要冷靜d先!快d去左拎禮物左講啦!

涼平(又等齊人):好啦!大家拎定禮物未呀?咁就開始送啦喎!!!(拎左份禮物)龍一!聖誕快樂呀!

龍一(呆左..):點解唔聽見你話買野比我既?你幾時買比我架??我而家….唔….

涼平(攬住龍一):傻架咩?話得比你知就唔係驚喜啦!快d睇下鍾唔鍾意啦!!

龍一(一睇,大叫):好得意呀!!係個結他擺設呀!我好鍾意呀!!多謝涼平(錫左涼平啖)

涼平(大嗌):你又借d二想非禮我?我報警架!!!

Fanny(送左份禮物比米米):聖誕快快樂樂呀!睇下鍾唔鍾意呀!

米米(睇左之後,眼有淚光咁):係我想要好耐既銀包呀!而家冇出啦喎!你點樣搵到既?

Fanny(打米米個頭):傻妹!總之我搵到啦!!係買唔係偷架!放心用啦!!

米米(比左好大份禮物):Fanny!送比你既!!!快d睇下去啦!我揀左好耐架…..