上集講到:涼平送左結他擺設比龍一,而米米送左好大份禮物比Fanny,究竟係咩黎呢?

 sweet chritmas

<< 第十三集 >>

Fanny(一打開):米米!!隻戒指…..我記得上年我生日同你去釣魚個陣,隻戒指唔係跌左落海啦咩?我去番個過間舖頭,個老闆話d戒指得一隻咋喎!! 點解你會搵得番既?

米米(想喊):我幾經辛苦先求到個老闆幫我番廠整番隻一模一樣架!你記唔記得你個陣冇左隻戒指喊左幾耐呀?攪到自己喊到成日人乾咁呀!幾恐怖呀!你阿媽仲以為你做咩呀!!!

Fanny(喊左出黎):你個傻妹呀!件事都過左咁耐!唔好咁辛苦搵番隻戒指嘛!重用咁大既盒添!

米米(笑番):我覺得咁大個盒先襯得起隻戒指呀嘛!!我幾驚你估到係咩黎呀!!

龍一(都好感動):好啦!到我送野比涼平啦!!!涼平比隻手我呀!!!

涼平(好緊張):你擺d咩落我隻手度呀??做咩擺條毛我隻手度呀??條毛咁熟既….

龍一(好驚):你冷靜d先!!咁我知道你好鍾意而家屋企隻狗架嘛!咁呢條毛咪係佢架囉….

涼平(追住龍一黎打):你個死仔包虐待我隻狗?你同我企係度呀!!

龍一(邊跑邊大叫):等陣先呀!我仲有份禮物比你架!!唔好追住我先啦!

涼平(停左係度,好惡咁):有咩快d拎出黎啦!如果唔係死路一條!!

龍一(唔知係邊度拎左盒野出黎):你睇左係咩黎先打我啦!!不過要行埋一邊睇架喎!

涼平(行左埋一邊,一睇完笑到合唔埋個咀):你幾時整架?又整得幾似喎!!

龍一(好自豪咁):呢個模型個名叫”米米與涼平結婚之時”,得唔得先?開心唔開心呀??

涼平(咩嬲都唔記得晒):算你啦!下次唔好再咁虐待我隻狗啦!!聽唔聽到呀?

米米(好緊張):唔知龍一送左d咩比涼平呢?涼平個樣好似好開心咁喎!!

Fanny(好衰咁):駛乜理龍一送咩比涼平呀!緊張涼平送咩比你咪得囉!

米米(面都紅晒):話我?你唔想知龍一送咩比你?扮晒唔在乎咁!個心咪又係想知….

涼平(行番過黎):米米!!(拎左份禮物出黎)聖誕快樂呀!睇下鍾唔鍾意?

龍一(好八咁):係啦!米米快d睇下係咩黎既?我都好想知呀!!

涼平(專登阻住龍一):我而家又唔係送比你!駛乜你知喎!唔該行埋一邊呀!

Fanny(好期待咁):你地唔好嘈住先啦!你地咁嘈米米點睇呀?

米米(睇左之後,開心到唔知講咩):條頸鍊好靚呀!!!多謝你呀!涼平!!我好鍾意呀!

龍一(衰衰咁):米米快d睇清楚個鍊咀先啦!!最重要架!!涼平諗左好耐架啦!

米米(睇個鍊咀,塊面紅到蘋果咁):多….謝涼平呀!!!我….

Fanny(好八咁睇下,好大聲咁讀個鍊咀上面d字出黎):”Love米米 Forever 涼平”你地鬼馬啦!

涼平(唔想米米咁尷尬):Fanny不如你睇下龍一送咩比你做聖誕禮物仲好啦!!

龍一(拎左盒野出黎):Fanny送比你架!唔知你岩唔岩呢??

Fanny(一睇,呆左…):你知唔知送呢樣野比女仔好大鑊架?尤其是送比我喎!!

龍一(好正經咁):所以我諗得好清楚先買黎送比你架!我最驚既係你唔要….

Fanny(開始笑到停唔到):乜唔係驚我唔岩戴咩??呢d野冇得估架喎!

龍一(好開心):只要你肯戴就得架啦!!仲有我想講少少野比你聽….

涼平(搶住講):一場兄弟等我幫你啦!Fanny你睇下龍一手上個隻戒指係咪好似樣呢?

Fanny(望一望):係喎?點解既??

龍一(好開心咁):我送比你個隻同我手上個隻戒指係一對架!!(愈講愈細聲)即係成雙成對!

Fanny(雖然細聲,扮聽唔到)咩呀?龍一?我聽得唔係好清楚呀!!

米米(撞Fanny):人地連戒指都出埋啦喎!你威晒啦!仲威過我啦!!

Fanny(好奸咁):你睇下個鍊咀咪得囉?呵呵!!

涼平(好期待米米送咩比自己):米米呀……..我…..

龍一(撞下涼平):等佢地自己比我地啦!點會我地開聲架??等多陣添啦!