<<可以嗎?>><<第二回>>
作者:碗仔翅
◆◆上回提要◆◆
當紀香佢哋食緊飯嘅時候,突然有人走咗上嚟喎...
＊＊天台＊＊
<邊個?>申子即刻問.
<咦...申子你都喺到呀!>龍一好興奮咁喺到講.
<估唔到食lunch都要見到仇人,真卑哀...>志成對住涼平講.
<喂!講嘢小心啲好喎!>涼平都不甘示弱.
<食不言呀,食嘢啦...仲係咁,我發火𠺢!>紀香靈機一動諗到呢條妙計.
<好!好!好!我哋唔嘈!>志成好驚咁講.
<唔夠人講咋吓!男人婆!>涼平喺到奸笑
<私人恩怨晏啲至講!>志成好惡咁講.
<咩恩怨呀!我同你唔係好熟ga咋!>涼平發嬲啦!
<好丫!唔好後悔!我要串到你阿媽都唔認得!>志成喺到奸笑.
<你有冇聽我講嘢𠺢...=.=">紀香喺到埋怨.
<吓?你講過咩呀...>志成講講下,發現一個目露兇光嘅人望佢...原來係...紀香!
<嘻嘻...我哋落去啦...>申子好驚咁講.
<點解?飯都未食!>爲食嘅龍一大叫.
<我睇...你留喺到就連飯都食唔到...>申子細細聲講.
之後...
<喂!做咩呀?我玩下咋...駛咩走呀?>紀香笑住講.
<哎呀!你知唔知你發嬲好恐怖ga!>志成同申子好嬲咁講.
<吓?佢好恐怖ga?>慶太好好奇.
<唔講得唔得?>申子好驚紀香真係嬲...
<唓...>慶太當堂冇唒癮.
<呀!你哋知唔知佢哋叫咩名?(指住紀香同志成)>申子打完場咁講.
<係喎!你哋仲未講名喎!>慶太突然醒起.
<我叫松本紀香!請多多指教!>紀香好有禮貌咁講.
<嗯!多多指教!>三子都好有禮貌咁講.
<到你喇!>申子望住志成講.
<吓?唔好啦...佢哋會笑ga...>志成好唔願意...
<我哋唔會ga!>龍一講.
<...我叫...畑中...志...成...>佢望住地下講.
<哈...男人婆真係男人婆!>涼平忍唔住笑.
<妖!有咩好笑呀!>志成即刻望住佢講.
<咩呀!唔怕生壞命,至怕改壞名呀!改男人名,更似男人啦!>涼平好串咁講.
<係呀!我似男人呀!唔得咩?我愛女人都得!>志成講完就攬住紀香.
<志!成!你想死呀!?>紀香整甩佢隻手,一輪咀咁閙.
<...唔好意思...呀!我哋仲未食嘢ga!>志成轉話題.
<係喎!>眾人笑住講.
但係...志成同涼平...仲嘈緊...仲要一邊食...一邊嘈
##紀香嗰邊##
<...真係服咗佢哋...>紀香好無奈.
<一啲都冇錯!>慶太都好覺得.
<呀!係喎!我仲未知你叫咩名喎?>紀香突然醒起.
<吓?你唔知有w-inds.嘅咩?>慶太覺得好出奇.
<我知!呢個世界梗係有風啦!唔係好熱𠺢!>紀香傻傻地咁答.
<哈哈...w-inds.係組合名嚟𠺢!我係裡面嘅主音...橘慶太!你真係好搞笑呀!>慶太好開心咁講.
<咩喎=.="...唔得咩...>紀香好瘀呀!
之後佢哋有傾有講...亦有笑.
*****************************************
咁申子又點呢?
都係下回分解!
有咩意見就e-mail
or icq