《LoVe
Is MeSsAgE》
作者:
Kwaii Homi《LoVe
Is MeSsAgE》
作者:
Kwaii Homi
第十三回:
話咁快就到左放學既時間喇~~~係班房入面好多同學都係到議論紛紛….呢個時候既光稀/桃子/舞靜/麻衣子都未知發生咩事…而桃子仲同剛有傾有講咁行到去學校門口….
桃子:
森田呀~~你咁COOL都咁有女生緣既???又會有好多女生主動搵你架喎….
剛:
哈~~我都唔知點解喎…不過我一個都唔鍾意囉…(好有意思咁對住桃子講)
桃子:
(似乎知道剛想講咩)
啊…係咩…D女仔一定好傷心喇…哈哈
剛:
(見桃子想避)
冇咩傷心唔傷心既…係鍾意就鍾意架啦…
係呢個時候龍一係遠處見到桃子同剛傾得好開心…..
光稀:
唉…死喇…今次死緊喇…點算好…
舞靜:
嘩~~搞咩呀…佢地真係黎左喎…點走呀我地….
麻衣子:
啊!?
果個咁似涼平既,佢黎仲咩呀???
(不自覺咁露出一個好甜既笑)
咁岩呢個笑容比舞靜見到….而同一時間龍一好衝動咁走左埋去桃子到….
龍一:
桃桃~~呢個邊個黎架,你咩事同佢咁好傾呀???
(即時火都黎埋)
當時既剛係冇反應…只係用一個極冷漠既眼神望左龍一一眼….
剛:
桃子…唔阻你喇…你個朋友睇黎唔多友善…走先喇…拜
桃子:
你個臭龍一仲講喎…叫左你唔好黎啦…睇下幾多人丫…佢地想衝埋黎喇…
慶太:
稀稀…你快D過黎啦…我地要跑喇…
稀稀:
啊….知道….
龍一:
嘩….後面追緊黎喇….桃桃快D啦,你咁慢架…(講都未講完就拖住桃子跑左去)
涼平:
舞靜…你小心D呀….後面有好多人追緊黎呀….小心呀
(超級緊張聲音)
舞靜:
你唔洗理我呀…你地走先啦…我要等埋麻衣子呀….
涼平:
(一路跑一路諗…麻衣子個名咁熟既…邊個黎既呢)
佢地已經用跑既返到w-inds屋企…而舞靜同麻衣子….
麻衣子:
嘩~~岩岩發生咩事呀???
w-inds黎左我地學校既…太混亂喇…睇唔清楚咩事….
舞靜:
啊…一陣黎到我家,你咪知囉….係呢,麻衣子呀…岩岩我見到你見到涼平既時候...點解你
會…笑得咁開心咁甜既???
(心諗千祈唔好鍾意涼平….因為佢同麻衣子係好朋友)
麻衣子:
啊…咁都比你見到呀…其實係第一次見佢果陣…已經…已經鍾意左佢喇…不過絕對唔係因為佢係w-inds呀…(講起涼平都會由心到笑出黎)
係呢…舞靜你同涼平咁好感情既?
舞靜:
啊…啊…緊係啦…我係慶太個妹嘛…自然涼平同龍一都會當我好似妹咁鍚架啦…你咪
多心啦…我地fd黎架嘛….係咪?
(對唔住呀…我講大話…其實我好鍾意涼平啦…不過我
唔想冇左個好朋友)
麻衣子:
哈哈~~~我冇多心啦,只不過係想了解下咋嘛…同埋你要幫我保守秘密啊~~~
舞靜:
你放心啦…我一定會…
係w-inds屋企入面….
龍一:
桃桃…頭先同你好好傾果個係邊個黎架…(聲音超唔開心)
桃子:
啊…你話森田呀…佢係我地既同學囉…佢又係九州黎架…我以前都識佢架喇…
哈哈~~~我係第一次寫小說架,如果對小說有咩意見既話請email到
mosquito@eltex.com.hk啦~~~
要繼續收睇喎!!!
