《LoVe Is MeSsAgE》  作者: Kwaii Homi

第十五回:

正當舞靜想開門既時候….涼平比佢快一步開…..

涼平:               啊….舞靜你返黎喇…點解咁耐架???

舞靜:               啊…我去左麻衣子屋企坐左一陣嘛…(因為諗起涼平原來係鍾意自己突然面紅)

涼平:               你咩事塊面咁紅呀??? 冇事丫嘛??? 你快d入黎坐低飲杯水先啦…(已經拖住左舞靜入屋喇)

舞靜:               我冇事呀…涼平….唔洗咁緊張呀….(超級怕羞因為涼平仲拖住舞靜隻手)

龍一:               嘩嘩嘩~~~你兩個發生咩事呀? 仲咩涼平去開門咋嘛…就拖住舞靜入黎喇???

桃子:               你咪多事啦…人地點又關你咩事姐….八掛佬~~~

涼平:               舞靜…快d飲左杯水先啦… (無敵緊張)

舞靜:               啊……

慶太:               返黎喇亞妹…..(好惡咁望住涼平)

光稀:               你咁惡死既眼神望住涼平仲咩姐….

慶太:               佢自己知丫…..

涼平:               啊!? 知咩呀??? 咩事呀???

慶太:               你唔好話我知你同麻衣子冇野呀…..

涼平:               下…有咩呀??? 咪鄰居囉…我見過佢一次咋喎….(好委屈既聲音)

舞靜:               哥呀….都唔關涼平事既….唔好咁啦….

慶太:               千葉涼平…你夠膽話我知你冇鍾意麻衣子… (其實係想迫涼平講出真話)

涼平:               喂…你講咩呀??? 我又點會鍾意佢呀…我淨係鍾意舞靜一個咋喎…(勁忿怒)

慶太:               哈哈哈~~~咁咪好囉….講出真話喇,唔洗大家都係到估估下咁….

光稀:               啊….你咁奸既…咁套涼平講野既…哈哈

龍一/桃子:      係喎…又係比你套到架喎….勁呀

涼平:               啊…咁…咁樣…即係….舞靜….你係咪….可以做我女朋友呀??? (好怕羞咁講)

慶太:               嘩~~你咁細聲,你講咩呀?? 都聽唔到既….哈哈

舞靜:               亞哥呀…你唔好玩涼平啦…(好緊張咁幫住涼平)

龍一:               嘩…咁快就幫住左喇……

涼平:               舞靜呀…咁即係點呀???? (好驚舞靜唔接受)

舞靜:               咁你以後都唔准叫我亞妹囉…. (突然好有勇氣咁講出)

涼平:               咁…咁…即係得囉….yeah~~~ (開心到又攬住左舞靜)

慶太:               喂喂喂~~~你唔好對我亞妹做d乜呀…如果唔係我唔肯過你呀 (扮晒好惡咁講)

涼平:               我又點會呢….我鍚佢都黎唔切啦! (好溫柔咁對住舞靜講)

舞靜:               (又緊張到再次出唔到聲…只係望住涼平)

龍一:               咁咪好囉….大團圓結局喇~~~哈哈哈

光稀:               啊??? 乜真係大團圓結局咩??? 好似唔係喎….有人同桃子唔知點呢???

慶太:               嘩~~~稀稀….你幾時變得個轉數快左架…(用欣賞既眼光望住光稀)

光稀:               哎呀…咩喎…咁…咁…對得你多左嘛…自然就快左架啦…(又摸頭髮)

慶太:               你真可愛既姐…到宜家都仲會有小動作既…哈哈…係喎…好似真係未大團圓架喎…桃子係咪呀??? (用高8度音問)

桃子:               仲咩呀…你地大團圓又會燒到去我果到既…

涼平:               啊…你死喇…龍一…你冇希望喇~~~~哈哈

舞靜:               哎呀…你地唔好咁玩桃子同龍一啦….

龍一:               係呀…呢d野我自己會同桃子解決架喇…(突然勁情深咁望住桃子)

桃子:               咩呀….咩解決呀…你講咩喎…(避開龍一既視線)

係呢個時候,桃子既手提突然響起…..

桃子:                      喂喂~~~~啊…聽日得唔得閒呀??? 啊…好啦…咁聽日見到面再講啦…

桃子聽完個電話之後,成個人都靜左…連面色都變埋…究竟係邊個搵桃子呢? 而桃子又聽左

d咩會咁既樣呢??? 咁就留意第十六回啦~~~~~

哈哈~~~我係第一次寫小說架,如果對小說有咩意見既話請email到 mosquito@eltex.com.hk啦~~~

要繼續收睇喎!!!