《LoVe Is MeSsAgE》  作者: Kwaii Homi  

第二十二回:

到左第二朝…慶太佢地一早要去拍CM所以比光稀同舞靜更早出門口…..

舞靜:            光稀…起身喇…光稀….

光稀:            啊…我有d唔舒服呀…個頭好痛呀…今日想係屋企抖下…你返學先啦…

舞靜:            下…你有冇事呀? 我打比亞哥丫….

光稀:            千祈唔好呀,阻住佢做野呀…頭痛好小野咋嘛…抖下就冇事架喇…放心啦

舞靜:            係咪架….不如我都請假睇住你丫…(有d擔心)

光稀:            緊係唔好啦…我又唔係細路仔…我自己都得架喎…你快d走喇,遲到架喇…..

舞靜:            哎呀…係喎,咁你抖下喇…我放學即刻返黎啦….有咩就打比我地呀….拜拜~~~

光稀:            得喇….拜拜喇….

就係咁舞靜去左返學喇…宜家只得返光稀一個人係w-inds屋企….光稀確定舞靜出左門口既時候,即刻以最快既速度起身梳洗完,再執晒自己既行李………當時既佢一路聽住w-inds既歌一路漫無目的咁行…一路行一路回想起同慶太一齊開心既日子,耳仔所聽到既野全部都只有慶太既歌聲,完全冇留意自己行緊果條係馬路……而當時係片場拍緊CM既慶太……

導演:           慶太…你冇事丫嘛…心不在然咁既…一係抖陣再黎過啦….

慶太:           啊…好呀…唔好意思呀….

涼平:           你冇事丫嘛??? 今日見你好似魂遊咁既???

龍一:           係囉係囉…咩事呀??? 尋日你唔係好開心既咩…..

慶太:           我都唔知咩事呀…我只係知道我一離開左屋企之後個人就一直都好唔知點咁喇….

就係呢個時候慶太個手提響起上黎….

醫院:           請問橘慶太先生係到嗎?

慶太:           啊…我係呀,邊位呀???

醫院:           我地xx醫院打黎架,你係認識一位叫三宅光稀既女仔呀?

慶太:           係呀係呀,咩事呀佢….快d講啦….咩事呀??? (已經失控)

醫院:           佢發生左交通意外,我地聯絡唔到佢既家人,淨係聯絡到你…..

慶太係醫院方面都未講完既時候已經衝左出去…而片場方面既每一個人都叫唔住慶太....包括涼平同龍一…呢個時候導演亦都叫涼平佢地追住慶太,因為大家都驚慶太唔知發生咩事….

慶太:           請問三宅光稀係邊間房呀???? (超級無敵緊張)

護士:           啊…佢係3樓既301號房…..

呢個時候涼平同龍一亦都黎到…佢地見到慶太都唔知應該點安慰佢….

慶太:           醫生…光稀發生咩事呀??? (一路問把聲一路震,因為當時所見到既光稀係插住好多喉…好辛苦)

醫生:           啊…佢被送黎果陣應該就係一路聽歌一路過馬路,所以完全聽唔到有車響聲…呢到呢D全部都係呢位

                    小姐既野,你睇下啦…..

慶太:           醫生…咁佢幾時會醒呀??? 有冇生命危險呀??? (已經想喊既聲)

醫生:           啊…佢過左危險期架喇…不過你要有定心理準備….

慶太:           你快d講啦….我叫你講呀…..(已經再次失控)

涼平/龍一:  你冷靜d先啦慶太….聽醫生講埋先啦….唔好意思呀,醫生你繼續丫…..

醫生:           病人醒返既時候可能會失憶…因為病人係被車撞到既時候傷得最嚴重既係腦部….佢今次能夠渡過危

                    險期又冇生命危險已經係不幸中既大幸喇…你地可以入去睇病人架喇….

涼平/龍一:  唔該你呀醫生…..

涼平/龍一:  慶太你…..冇事丫嘛…..

宜家既慶太好安靜….安靜得有d恐怖….只係默默咁坐係光稀床邊,呢個時候舞靜亦都趕到黎……

舞靜:           光稀點解會咁架…今朝佢同我講佢頭痛架咋….都係我唔好…冇好好睇住佢….(一路喊一路怪責自己)

涼平:           (見到舞靜好心痛,攬住佢一路安慰) 傻女…冇人想發生呢件事架…唔關你事架…唔好怪自己啦…今次係意外黎架…知唔知??? 同埋我諗光稀係想離開….(已經唔敢再講)

呢個時候慶太終於開口…..

慶太:           亞妹…呢幾日你地係學校有冇發生d咩事呀??? (出奇地冷靜)

舞靜:           (突然諗起果日發生既野,之後就一五一十咁講晒出黎) 對唔住呀亞哥….如果我早d講比你知就唔會有事發生啦…都係我唔好呀….嗚嗚~~~

慶太:           唔關你事…係我自己察覺唔到光稀呢幾日有唔妥…係我害左佢…係我….你仲咩要咁傻丫…你以為你走左去就係為我好咩…冇左你係到既我都唔知會點…我唔會比你失憶架…你快d醒返啦…光稀…(已經喊到出唔到聲)

龍一:           唔好咁啦慶太…你放心啦…光稀佢一定冇事架…佢醒返之後一定會記得我地架….

涼平:           係呀…你咁樣我地會好擔心你架…光稀都唔想見到你咁既樣….

舞靜:           對唔住,真係好對唔住呀….亞哥…..

慶太:           傻妹…都話唔關你事嘛…唔好怪自己啦…你地放心啦,我冇事架…我要等光稀起身架…你地幫我同事務所果邊請假丫…我咁樣都做唔到野!!!  仲有你地返去先啦…有我陪住光稀就夠喇….

龍一:           但係…..

涼平:           龍一,你放心啦,慶太佢話得就得架喇….我地比佢靜下比佢自己陪光稀啦…..

舞靜/龍一:  咁好啦…我地走先喇….你有咩就打比我地啦….

就係咁涼平佢地就走左….宜家只係得返慶太一個人留係醫院陪住光稀…..

究竟光稀幾時醒返呢??? 醒返又會唔會失憶呢….請留意第二十三回啦~~~~

哈哈~~~我係第一次寫小說架,如果對小說有咩意見既話請email到 mosquito@eltex.com.hk啦~~~

要繼續收睇喎!!!

◆BACK          ◆NEXT