《LoVe
Is MeSsAgE》
作者:
Kwaii Homi《LoVe
Is MeSsAgE》
作者:
Kwaii Homi
第二十九回:
係佢地3個女仔返屋企既途中,因為舞靜同桃子要去買野今晚煮飯比佢地食,所以就得光稀一個人返屋企先…..
返到屋企既光稀因為冇野做….所以就開電視睇喇…但係因為當時既佢係一路睇雜誌一路聽住個電視而冇望到個瑩光幕…而電視當時係重播聖誕節w-inds係代代木公園既event
show…
光稀:
啊!?
點解呢幾把聲咁熟既???
(於是就抬頭望一望個電視喇….)
慶太,涼平,龍一???
點解呀???
咩事
佢地會係電視出現既???
呢首歌….呢首歌咪係我個電話鈴聲囉….慶太….佢話要唱比一個人聽仲係
佢既心聲???
哎呀…我個頭好痛呀….慶太佢要唱比邊個聽呀???
點解我聽到佢話要唱比一個人聽
既時候,我個心會咁痛既….(一路望住電視一路不自覺咁喊左出黎)
當時桃子同舞靜亦都返到屋企喇….當佢地見到呢個情形……
桃子:
光稀???
發生咩事呀??
仲咩喊呀???
(好緊張咁攬住左光稀)
舞靜:
我諗光稀….佢已經睇到電視既w-inds喇…..(好擔心)
光稀:
慶太佢地究竟係邊個….咩事佢地會係電視出現既….佢仲….仲要唱首歌比一個人聽,而首歌仲係我
個電話鈴聲呀…..嗚嗚~~~點解會咁既….我個頭好痛呀…..
(好辛苦既聲音)
桃子:
你唔好再諗喇,你乖乖地而家去抖下先啦,你訓醒既時候慶太就會返到黎架喇,好冇???
舞靜:
係囉,你話唔想亞哥再擔心你既,你唔好迫自己啦….乖乖地去訓陣先啦…..
光稀:
啊….好啦….我要等慶太返黎….到時我就會知道發生咩事….慶太一返黎你地要話我知喎…..
就係咁…光稀返左入房訓覺喇,而舞靜同桃子亦都第一時間聯絡左慶太,涼平,龍一佢地喇….而當時既w-inds係幫本雜誌影緊相…當佢地一聽到呢個消息既時候,亦即時想放低手頭上既工作趕返去睇光稀…但可惜事務所唔批准….
而係房訓緊覺既光稀不停咁發埋同一個夢,係夢境裡面….光稀夢到同慶太既一切…佢地去過既所有地方,去影貼紙相,去行街,去睇w-inds出show,係屋企玩煮飯仔,之前自己係w-inds
café打工初初見到慶太既情形….就連最後係屋企離開之後發生交通意外既每一個細節亦都重覆咁係光稀個夢境出現….而當佢見到自己比架車撞到既時候……
光稀:
慶太~~~~救我呀……..(好大聲咁叫左出黎)
桃子:
(即時衝入房)
咩事呀???
光稀….你冇野丫嘛???
(好緊張)
舞靜:
光稀…你仲咩…滿面眼淚呀????
(好擔心光稀有事)
光稀:
桃子…舞靜…慶太呢???
我要見佢呀….你地帶我去見佢啦…我好想即刻就見到佢呀….(依然係喊住
黎講)
舞靜:
但係…亞哥….佢地做緊野喎….(唔想光稀再受刺激)
光稀:
嗚嗚~~~求下你地丫…比我見佢丫….我真係好想宜家即刻可以見到佢呀….(勁慘既聲音)
桃子:
你唔好咁啦….你再喊我地唔帶你去見佢架….仲唔快d去洗個面先…咁醜怪一陣慶太見到你都比你
嚇死啦….
光稀:
好…我即刻去….你地等埋我呀…..(講完就即刻去左洗面喇)
舞靜:
咁得唔得架,佢地影緊雜誌喎…..
桃子:
唔得都要得架喇….我唔想光稀佢再一次受傷害呀….你打電話比涼平問佢拎地址,然後叫佢係樓下等
我地啦…..
於是佢地就一齊去左雜誌社搵慶太佢地喇,而光稀係去既途中一句聲都冇出過….令桃子同舞靜非常之擔心…當去到雜誌社,光稀見到慶太果一剎……
慶太:
光稀???
光稀???
你冇野丫嘛….你唔好嚇我呀….你出句聲啦….光稀…..(急到想喊)
光稀:
(依然都係出唔到聲,只係望住慶太不停咁喊)
慶太:
(已經驚到喊左出黎)
你唔好唔出聲啦,我好驚呀…你係咪有邊到唔舒服呀…唔好迫自己諗起我地既
野啦…我唔想再一次冇左你呀….光稀…..(勁用力咁攬住光稀)
光稀:
慶太…對唔住…我唔會再咁傻….我唔會再離開你…我好想再一次聽到你為我而唱既Give
yoy my
heart呀…仲有我地要去影過d更靚既貼紙相….日日lunch都打個電話比我…要再次冒險黎學校接我
放學…..(一路比慶太攬住一路講)
慶太:
光稀….光稀你…..(好驚訝會講到佢地之前發生過既野)
光稀:
我記得返晒所有野喇….我終於記得同你既一切喇…..
呢個時候既涼平,龍一,舞靜,桃子亦都感動到一齊喊左出黎….當然呢一幕咁感動既場面雜誌社又點會錯過呢…..
慶太:
光稀….你乖乖咁係到等我地影埋呢輯相我地就一齊返屋企啦~~~
光稀:
啊…知道喇~~~(把聲勁開心)
舞靜:
太好喇~~~光稀好返晒喇….YEAH~~~
(由於開心得滯大聲左)
桃子:
喂…你唔好咁大聲啦,你睇佢地…望晒過黎喇…影響到佢地做野就唔好啦…(擔心龍一被鬧)
舞靜:
吠~~~你都係怕龍一被人鬧咋嘛,你個樣講晒出黎喇…..哈哈哈~~~
光稀:
你唔好話佢啦,一陣涼平比人鬧你都唔想啦…..仲笑人…..
桃子:
光稀就講得岩喇,你睇佢幾乖丫…靜靜咁坐係到等慶太影完相架….
光稀:
啊…邊係喎….咁…咁呀我驚…影響到佢地既進度….比人鬧就唔好啦….(因唔好意思而不停摸頭髮)
舞靜:
哈哈~~~你睇下光稀丫…佢都仲係會有小動作架…真係可愛既姐….
慶太:
(一影完相即刻過去搵光稀)
咩呀…你地兩隻野又話我稀稀d乜呀???
(極緊張光稀)
涼平:
喂…橘慶太…咩兩隻野呀….舞靜唔係一隻隻架喎….(緊張地還口)
龍一:
係呀….桃子都係呀,係一個個…唔係一隻隻囉…死慶太…(不甘示弱)
桃子:
夠啦….好小事咋嘛…唔好嘈喇….(都冇氣再話佢地既語氣)
正當佢地傾得興高采烈既時候….雜誌社其中一名影相人員行過黎…..
影相人員:
不如你地六個黎一張大合照丫,你地幾對人好溫馨呀…我岩岩都幫你地影左幾張相架喇...發現你地3
對都好襯呀….你地放心啦,我地唔係d咩既雜誌社我地唔會亂寫野架….
慶太:
啊???
係呀…都好呀,事務所又冇話唔比我地拍拖既…我都想公開我同光稀既關係,難得d歌迷又咁
支持我地喎….
桃子:
我有問題呀….咁….我同邊個一….一對呀???
龍一:
哈哈~~~仲洗問既,咪就係我咋嘛….比你恨到啦…..(唔知羞咁講,其實自己開心到死)
桃子:
哼…唔係冇人比我簡我都唔同你一對呀,臭龍一….
舞靜/涼平:
你地唔好嘈喇,快d影埋佢我地返屋企慶祝仲好啦……
光稀/慶太:
係呀係呀~~~唔好嘈啦你兩個…..
桃子:
比面佢地就唔同你嘈住…..
就係咁…佢地幾個就幫雜誌社影左一輯情侶相喇….影完之後佢地就一齊返左屋企慶祝光稀好返晒喇….但係結果係咪真係會大團圓結局呢???
請留意最終回啦~~~
哈哈~~~我係第一次寫小說架,如果對小說有咩意見既話請email到
mosquito@eltex.com.hk啦~~~
要繼續收睇喎!!!