《LoVe Is MeSsAgE》  作者: Kwaii Homi

第四回:

好快就已經到左星期日喇,而光稀果日仲好早起左身…..

桃子:      光稀~~~你可唔可以細聲d呀…我未訓醒呀….你咁早搞咩呀…..

光稀:      一陣就係喇…我要聽熟d啊….哈哈好緊張呢~~~

桃子:      唉….(心諗最衰係個死慶太….搞到我冇得訓) 咁你起左身就煮早餐啦~~~

光稀:      好啊好啊~~~~

正當光稀想去煮早餐既時候門鐘突然響起,當然光稀就會去開門啦,點知一開門…..

光稀:      啊….你地係….你地係….死喇死喇….你地係w-inds?????? (尖叫當中)

桃子:      咩事???? 光稀你仲咩大叫呀,冇事丫嘛???? (當時既桃子係仲未訓醒未梳洗既樣)

光稀:      w-inds啊…請問你地搵邊位呢??? (隻手開始唔知想點喇….)

慶太:      啊….當然係黎搵你地啦….(努力忍笑當中,但都係忍唔到….)

龍一:      係啊係啊~~我約左桃子黎睇我地個mini concert架嘛,你唔知咩???

涼平:      好喇好喇~~我地仲企係門口架,請問兩位小姐我地入得黎未呢???

桃子:      啊….唔好意思啊,入黎啦…(講完就即刻跑左去洗手間)

龍一:      嘩~~桃子仲咩跑咁快既???? (眼睛一路追住桃子)

舞靜:      你地唔好掛住講啦,你地搞到人唔知點喇!!! (人係指光稀)

慶太:      係啊…等我黎自我介紹先,我叫橘慶太呀…你叫慶太都得架! (露出一個燦爛既笑容)

涼平:      我叫千葉涼平啊…你可以叫我涼平嘛! (聲音溫柔到令人有起雞皮既感覺)

龍一:      我係緒方龍一係w-inds裡面最可愛既一個啦…哈哈哈,你叫我龍一啦!!!

舞靜:      我叫橘舞靜呀,係慶太個妹妹呢~~~好高興認識你呀^^

光稀:      啊…你地好…我叫…我叫…三宅光稀呀…(一路講隻手一路摸住d頭髮)

慶太:      你認得我嗎? 我地係café見過面呢….

光稀:       (努力回想當中…突然大叫) 啊…我記得你喇…你果日同涼平一齊黎既你仲帶住帽同太陽眼鏡,係咪呀???

涼平:      光稀你真係好記性喇,咁你都記得既^^

光稀:      哈哈哈~~你地果陣比我既感覺有d特別囉, 係喇你地點解會去café食早餐既?? 唔怕被發現咩???

桃子:      你地傾緊咩咁好傾呀??? (正好由洗手間出黎聽到佢地既對話)

龍一:      啊冇野呀,咪就係講緊佢兩隻野仲咩去café食早餐都唔搵埋我囉…光稀呀,我地去café食早餐係好正常架咋, 因為我地就係café既老闆囉! (一副好得戚既老闆樣)

龍一講完呢番說話之後,立刻換黎3對大眼睛望住佢!!!(慶太,涼平,桃子)

舞靜:      啊~~我明白喇…你地夾埋既…因為光稀果陣唔知你地係w-inds所以你地就唔出聲話佢知,直到宜家係咪呀???

慶太:      哈哈哈~~都係亞妹你醒,咁都比你知道既…光稀你唔好介意啊…我地都係玩下架咋…

光稀:      啊…我…我冇介意啊…不過有d出奇咋嘛…(心諗點解次次同慶太講野既時候都會有d不知所措既感覺既呢???)

舞靜:      好啦…為左表示你地既誠意…就要請光稀食早餐補數!!!

想知舞靜講完呢句野之後會發生咩事,就要留意第五回喇~~~~

哈哈~~~我係第一次寫小說架,如果對小說有咩意見既話請email到 mosquito@eltex.com.hk啦~~~