《LoVe Is MeSsAgE》  作者: Kwaii Homi

第九回:

慶太:      嘩~~好飽呀…又好味喎…哈哈!!

龍一:      哼…你就緊係飽啦,你唔食都飽啦…又有光稀陪住你喎…難為我地煮得咁辛苦呀…

慶太:      噢…唔好咁嬲先啦龍一,最多我同稀稀洗碗喇…好冇呀稀稀???

光稀:      咩姐…咩稀稀呀…係咪洗碗呀…入去啦…(唔知點解都一齊左架啦,仲係咁緊張既呢….)

涼平:      哈哈~~~睇見佢地就真係開心喇,終於都一齊左喇!

舞靜:      係啦係啦~~我都未見過亞哥咁開心既樣架,見到佢地咁我都好開心呀!!!

桃子:      係咩係咩??? 啊原來舞靜你都想好似佢地咁開心呀…聽唔聽到呀涼平…(哈哈好好玩喎)

龍一:      啊…哈哈識做啦涼平~~~ (又同桃子一唱一和喇)

舞靜:      (完全出唔到聲只係可以望住涼平)

涼平:      你地唔好玩舞靜啦~~~明知佢一驚就出唔到聲架嘛…(帶有小小怒氣咁講) 我地唔好理佢地喇, 我同你出去買甜品食丫好冇呀??? (已經轉返一把好溫柔既聲)

舞靜:      (在點頭中)

龍一:      啊好野好野…我要食芝麻糊…桃子你呢???

桃子:      唔…我要食楊枝甘露啦…我諗入面果兩個都係架喇…..

涼平:      邊有話買比你地食呀,我買比舞靜咋嘛….你地咁對佢…

舞靜:      算啦涼平…佢地玩下咋嘛…(難得可以面對涼平講野)

龍一:      係囉…平平唔會咁小氣既…嘻嘻~~

桃子:      好啦好啦…唔好講喇…再講佢地洗完碗你地都未出到去買呀~~唔該晒你呀涼平 (然後露出一個甜甜既笑容)

涼平:      哼~~好啦就比面桃子…今次唔同你計!!! 我地行喇舞靜~~~

龍一:      係囉係囉…路上小心啊~~~

在買甜品途中…..

涼平:      其實呢…我想問你好耐架喇…點解你每次一同我講野你就出唔到聲既呢??? 你係咪討厭我呀??? (露出一個好擔心既表情)

舞靜:      當然唔係啦….因為一緊張我就係咁架喇…但係唔知點解宜家又唔會緊張呢…唔….可能你比我有一個安全感啦…就好似大哥哥一樣囉! (死喇…講錯野…點算呀…明明自己唔係咁諗架)

涼平:      (聽到呢句野之後非常之失落) 啊…原來係咁…大哥哥…岩既…大哥哥要照顧妹妹架嘛…你係慶太個妹…理所當然你都會當我係亞哥啦…明白喇~~~

舞靜:      唔…唔係咁架…你誤會左喇….我…..唉 (點解會咁架….)

涼平:      得架喇…我明白呀…我都會好似慶太咁鍚你架…因為你係我“亞妹”丫嘛…(然後笑左一個比平時更溫柔既笑容) 好喇…我地行快d喇…如果唔係佢地會擔心我地架!!!

舞靜:      (見到呢個笑容非常之無奈個心好痛…但又唔知可以講咩…唯有….) 啊…..

當佢地返到屋企既時候,亦都冇人發現佢地有異樣…因為涼平佢同平時一樣…但真實情形就只有佢地兩個知道….

桃子:      光稀…我地都差唔多要走喇…聽日要返工架….

慶太:      啊…稀稀你要走喇…唔好咁快走啦…我地黎緊呢幾日都有通告啊…唔知幾時可以見到你喎...不如你地今晚係到訓一晚啦,亞妹就同你地一間房啦…而我地就三個一間房啦…好冇呀???

光稀:      啊…你唔好問我啦…你問…問桃子啦…(整乜鬼野又係到摸頭髮呀)

龍一:      係囉係囉…就留一晚啦…我見到光稀佢摸頭髮呀,咁即係代表佢緊張啦…咁即係佢都想啦…係爭你咋喎

桃子…點姐下??? (把聲超可愛仲露出左隻有爆牙仔既笑容)

光稀:      啊…你自己想桃子留係到咋嘛衰龍一…又關我事喎….哼 (毫不保留咁講左出黎,但其實係乜都唔知既)

慶太:      嘩…哈哈~~稀稀講得好呀…咪就係講中左龍一既野咋嘛…真聰明呀^^ (不斷大笑中)

涼平:      係囉…咪留一晚囉…大家都玩得咁開心 (笑得比平時更開心) 舞靜你都幫手叫下啦…

舞靜:      啊…(個樣好似岩岩發緊夢咁) 係囉…留低一晚囉…. (聲音冇晒精神)

桃子:     舞靜你冇野丫嘛…好似冇乜精神咁既??? 唔…好啦就留一晚啦…咁就麻煩大家喇 (微笑中,因為好開心聽到慶太話光稀講中左龍一既野)

龍一:      哈哈~~都話桃子係唔捨得我架啦….呵呵

桃子:      唔知羞…我係比面舞靜佢地咋….哼 (其實好開心,不過個樣好冷靜)

舞靜:      咁好啦…等我去執一執間房先…你地玩住先啦… (笑得好勉強)

慶太:      啊…亞妹咩事呀…咁既樣既???

舞靜:      啊…冇事呀…有d累咋嘛…我去執房先啦….

想知黎緊會有咩事發生….請留意第十回~~~

哈哈~~~我係第一次寫小說架,如果對小說有咩意見既話請email到 mosquito@eltex.com.hk啦~~~

要繼續收睇喎!!!