《Ｂaｂy ｍaｙbｅVI》
〔上回講到夢彩同慶太一齊住ｏ既消息，俾ａｙａｙａ一個唔該就公開左．．．夢彩佢所受ｏ既傷害，係唔係慶太就可以平伏佢呢？〕
----------------------------------------------------------------------------------------------------------------------------------------------
慶太「夢彩！唔好走呀！」
〔但係夢彩冇睬到慶太，佢一路係咁走，但係佢又點會跑得快過慶太呀，慶太佢一手就捉住左佢！〕
慶太「聽我講呀夢彩！」
夢彩「你唔使講，得，多謝你一直以泥ｏ既照顧，我會ｏ係聽日搬出去，我唔會再麻煩你！」＜唔好∼唔好同我講再見！＞
慶太一手攬住夢彩「你要搬我唔理你！但係我係唔會俾你離開我間房半步！你而家只係要信我所講ｏ既野，事務所發表ｏ既聲明我係唔知情架！我同ａｙａｙａ都冇拍拖，一切都係ｄ人搞出泥！我唔知係幾時開始ｏ既事，當見到你喊我會好擔心！聽到你要搬我就唔知點咁，所以我就兩日冇返屋企！對唔住！令你兩日都好寂寞！其實我……我鍾意左你！」
夢彩「下？」
慶太「我鍾意你，夢彩！咁你呢？」
夢彩ｄ眼淚又流出泥「我……我都係！」
路人甲「喂∼果個係唔係慶太呀？」
路人乙「係喎，個女仔係……」
〔慶太同夢彩冇理其他人，佢地ｏ係人來人往ｏ既街上面，ｋｉｓｓ左……雨水打落塊面度係凍ｏ既，但係佢地而家，係溫暖同甜
ｏ既……〕
夢彩＜我真係希望時光永遠停留ｏ係呢一刻，我已經唔理ｄ人點睇我，我只要有慶太就夠……＞
〔涼平同龍一而家ｏ係ａｙａｙａ屋企〕
亞彌「你地泥做乜呀？」
龍一「你講，係唔係你叫ｄ記者映夢彩相架？」
亞彌「我都唔知你講乜！」
涼平「你仲扮野？今日除左你同我地出外景之外，仲有人咩？你做乜要咁做呀？」
亞彌「係我呀∼咁又點唧！我要佢離開慶太呀，佢憑乜野同慶太住埋一齊呀？」
龍一「人地憑乜野都唔關你事！你咁做好過分！」
亞彌「有幾呀？我要等佢試下，鍾意ｏ既人俾人搶走ｏ既味道，因為我鍾意慶太，我要佢都試下！」
涼平一巴打左去亞彌度「呢一巴係幫夢彩打ｏ既∼」
龍一再打多巴「呢一巴係幫慶太打ｏ既！你知唔知咁做，慶太可能會身敗名裂架？你就算趕走左夢彩，慶太佢係唔鍾意你，佢就係鍾意你！」
亞彌「嘿嘿…我知佢係唔會鍾意我，但係我得唔到ｏ既野，我唔會俾其他人得到佢！」
涼平「你真係冇得救！」
亞彌「你地又好得我好多咩？我知你地係鍾意夢彩架，點解你地又唔去爭呀？」
龍一「因為我地知道，夢彩鍾意ｏ既唔係我地！」
涼平「無錯，與其逼佢同我一齊但係唔開心，點解唔俾佢開開心心咁過唧？」
龍一「不過同你講都冇用，你呢ｄ咁ｏ既人，又點會明呀？我地走啦，涼平！」
涼平「唔……龍一，我想問你，你係幾時……」
龍一「你係唔係想問我幾時鍾意左夢彩呀嘛，其實我都唔知，第一眼見到佢就覺得佢好特別，可能係第一個可以同慶太咁耐都可以
事ｏ既女仔掛……wakakakaka∼∼∼」
涼平「哈哈∼∼∼唉∼不過唔知慶太同夢彩佢地而家點……」
龍一「我地都冇乜野做到架啦，之後要睇慶太佢自己啦，但係我地一定要睇住ａｙａｙａ，佢唔係一ｄ易放棄ｏ既人！」
涼平「我都係咁話！」
〔慶太同夢彩而家ｏ係架的士上面……〕
夢彩「我地而家要去邊呀？」
慶太「我都唔知，去一個冇人搵到我地ｏ既地方！」
夢彩＜去邊度都好，只要有慶太同我一齊我就唔怕！＞跟住就訓左……
慶太「到左啦！」
夢彩「唔？嘩∼∼係海呀！！！」
〔夢彩即時除左鞋，落去玩水，佢仲潑ｄ水去慶太度，兩個人就ｏ係度玩水啦，夢彩唔小心跌親，仲拖埋慶太一齊跌，兩個人你眼望我眼……〕 ←【 雪：又係ｄ老套劇情……=.= 】
慶太「夢彩你知唔知呢個海有個傳說架？」
夢彩「乜野傳說呀？」
慶太ｏ係水入面捉住左夢彩隻手「只要一對真心相愛ｏ既人，就算跌落水，如果能夠捉得番對方隻手，佢地就係真心鍾意對方……
而家，捉住左啦……」
〔佢地又再一次的ｋｉｓｓ起泥，呢個比之前果個更長，之前果個係佢地找到對方ｏ既印記，而呢個就係佢地認清對方ｏ既記號……〕
慶太「你仲有乜野想做架？我同你一齊完成佢！」
夢彩「真係？我想……」
夢彩「變身完成！」
慶太「原來你係想去行街呀……」
夢彩「我只係想好似普通情侶咁樣，可以手拖手ｏ係街度行……」
慶太「怕左你啦∼唉∼」
夢彩「嘻嘻∼」＜我鍾意ｏ既係橘慶太，唔係乜野明星，我鍾意ｏ既慶太，只不過係一個普通人！＞
〔夢彩同慶太就好開心咁手拖手咁行街，但係俾夢彩無意中聽到一段娛樂報導……〕
娛樂報導「w-inds.的主音橘慶太繼續同傳說中的Ｕ小姐不知所蹤，所以仔缺席許多公開活動，包括二個記者會，三個錄播節目，一個直播………」
夢彩＜點會咁架………都係因為我………係我………＞
慶太「走啦！」〔慶太一手拉住夢彩走，唔俾佢再聽………〕
夢彩「係唔係真架？報導ｄ野呀？都係我唔好，對唔住呀！」
慶太攬住夢彩「唔關你事，只不過我想同你一齊，我唔理其他ｏ既野唧，同你一齊就已經係好幸福………」
夢彩「嗚………」＜討厭………你咁樣攬住我，搞到我更加難離開你，慶太你好狡猾………嗚………＞
待續＊