【夢】~~第六回~~
上回話COOIE佢地要搬屋去《W-INDS》隔離啵~~仲話日反會成日見到添~~《W-INDS》就不其然地有d開心…仲好積極幫人地搬屋添~因為植子呢~一早就搬o左去同COOIE佢地住架啦~〞諗住搬屋o既時候可以方便d〞所以《W-INDS》佢地去COOIE屋企就得啦~
•°∴°﹒☆°．﹒•°∴°﹒°．﹒•°∴°﹒﹒•°∴°﹒☆°．﹒•°∴
【龍一】係呢~植子你都要搬架~一係我幫你~涼平同慶太去幫COOIE同COLDY呀~好冇呀?!
【涼平.慶太】好喎~一於咁話啦~~~
〞睇佢咁樣問就梗係唔知植子已經搬o左去同COOIE佢地住啦…〞
【植子】唔洗啦…因為…〞植子都未講完o者…〞
【龍一】唔洗咁客氣喎~~~我一個人幫你都掂架啵~~~
【植子】唔係呀…〞又未講完…唉…〞
【慶太】你唔係覺得我同涼平唔夠做呀ma…你唔得咁睇少我地架啵…我同涼平好勁架~仲有呀~我地好少幫人搬屋架~你地應該高興至係架~~~
【涼平】=.=”慶太…乜你講到咁搞笑o既…
〞對住植子講〞係囉~唔洗同我地客氣架喎~
【COLDY】〞覺得植子好慘…冇人聽佢講…〞唉呀…你地聽下植子想講咩先啦…
【龍一】咦?!乜植子你有野講咩??!有咩想講呀?!
【植子】…其實呢…我係想講我已經搬o左去COOIE佢地度架啦…所以淨係去COOIE屋企就得架啦~
【慶太】係咩?!咁做咩唔一早同我地講o既?!仲搞到我地o係度嘈添~~
【COOIE】〞好冷淡唷…〞植子佢搬o左過黎~我睇都唔洗同你地講啦下話…同埋植子頭先都想講好耐架啦…係你地打斷哂咋ma~豬~〞嘩…COOIE講呢句野真係好唔俾面呀…唔怪得之佢人緣唔好不特只…仲得罪人多稱呼人少啦…〞
〞《W-INDS》佢地一聽到COOIE呢句…真係俾佢嚇親呀…估唔到COOIE佢毫不留情咁一句撻埋黎…《W-INDS》咁耐以黎都俾試過有人咁樣同佢地講野架…〞
【植子】〞見到咁o既樣…就打破呢個沈寂o既場面…〞呀~~係呀~~時候都唔早架啦~再唔快d~就會搞到好夜架啦~~~
【龍一】〞見冇人有返應…就幫下植子〞係囉~係囉~快d啦…陣間搬完屋~我地一齊去食宵夜呀~~~~〞佢咁講…都係想大家有返野講~唔好再咁靜…唔算係為食o既〞
〞雖然龍一都幫口講野…但係唔代表佢冇野啵…佢只係唔想個場面繼續係咁o者…講真…係人聽到COOIE咁講…都會hurt啦…係咪?!〞
〞o係呢個時候…COLDY就走o左去慶太同埋涼平度~〞
【COLDY】唔好意思呀…COOIE佢咁講野…但係佢其實唔係有心架…〞一睇就知COLDY而家係幫緊COOIE補飛啦…話哂都係師兄呀ma~〞
【涼平】但係佢咁樣會唔會過份o左少少呢…
【慶太】咁咪係囉…其實我地都係想關心你地咋ma…見你地三個女仔咁危險…仲有你兩個o係香港黎…冇乜朋友…咁諗住陪下你地…〞其實最真就係因為COLDY咋掛…但係慶太聽到o個句野…真係幾hurt架…〞
【龍一】〞佢又加把咀〞咁又係呀…我都覺得hurt架~~真係唔係好得架咁樣…
【COLDY】其實呢…佢係因為同你地唔熟先至會咁樣架o者…佢冇野架~你地就原諒佢啦好冇呀…〞狂補飛呀…〞當你地遲d同佢熟o左o既時候~你地就會明架啦~因為我以前細細個同佢唔熟o個時…佢都係咁對我架…不過而家熟o左咪好frd囉~~
【植子】〞過埋黎一齊研究〞但係呢…點解佢未試過咁樣對我o既?!
〞下?!未試過?!冇理由COLDY都試過~植子會未試過架~o係佢地研究緊o既時候…冇人理會到COOIE佢一個人o係前面行…佢覺得呢個夜晚好鈴靜~〞
【龍一】〞好好奇〞係?!植子你咁勁o既~~~竟然可以令到COOIE對你咁好o既?!
〞涼平一聽到龍一咁樣問…就好留心咁聽啦…因為佢想聽下點樣先可以同COOIE好好咁相處~~〞
【COLDY】唉…冇辦法啦…鬼叫植子你咁鬼文靜咩…COOIE唔鐘意人地夜晚o係度嘈架…因為佢鐘意好鐘意靜靜地咁睇風景架~~我以前又係遠嘈呀…搞到佢鬧o左我一餐囉…〞講起都覺得自己瘀呀…〞
【慶太】係咩?!但係我唔覺得你嘈啵…你同COOIE都差唔多o既~唔多講野~又唔多笑~~〞唔通佢想了解多d
COLDY?!〞
【COLDY】冇辦法啦…鬼叫我跟得COOIE多咩…搞到自己都係咁…不過我又唔似佢人地嘈就鬧o既~其實我地係咪好cool好難相處架?!好多人都係咁講呀…
【涼平】都唔係呀~你仲曉得笑呀~~同你做o左
frd之後呢~你就會對人好好o既~但係COOIE就唔同啦…都係咁o既…
〞佢地傾傾下…都唔知已經到o左COOIE佢地o既屋企添…〞
【COOIE】你地仲傾~~到啦~入黎先傾啦~〞冇乜野咁講〞
【COLDY】咦?!乜到架啦?!拿~~都話佢冇野架啦~~~佢對人就係咁架啦~~~嘰…嘰…
【COOIE】你地幾隻豬企哂o係出面做咩呀??!係咪唔入黎呀?!〞入o左屋~擰返轉頭望住佢地講〞
【COLDY】我唔係豬呀~~~〞扮哂嬲咁講〞
〞就係咁~《W-INDS》就幫COOIE佢地搬o左屋啦~~~而而家佢地就o係COOIE佢地o既屋企~〞
【植子】真係唔該哂你地呀…我睇你地地有d肚餓架啦呵?!一係我入去煮d野俾大家食呀~~~
【龍一】〞好開心〞唔該植子~~~你真係好架o者~~~知我地肚餓煮野俾我地食~~~
〞食完之後~佢地就坐哂o係度傾計~就係COOIE一個走o左去窗邊睇風景~~涼平見到…而慶太亦都見到啵…正當涼平想行過去COOIE度o既時候…慶太已經過o左去啦…〞
•°∴°﹒☆°．﹒•°∴°﹒°．﹒•°∴°﹒﹒•°∴°﹒☆°．﹒•°∴
唉…呢一話諗o左好耐呀…唔知作得好唔好呢?!係呢~我仲以為慶太係鐘意COLDY架添…但係佢而家又咁喎…唔知佢會同COOIE講d咩呢?!涼平又點呢?!想知o既就請留意下習啦~俾d意見仔我呀~