記得小學時期，自己擁有第一部單車，係一部藍色好細嘅 BMX .......
嗰陣成日都喺屋企樓下飛馳．可惜跟住嗰十年都無再踩單車lu .......
上面銀色呢架曾經係我嘅戰車，可惜喺０３年３月尾已經賣左lu .......
喺２００２年１０月，用左＄３５０二手買入呢架單車．
鋁架，１８波，Shimano V-brake，正式超咬地爬山軚．
其後，我添加左一對牛角，水架，車速計，車頭燈等配備．
半年間，我同佢一齊征服過西貢，船灣淡水湖，上水，元朗等地．
佢令我技術大進，雖然未至於去到玩花式單車嘅境界，
但係學到如何令架車去得更快更順，或者係令到自己死得更快，哈哈！
當然，成功多數要付出代價．
當時我正跟一個朋友於吐露港極速踩車；突然，佢架單車甩鍊，
尾隨嘅我唯有即刻剎車，無奈車速太快，所以我連人帶車凌空向前拋出四米外．
經歷過呢次意外，我領悟到正確嘅剎車，就係切忌剎得太急.......