給你的...

呢個唔係好甜好感人既update…今次既更新, 無太多花巧野, 希望你唔好嬲. 因為我覺得寫d 實際d 既野會比較好...

斬下眼, 我地一齊都就快三年喇, 你開心嗎?? 幸福嗎??, 定係已經好厭倦呢?? 好老實講,

我月黎月覺得自己襯你唔起...讀書方面, 好耐以前就有好大分別....一個gpa 3.幾, 一個2點幾

真係格格不入....當時我覺得兩個人一齊開心就ok 喇, 成續只係minor 野, 但係先果排睇到你張

CV, 真係俾左我好大打擊...點解可以相差咁遠?? 我配一起一個咁樣既人嗎?? 所以, 我每日都好

努力咁搵工, 希望將來可以超越你, 搵錢一定要多過你...咁無自信都係第一次….

如果將來我仲係咁唔好彩…一d 成就都無, 你仲會喜歡我嗎??

你有覺得我地一齊耐左, 變得好平淡嗎?? 其實我都覺得, 但係咁樣係好正常…一齊耐左, 大家了解多左

好多野都唔需要用言語表達, 就好似番到屋企見到屋企人一樣. 我知道你想好似岩岩一齊果時咁既感覺

, 其實我都係咁諗, 想要番果種新鮮感…岩岩一齊果時, 我唔係好識你, 你唔係好識我, 估估下咁樣, 但係都覺得好甜…

雖然而家我地2個一齊, 好低b, 好攪笑, 但係低b 可以低成世嗎?? 到到老都仲低B 嗎??

沒辦法… 一齊耐左, 一定會同以前唔同… 我可以做既就係盡力維持我地既關係, 所有野都聽你講, 做多d

你仲意既野, 做小d 你唔仲意既野. 其實同你一齊之後我成都個人都變哂喇… 外表唔多講 , 個人既性格都唔同左,

好似變左另一個人咁, 應該話無左自己既性格… 呢排我成日都係度諗, 點樣先可以好似以前咁, 如果我變番好似以前既我,

我諗可以帶俾大家多d 新鮮感同埋以前初初一齊果種感覺…

你 D 脾氣差左好多呢, 成日都因為好小事就黑面….要注意下阿, 咁樣會破壞我地既感情嫁… 係我唔岩我一定會認, 但係如果係

一d唔係好嚴重既野,由得佢好嗎?? 無謂既爭吵對大家都無好處… , 只會令大家更討厭對方…

我記得初初識你既時候你好溫柔, 好似我身邊既小女人, 我最仲意一個咁樣既你… 因為我想似番個大男人….

我發現次次我同朋友出街你都會好唔滿意同黑面… 係唔係因為我會溝女呢? 而家我唔會嫁喇, 上次果次之後, 我應承過你

唔會再仲意第2個嫁ma, 點解你唔信我呢, 我唔仲意咁樣呀, 次次出親街你都嬲我, 我出都出得唔安樂, 但係完全唔同朋友

玩係唔得嫁, 咁樣會令到個人心理唔平行嫁, 就好似我都無反對你同你d 朋友玩同兇街, 因為我都明, 朋友係必要嫁…

信我啦, 我真係唔會再做對你唔住既事..

我想知你點諗, 因為你好似以經無咁仲意我喇, 我覺得, 係唔係因為悶呀? 定係覺得我無用?

打左好大段字, 可能睇完你會唔開心, 但係呢d 都係我一路都好想同你講嫁, 今次update 就到呢度啦^^