CO CO 事件薄  

             2002年4月15日, 咪咪獨個兒去佢成日去開個間寵物店傾計,言

  談間,見到o的史納莎BB好得意,佢就多口問個老闆娘有無四個月大o既

  狗女,老闆娘話買o既就無咁大,但我o地有一隻係自己留o既,你要唔要吖!

  其實咪咪一直想買多一隻陪佢個仔,佢一見到我就好鍾意我,仲話我o的毛

  比佢仔仔厚o黍,但係佢話要番去問下豆豆先喎!!

               2002年4月17日,咪咪同豆豆有o黎啦,我見到咪咪指一指我,一個

  龐大o既身形坐o左係我前面,我望住佢,佢又望住我,我心諗你仲乜唔抱我

  喎!!我就向住佢撒嬌,哈哈,得o左!!豆豆忍唔住抱起我,我立即放軟哂全身

  任豆豆摸,呢個老爺就係咁揀o左我呢個新抱啦!!

                   我講樣o野你知吖,其實初時咪咪想唔要我比番寵物店o架,因為

  我細個個陣好曳o架,成日週圍尿尿,又發脾氣,又霸道,最重要o既係我成日

  蝦Mic Mic,攪到豆豆成日向咪咪投訴,咪咪為o左我又要摷書,又要上網睇

  下點樣可以令我乖o的,佢見我成日蝦Mic Mic 就唔錫Mic Mic咁多,有時

  仲專登讚我多o的o黍,我做錯事咪咪會叫豆豆唔好打我,但咪咪就捉住我

  同我講一o的做狗o既道理,我唔四圍尿尿,咪咪就比我同佢o地一齊訓,漸漸

  咪咪捉摸到我啦,我激嬲佢,佢就會係我面前係咁錫Mic Mic o架啦,最後我

  乖啦,因為我唔乖咪咪會錫哂Mic Mic o架!!