Mic Mic 事件薄

            2001年10月27日係我狗生中最幸福o既日子,因為我比咪咪睇中

  o左囉,我出世無耐就有皮膚病,一直都比寵物店隔離,驚我傳染比我o的

  兄妹,o個日我第一日落去寵物店,就見到咪咪同豆豆,開頭佢o地都唔係

  睇中我o架,但係我細個o個樣好蠢,o的咀毛白雪雪,豆豆見到我鬼死咁鍾

  意,問下咪咪,但咪咪話我有皮膚病,而且又第一次飬狗驚唔識飬會發生慘

  劇,但寵物店個姐姐話會幫我醫到斷尾,咪咪望下我,見到我傻下傻下咁,就

  係豆豆手中搶o左o黎抱,自此咪咪就日日都抱住我,呢個感覺真係好正

  o架.......番到屋企已經九點多啦,咪咪餵我食飯,食完飯咪咪係個籠度準備

  床舖,與我傾下計,就要我休息了.可能我由細都缺乏安全感,係半夜我好驚

  咁嗚嗚o左好耐,媽媽忍唔住抱我上張床度攪住我訓,我就係咪咪o既手臂安

  寧入睡.......  

             舅父同佢女朋友都係愛狗之人,佢知道咪咪飬o左我,拿拿聲帶埋佢

  女朋友o黎探我,我好開心呀,不過突然舅父仔個女朋友同我玩佢自創o既太

  空漫遊,即係抱起我係空中搖來搖去,我好驚呀,我o黎o左呢度幾日咋,依家

  我有畏高,都係因為佢咋!!不過我同咪咪都無嬲,因為佢對我o地好好o架.....