我的感覺
由而家開始，我決定記低每一個任何令我情緒有波動既每一件事。 當然未必樣樣野都會好特別，但至少我係在意過。
11/05/01 凌晨 3：55 心情有D灰
WOW。。。分左手幾個禮拜，到今日竟然為左一d小事而諗起佢。 其實分手之后，我心情一直都好平靜，至少一丁點傷心都冇，呢樣係我感到最慶幸既。 分手之前，基于當時仲身為女朋友，我臨走前去零X物語同超市買左幾袋裝滿哂餅餅同可以充飢既食物拎去佢公司比佢當儲糧。事關佢個胃好易唔舒服，怕佢肚餓冇野食會胃痛。 今時今日，佢晌公司搵到新目標，為左討好對方(又一不幸少女)，佢竟然將我買既數袋零食轉送公司各同事。 點解？ 好簡單，因為公司D同事知道我地之前既關係，又知D野係我買既。 咁果位女同事亦略有所聞，唔LIKE佢仲KEEP住我買既野。 可能我仲未“完全”放低佢，所以仲幾介意佢咁做。 我既觀點係：同同事分享唔係問題，但轉送就有D過份，好似我買落既野突然中哂毒咁。 講真，食左又唔會死，又唔會蝕底，駛唔駛咁呀？！ 當然我唔會出聲，亦都冇權同冇乜必要出聲，我只係覺得好唔尊重同埋糟蹋哂以前D心意囉。
由下一覺訓醒開始，我要的起心肝衝刺，事關由禮拜一起，我D考試就會砰砰聲咁黎挑戰我！ 我岩岩SET好左個時間表，只要我乖乖地遵守咁就PERFECT！ 男仔，加油呀！