嘩~好耐冇update過個homepage啦！
岩岩算係交哂d功課，雖則仲有兩份要交。
點呀你地，近來生活快樂嗎？
有冇d咩特別事發生呢？
我過左去果兩個禮拜真係好支力。
可能因為多野做，d時間過得特別快。
由于我忙既關系，我前一排少左好多上网。

尋晚我好早就訓咯，未夠一點就訓。
我之前仲諗住我會訓到好晏，起碼兩三點果d呢，但係我十點幾就醒左啦，仲要係好精靈果隻添！

講d乜好呢••••••

近排知道有個朋友就快生bb，驚覺自己好似真係好大個咁。
點講呢，可能第d朋友帶埋d仔女一齊出黎，分分鐘自己仲係一個人。
雖則我仲幾后生，但問題遲早要面對既，唔怪得之d女人一到廿幾三十歲仲未有拖拍就驚會做老姑婆啦。
之但係我又覺得，如果自己係獨立而又養到自己，生活又開心既，一個人生活又有乜問題呢？
係喎，香港而家買樓免首期喎，會所仲有什么什么香薰浴添，有冇過置業先？
不過個'施政報告'又好似搞到d人好唔高興咁，咁即係點呢？

唉，實d先再寫。