尋日母親節你地點同媽咪慶祝呢？
我就打左電話返去啦，雖則我平時都間唔中有keep住打，但今次d聲氣梗係好好多。
禮物我就冇買，但卡就有一張，不過••••••仲未寫。
好彩我阿媽冇乜几可上網，知道又話我冇良心架啦，哈哈

我同媽咪d關係，時好時壞咁啦，但返到HK就一定差。
年中大家唔見面，得閒吹下水，關係好到不得了。
但年尾一返去••••••有如仇人見面，吵不停。
呵呵呵 ^^
冇他既，佢話我時我又唔抵得比佢話，咪又吵大鑊囉。
我諗咁多年返去，最堅最僵都係上年，哈哈
不過唔話你知 =P
想知咩？自己問我囉，但我又未必話你知播，嘿

但另一方面，好唔開心呀。
得知嬤嬤入左醫院，好擔心。
我係果d屋企人永遠都第一果d人，所以几硬淨既我都忍唔到，喊左成晚。
嬤嬤對我黎講好重要。
佢湊大我，又幫我紮辮返學，又錫我••••••
不過我知道，嬤嬤一定冇事既！一定！
尋晚一點几入房訓唔著，睇左成本書都訓唔著。
一熄燈，一諗起，個心一痛，個鼻一酸，就喊唔停咯。
一喊，又天光。
畢竟，我都係一個女仔黎既，都有軟弱d既一面既，嘿

總之，人人都要開開心心、健健康康！

P.S.
我尋晚好想打比你架，但你果邊都四點几咯。
猶豫左好耐，始終都冇打。
畢竟，我又未之于有咩事都可以搵你果d，況且你又返早呢。
不過，我而家冇事咯 ^^