嘩~ 今日起身体會到一樣野：

（（（（（ Patti，你好勁呀！ ）））））

由于我尋晚夜訓，今朝起身返學時，對眼實在撐~唔開。
心諗：年紀大啦。
哈哈哈~
但相反，細我七個月既Patti竟然奔奔跳咁煮米粉比我食。
所以我訓醒之后一直不停同Patti講：「Patti，你好勁呀！」
佢簡直比我煩死，嘿

P.S.
電后感（即係電話后之感想，講到懶型咁）
你第一次扮鬼佬打黎，打個凸架，估唔到你真係買張optus嘛。
又估唔到你兩點几都會打黎，諗住你訓左架嘛。
好多估唔到，嘻
尋晚，點講呢，都几難忘架。
開心既係，你對我確實係坦白。
當然，一聽到既時候，個心實一實，好想喊，但又要忍住（怕比你聽到）。
咁其實呢個反應係正常既，況且你既理由同解釋好有道理既。
嗯••••••一陣之后，我都冇事咯。
但有一樣野我好想問，但又冇問既，我怕聽到d我唔想聽既答案。
你估你搬左之后，仲會唔會打比我傾咁耐同咁多野傾?
仲有呢，我唔介意你同佢一齊架喎。
當然初時會唔開心，但如果你中意既，我都會支持你既。
只要，當你一有呢個諗法同決定時，講聲我知，等我可以收拾心情嘛。
放心啦，我搞得掂架啦。
另外，好開心你講左咁多自己既野我知。
起碼，一切係我估唔到既，多謝你！
之但係我又覺得好對唔住同唔好意思，你訓得果兩粒鐘咋，陰公~
仲有，last呢樣，多謝你lunch time個電話，可以令到我開心一整日。
好啦，唔寫咯，希望你今晚有覺好訓啦 ^^

哈哈哈，一段好長既P.S.
噢，又下雨了。