係元朗泰豐街坐33號專線小巴，直到下白泥總站
落車後繼續沿車路向稔灣方向行，到堆填區之前有一道有閘既橋，就係青大下源，可以係橋前左轉入澗邊既路入澗
青大下源，係一條廣闊既沙河，唔涉水可以繼續行山路
前行一段，山路都可以接到呢個堤壩
堤壩以上又一段沙河，似乎沙積現象越黎越犀利
澗道寬闊，眼前就係全澗最大既靚靚水潭--臥龍潭
咁靚既水潭就梗係要游水啦，加上潭以上既水道，
大小水潭，實在係消暑好地方
臥龍潭上行冇耐就見澗道隻分，都係極大澗源，
右行係大冷溪，左邊先係青大主源
到牛頭坑良田坳山路既接位，阿源要先走，休息啦
呢度可以作為青大源既分線，因為開始有好多瀑出現
一層一層既瀑好靚，天氣好又唔使穿林
闊道開揚到可以一眼睇晒，大潭大石
瀑明石闊，開朗易行
重有唔少大潭，不過開始沙積嚴重
上陡既澗道，出現全澗最大既瀑布
瀑下水潭約深3米，係一個超靚既天然泳池
上攀此瀑左右都得，右邊有一峽位，不過有繩輔助，而左邊要攀崖，崖中有棧道，唔太難
上到瀑頂尚有三瀑三壁，志盛又係度玩水
上到最高一定要回望澗谷，真係好靚架
最後一幅斜壁流瀑，又係好靚好有特色，過此以後，澗道收窄而雙分為隻清溪，沿左源行去有山路接上山坳
沿山坳直上，又茖番良田坳返良景邨
回首頁
回主頁