Sign Guestbook      View Guestbook

1. 乜野係越野單車 (Mountain Bike/MTB)?

2. MTB車種既分類

3. 點樣揀一部合適自己身形既MTB?

4. 香港有邊幾條越野單車徑

5. 單車可唔可以入地鐵 , 巴士 , 火車 ? ( 31/12/2003 Update )

6. ** 單車谷 精華區 **

7. 全球單車公司網址

8. 全港單車友集中地 news://news.3home.net/3sport.cycling


 

Q : 乜野係Mountain-bike (中釋爬山單車/越野單車/山地車)?

A : Mountain-bike(簡稱MTB) 係一種比傳統單車有更多用途既單車車種。

      同一般單車(例如公路車)比較,MTB除左可以踩平路之外,

     仲可以響崎嶇不平既路段駕駛(例如山路等) 。所以響設計上MTB係比較結實同耐用。

     咁爬山單車呢樣野係由幾時開始有呢?

      根據可靠資料,MTB係響70年代中期由美國加洲一班車友開始興起。

      初期既MTB唔似而家咁,有前同後避震,而係乜震都無。頭尾避震都係呢10年唔夠既事黎咋。

 

Q : MTB車種既分類

A: 越野單車分為四大類,分別係 Cross Country(XC),Freeride(FR) ,Downhill(DH)

    同埋 Trial(技術攀爬單車)

    介紹車種前,首先要同大家講既,就係你其實可以用任何車種玩任何野,

    譬如用 Cross Country(XC)Downhill路,亦可以用 Downhill(DH) or Freeride(FR) 踩馬路,

    只要你喜歡就得!呢個世界無規定XC車唔玩得DH,不過我諗都無乜車友會唔明白呢個道理掛?

    好,閒話休提,而家就同各位車友講下幾種現時最多人玩既車種先!

    

    Cross Country(XC)/Trail

    

    跟據好多國家單車銷售數據,XC/Trail車種係MTB裡面銷量最大既車種,

    包括由Single Speed(即係無波撥同波腳,前後都係得一塊齒輪既車種)

   以至前後都有避震既XC車在內。

    XC/Trail車係設計黎玩有上有落既地形。所以重量方面係會比DH車輕好多,通常由21-28磅不等。

    當然愈輕愈好啦,起碼抬樓梯都無咁重嘛!但係要知到一樣野,就係每減一個gram都係錢,

    值唔值就睇下自己覺得值唔值囉,我自己就分唔出踩23磅同25磅既車既分別喇。

    XC/Trail車裡面又分做兩大類,就係Hardtail(硬架) ;包括有前避震同無前避震,

    Full Suspension(釋做軟架應該得掛?) ;即係前後都有避震。

    有關軟同硬既好處同壞處就留番遲d先講,響呢part我地係純綷講車種同用途。

    通常響XC/Trail車種既前避震同後避震大約由3吋至5吋不等,因為重量問題,

    部份會用氣壓式避震系統;油壓式亦都好普遍。而響呢類車可以見到既零件分別有:

    FlatLow Riser Handle BarSingle Speed/24gear/27gearV- brake/Disc Brake

   2.25以下車呔等等。

 

   Freeride(FR)

 

   Freerider呢類車種係近兩三年裡面冒出黎既一個新車種,係介乎於XC/TrailDownhill車;

   但比較接近Downhill車種既一個車種。同Downhill車一樣,

  一般既Freeride車係會有比較長既前避震同後避震,去應付由幾尺至幾十尺既Drop-off/Jump,

  通常最少都要有5-8吋咁上下,大部份亦都會用油壓式避震系統。

   通常FR車用既零件有:8rotor油壓碟剎系統、2.25吋闊或以上既車呔,有時甚至去到3吋都有、

   短鵝頸、26-28吋長High Riser Handle Bar27gear等等,重量通常響3038磅左右。

 

   Downhill Bike(DH)

 

  顧名思義,DH車係設計用黎玩Downhill,所以DH車個車架同所用既零件都係比較實淨同比較重。

   一般既DH車係會有好長既前避震同後避震;為左應付部份由幾尺至幾十尺既Drop-off/Jump,

   通常最少都要有6-8吋咁上下,絕大部份都會用油壓式避震系統。通常DH車用既零件有:

   8rotor油壓碟剎系統、2.25吋闊或以上既車呔,有時甚至去到3吋都有、短鵝頸、

   26-28吋長High Riser Handle Bar、單前餅連Chain Guide等等,重量通常有40磅或以上。

 

   Technical/Trial

 

   對於部份車友,控制一架單車既技術係比玩山帶黎更多樂趣同挑戰;

   好似用架車黎上落樓梯、飛jump、玩障礙賽呀、連人帶車跳上幾尺高既石壆/石躉呀,

   響得幾吋闊既地方玩平衡、又或者響幾尺高跳落黎等等等等。而玩Trial亦唔受地方限制,

   唔一定要上山先玩得,基本上你架車一出你屋企,週圍都玩得。

   學左部份 BikeTrial 既動作,可以應用係MTB入面,對玩山時應付一d 騎驅既路面會有一定既幫助!

 

Q : 香港有邊幾條越野單車徑

A : 唔好以為香港咁細,就無乜地方踩越野單車,其實淨係漁農署管轄既越野單車徑已經超過十條,

     當中較出名既有河背及芝麻灣越野單車徑。除左漁農署既合法單車徑外,仲有好多係不合法既。

     邊D係非法? 響呢度我唔方便講,大家自行發掘吧。如果進入非法單車徑被漁農署檢控,

     第一次最低罰款約$200,因此大家都要小心為上呀! 仲有香港既山徑比較窄而且多行山人士,

     無論踩合法或非法單車徑,都應該禮讓行山人士,千其唔好橫衝直撞。比人投訴,蝕抵都係自己咋!

 

Q : 單車可以坐 d 乜野交通工具 ?

A: 地鐵 - 入閘前拆前轆 , 去到月台時盡量到車頭或車尾上車 . 不用行李負加費 .

                  因為有些車友不拆轆 , 態度又不好 , 令到某些站已經不準單車進入 .

     巴士 - 要睇司機心情 , 機場巴士多數可以上車 . 不用行李負加費 .

     東鐵 - 大圍站不許進入 ( 又係因為比 d 唔生性車友搞串 party ) .

                  其他站入閘前拆前轆 , 自然會有 d 阿姐 ( 月台助理 ) 走過黎幫你 ,

                 行李費 $20 , 有些助理會要求你用垃圾袋遮住架車 ( 廢事嚇親人 ? ) .

     西鐵 - 情況應該同東鐵差唔多 , 有 d 車友話得 , 又有 d 試過唔得 .

      渡輪 - 往離島o既貨船都得 , 價錢及船期自己去船公司問啦 ~!

                  官塘 - 北角 ( 連人帶車 $15.00 ) 富裕小輪

                  紅磡 - 灣仔 ( 連人帶車 $15.90 ) 天星小輪

                  紅磡 - 中環 ( 連人帶車 $15.90 ) 天星小輪

                  紅磡 - 北角 ( 連人帶車 $11.20 ) 新渡輪

    注意幾條線都是 19:00 過點就收船,請留心時間。 ( 多謝 Evergreen 提供資料 )

     請各位車友自律 , 帶單車乘公共交通工具時 ( 渡輪除外 ) , 一定要拆轆 .

     可能你會覺得好麻煩而且仲危險 , 但係所有鐵路運輸都無條例係比單車入架 !

     比你入係人情 , 唔比你入係道理 , 唔比你入o既時候請好聲氣 d 同佢地解釋 ,

     到比你入o既時候就同人講聲 Thank You. 咁就大家 happy 啦 ~

 

Counter 1